Վաղ տարիքից հետաքրքրվել է թատրոնով։ 17 տարեկանում ընդունվում է Սիլվիո Դ՛Ամիկոյի դրամատիկ արվեստների ակադեմիա, որից հետո սկսում է խաղալ թատրոնում։ 1942 թվականից խաղում է ֆիլմերում։ 1953 թվականին Մարիո Սոլդատի «Գավառուհին» ֆիլմում խաղում է Ջինա Լոլոբրիջիդայի հետ, իսկ իր դերի համար մասնակցել է իտակալան «Արծաթյա շղթա» մրցանակաբաշխություն[4][5][6]։ Դրանից հետո նա ծանոթանում է Միքելանջելո Անտոնիոնիի հետ, ով նրան գլխավոր դերեր է տալիս իր երկու ֆիլմերում․ «Ընկերուհիներ» (1955 թ.) և «Արկած» (1960 թ.)։ Ֆերցետտին իր դերերով իտալական ֆիլմագրության մեջ նեոռեալիզմի նոր տարրեր է բերում իր էլեգանտ և արիստոկրատական դերերով։ Հետագայում տարբեր ռեժիսորների, ժանրերի և երկրների ֆիլմերում․ «Երեք սենյակ Մանհեթենում» Մարսելյա Կարնե, «Յուրաքանչյուրին իրենը» Էլիո Պետրի, «Մի անգամ վայրի արևմուտքում» Սերջո Լեոնե, «Նրա գերազանցության գաղտնի ծառայությունում» Փիթեր Հանտ։ Ընդհանուր առմամբ Գաբրիելե Ֆերցետտին դերեր է կատարել ավելի քան 100 ֆիլմերում[5][6][7]։