Բրոնքսյան պատմություն

Վիքիպեդիայից՝ ազատ հանրագիտարանից
Բրոնքսյան պատմություն
անգլ.՝ A Bronx Tale
Երկիր ԱՄՆ
Ժանրպատմություն հասունացման մասին, դրամա և քրեական ֆիլմ
ՀիմքԲրոնքսյան պատմություն
Թվական1993 և հուլիսի 28, 1994[1]
Լեզուանգլերեն
ՌեժիսորՌոբերտ Դե Նիրո
ՊրոդյուսերՌոբերտ Դե Նիրո
Սցենարի հեղինակՉեզ Պալմինտերի
ԴերակատարներՌոբերտ Դե Նիրո, Չեզ Պալմինտերի, Լիլո Բրանկատո, Տարալ Հիքս, Ֆրենսիս Կապրա, Քեթրին Նարդուչչի, Ջո Պեշի, Ջո Բլեք, Թոնի Սիրիկո և Դոմենիկ Լոմբարդոցցի[2]
ՕպերատորՌեյնալդո Ուիլյալոբոս
ՄոնտաժՌոբերտ Ք. Լովեթ և Դևիդ Ռեյ
Պատմվածքի վայրՆյու Յորք
Նկարահանման վայրՆյու Յորք և Նյու Ջերսի
ԿինոընկերությունTriBeCa Productions
Տևողություն116 րոպե

«Բրոնքսյան պատմություն» (անգլ.՝ A Bronx Tale), Ռոբերտ Դե Նիրոյի կողմից 1993 թ.-ին նկարահանված քրեական դրամա ժանրի գեղարվեստական ֆիլմ։

Ֆիլմը Դե Նիրոյի ռեժիսորական դեբյուտն է։ Ֆիլմի սցենարի հեղինակն է Չեզ Պալմինտերին, ով նաև հանդես է գալիս ֆիլմում և մարմնավորում առանցքային կերպարներից մեկին։

Սյուժե[խմբագրել | խմբագրել կոդը]

Գործողությունները տեղի են ունենում Նյու Յորքի Բրոնքս թաղամասում` 1960-ական թվականներին։

Ֆիլմի գլխավոր հերոսն է Նյու Յորքի իտալական Բրոնքս թաղամասում ապրող դեռահաս Կալոջերոն, ում հայրը՝ Լոռենցոն (Դե Նիրո) աշխատում է որպես ավտոբուսի վարորդ և ստանում համեստ աշխատավարձ։ Մի անգամ փողոցում ընկերների հետ խաղալիս տեսնում է, թե ինչպես են բախվում երկու մեքենա, որոնց վարորդները սկսում են հարաբերությունները պարզել, սակայն նրանցից առավել բռնկունը սկսում է բեյսբոլի մականով ջարդուփշուր անել երկրորդի մեքենան։ Նույն պահին միջադեպին է խառնվում Բրոնքսի ամենամեծ հեղինակությունը՝ Սաննի Լոսպեչչիոն (Չեզ Պալմինտերի), ով ճարահատյալ գնդակահարում է հանդուգն վարորդին, իսկ մյուսին օգնում հեռանալու դեպքի վայրից։

Դեպքից հետո ոստիկանները թակում են Լոռենցոյի բնակարանի դուռը և խնդրում, որ երեխան հոր հետ իջնի բակ, ոստիկաններին օգնելու՝ ճանաչելու մարդասպանին։ Կալոջերոն հերթով զննում է շարքով կանգնած կասկածյալների դեմքերը և երբ տեսնում է Սանիին, ասում է, որ նա չէր մարդասպանը։ Այդ դեպքից հետո Սանիին երախտապարտորեն դառնում է Կալոջերոյի ամենամոտ ընկերը և գրեթե հայրը։ Սանին Կալոջերոյի համար մտածում է մի կարճ մականուն՝ Սի, որը դառնում է նրա նոր անունը թաղամասում, և բոլորն սկսում են նրան դիմել այդ կերպ, ինչն ընդհանրապես դուր չի գալիս Լոռենցոյին, ով առհասարակ դեմ էր որդու մերձեցմանը քրեական հեղինակության հետ և ժամանակ առ ժամանակ խնդիրներ էր ունենում թե՛ որդու հետ, ով գտնում էր, որ հայրը տքնաջան է աշխատում և էլի աղքատ մնում, և թե՛ Սանիի հետ, ով Սիին վերաբերվում էր հարազատ որդու և նման։

Մի առիթով Սիի ընկերները ցանկություն են հայտնում գնալ սևամորթների թաղամաս ու վառել այնտեղի խանութները և որոշում են Սիին տանել իրենց հետ։ ճանապարհին, սակայն, նրանց մեքենան կանգնեցնում է Սանին և Սիին դուրս հանում։ Երբ ավելի ուշ պարզվում է որ Սիի ընկերները սպանվել էին, Սին անմիջապես գնում է այդ թաղամաս. տեսնելով մանկության ընկերների՝ հրդեհից մոխրացած դիակները, ասում է սևամորթ ընկերուհուն, որ Սանին նրան դուրս հանելով մեքենայի միջից՝ փաստորեն փրկել է կյանքը։ Այդ մտքից ոգևորված նա վազում է դեպի Սանիի բարը՝ նրան համբուրելու և շնորհակալություն հայտնելու։ Սակայն մտնելով բար, նա ամբոխի խաժամուժում նկատում է մի վտանգավոր տղայի, ով նույն պահին էլ ատրճանակով մահացու կրակ է հասցնում Սանիին։ Հետագայում պարզվում է որ դա այն մարդու որդին էր, ում Սանին էր սպանել մի քանի տարի առաջ կատարված տխրահռչակ միջադեպի ժամանակ։

Ծանոթագրություններ[խմբագրել | խմբագրել կոդը]

  1. Lexicon of international films (գերմ.)Zweitausendeins.
  2. ČSFD (չեխերեն) — 2001.

Արտաքին հղումներ[խմբագրել | խմբագրել կոդը]