Բրվինուվ (լեհ.՝ Brwinów), քաղաքԼեհաստանիՄազովեցյան վոևոդության Պրուշկովսկի գավառում (պովյատում), երկրի մայրաքաղաք Վարշավայից 25 կիլոմետր հեռավորության վրա։ Ունի գյուղաքաղաքային գմինի (շրջանի) կարգավիճակ։ Ներառված է Վարշավայի ագլոմերացիայում։ Զբաղեցնում է 10,06 քառակուսի կիլոմետր տարածք։ 2018 թվականի հունվարի 1-ի տվյալներով բանկչության թվաքանակը եղել է 13 533։ XVI դարի երկրորդ կեսին եղել է տերունական գյուղ և գտնվել է Մազովեցյան վոևոդության Բլոնեի պովյատի կազմում[2]։
Քաղաքում գործում են ծառայությունների մատուցման կենտրոն, կահույքի արտադրության ու նորոգման ոչ մեծ ձեռնարկություններ։ Մինչև 2002 թվականը Բրվինուվում էր գտնվում Վարշավայի բնական գիտությունների համալսարանի անասնաբուծական ֆակուլտետը, որն այնուհետև տեղափոխվեց երկրի մայրաքաղաք[3]։ Բրվինուվով են անցնում Վարշավան Կատովիցեին կապող թիվ 1 երկաթգիծն ու Վարշավա - Գրոձիսկ Մազովեցկի երկաթուղին, ինչպես նաև A2 ավտոմայրուղին ու թիվ 749, թիվ 720 ավտոճանապարհները։
Քաղաքում ամեն տարի անց է կացվում «Բաց բանջարանոցներ» փառատոնը[4]։ 2014 թվականի ապրիլի 13-ին այստեղ կազմակերպվեց ամերիկյան ֆուտբոլի ցուցադրական մրցախաղ Warsaw Eagles - Angels Toruń թիմերի միջև[5][6]։
↑Adolf Pawiński, Polska XVI wieku pod względem geograficzno-statystycznym. T. 5: Mazowsze, Warszawa 1895, s. 278, Mazowsze w drugiej połowie XVI wieku ; Cz.1, Mapa, plany, Warszawa 1973, k. 4.
↑Józef Spytkowski: Kallenbach Józef Henryk. W: Polski Słownik Biograficzny. T. XI. Wrocław – Warszawa – Kraków: Zakład Narodowy Imienia Ossolińskich, Wydawnictwo Polskiej Akademii Nauk, 1964–1965, s. 491–493.
Լեհաստան
Հուշարձան Բրվինուվի ճակատամարտում՝ 1939 թ. սեպտեմբերի 12-ին զոհվածների հիշատակին
Ճակատամարտում զոհվածների շիրիմները քաղաքային գերեզմանատանը
Կովալսկիների պալատը
Սբ. Ֆլորիանի կոստյոլը
Համայնքապետարանը (ռատուշան)
