Jump to content

Բրիտանի Մերֆի

Վիքիպեդիայից՝ ազատ հանրագիտարանից
Բրիտանի Մերֆի
Մերֆին Լոնդոնում 2006 թվականի նոյեմբերի 26-ին
Ծնվել էնոյեմբերի 10, 1977(1977-11-10)[1][2]
ԾննդավայրԱտլանտա, Ջորջիա
Մահացել էդեկտեմբերի 20, 2009(2009-12-20)[3][1][2][…] (32 տարեկան)
Մահվան վայրԼոս Անջելես, Կալիֆոռնիա, ԱՄՆ
ԳերեզմանՖորեստ Լոուն հուշայգի
ԿրթությունJohn Burroughs High School?
ՔաղաքացիությունԱմերիկայի Միացյալ Նահանգներ ԱՄՆ
Ազգությունամերիկացի
ԿրոնՄորմոն
Այլ անուն(ներ)Բրիտանի Էնն Բերտոլոտի
Brittany Anne Bertolotti
ՄասնագիտությունԴերասանուհի, երգչուհի, պրոդյուսեր
Ակտիվ շրջան1991 - 2009 թվականներ
Ժանրերփոփ, ալտերնատիվ ռոք, Էլեկտրոնային և հիփ հոփ
ԸնտրանիClueless?, Ուրախ ոտքեր, Uptown Girls?, 8-րդ մղոն և Just Married?
Ծնողներհայր՝ Angelo Bertolotti?[4], մայր՝ Sharon Murphy?
Ամուսին(ներ)Սայմոն Մոնջեկ
Համատեղ ապրող(ներ)Էշթոն Քաթչեր, Jeff Kwatinetz? և Joe Macaluso?
Բրիտանի Մերֆի՝ Վիքիպահեստ

Բրիտանի Մերֆի (անգլ.՝ Brittany Murphy, նոյեմբերի 10, 1977(1977-11-10)[1][2], Ատլանտա, Ջորջիա - դեկտեմբերի 20, 2009(2009-12-20)[3][1][2][…], Լոս Անջելես, Կալիֆոռնիա, ԱՄՆ), ամերիկացի դերասանուհի և երգչուհի։ 2002 թվականին «Երիտասարդ Հոլիվուդ» մրցանակի դափնեկիր է։

Կենսագրություն

[խմբագրել | խմբագրել կոդը]

Բրիտանի Էնն Բերտոլոտին ծնվել է 1977 թվականի նոյեմբերի 10-ին Շերոն Մերֆիի (կիսով չափ իռլանդուհի, կիսով չափ արևելաեվրոպական հրեուհի)[5] և Անջելո Բերտոլոտիի (իտալա-ամերիկյան ծագումով) ընտանիքում, Ատլանտա քաղաքում, Ջորջիայի նահանգ և մեծացել է Նյու Ջերսիի մոտակայքում։ Այն բանից հետո, երբ Բրիտանիի ծնողները բաժանվում են, երբ նա երկու տարեկան էր, ապագա դերասանուհին վերցնում է մորական ազգանունը։ Արդեն 9 տարեկան հասակում նա սկսում է խաղալ տեղական թատրոնում, իսկ 13 տարեկանում ստորագրում է առաջին դերասանական պայմանագիրը դերասանական գործակալության հետ և սկսում է նկարահանվել հեռուստատեսային գովազդներում։ Նույն տարիքում, մոր հետ միասին, Բրիտանին տեղափոխվում է Կալիֆորնիա, որտեղ դեր է ստանում «Blossom» հեռուստատեսային շոուում։ Հետագայում, հեռուստատեսությունում մի ամբողջ շարք դերերից հետո, Մերֆին սկսում է շատ հաջողակ դերասանական կինոկարիերա, նկարահանվելով ինչպես անկախ կինոյում, այնպես էլ ստուդիաների նախագծերում, ինչպես դրամայում, այնպես էլ կատակերգություններում։

Մեծ կինոյում Մերֆիի համար դեր-ճեղքում է հանդիսանում Թեա Ֆրեյզերի դերը «Անհասկացողները» («Clueless», 1995 թվական) երիտասարդական կատակերգությունում, որտեղ նա խաղում է Ալիսիա Սիլվերսթոունի մարմնավորած գլխավոր հերոսուհու դասընկերուհու և ընկերուհու կերպարը։ 1998 թվականին, «Դևիդ և Լիզա» («David and Lisa») հեռուստիատեսային դրամայում գլխավոր հերոսուհու դերակատարման համար, Բրիտանին անվանակարգվում է «Young Artists Awards» մրցանակի։

Մերֆին շատ է նկարահանվել և կինոյում և հեռուստատեսությունում։ Առավել հայտնի աշխատանքներից են հանդիսանում Դեյզի Ռենդոունի դերը՝ հոգեկան հիվանդների կլինիկայի հաճախորդուհու, «Ընդհատված կյանք» («Girl, Interrupted», 1999 թվական) դրամայում, որտեղ Մերֆին խաղում է Վայնոնա Ռայդերի և Անջելինա Ջոլիի հետ միասին և Էլիզաբեթ Բոռոուզի դերը, կրկին հոգեբուժական կլինիկայի հաճախորդուհու, «Մի ասա ոչ մի խոսք» («Don't Say a Word», 2001 թվական) թրիլերում, որտեղ նրա խաղընկերն է հանդիսանում Մայքլ Դուգլասը։

2002 թվականին Մերֆին արժանանում է «Երիտասարդ Հոլլիվուդ» մրցանակի։

Մերֆին ելույթ է ունենում Իրաքում, ամերիկյան զորքի առջև, 2003 թվականի հունիս

«Մի ասա ոչ մի խոսք» թրիլերից հետո Մերֆին խաղում է հերոսուհիներ «Ութերորդ մղոն» («8 Mile», 2002 թվական), «Նորապսակները» («Just Married», 2003 թվական), «Քաղաքային աղջիկներ» («Uptown Girls», 2003 թվական) կինոնկարներում։ Արդեն 1990-ական թվականների սկզբներին նա որպես մեներգչուհի ելույթ էր ունենում սեփական «Blessed Soul» ռոք խմբում։ Այդ խմբի ստեղծագործությունները և Բրիտանիի ձայնը կարելի է լսել «Ընդհատված կյանք» (1999) և «Ճանապարհորդություն տղաների հետ ավտոմեքենայով» (2001) ֆիլմերի սաունդտրեկներում։ 2010 թվականին նախատեսված է Բրիտանի Մերֆիի մասնակցությամբ չորս ֆիլմերի թողարկում։

Անձնական կյանք

[խմբագրել | խմբագրել կոդը]

Բրիտանի Մեֆիի անձնական կյանքը սերտ կապված է եղել կինոյի հետ։ Դեռևս դպրոցում նա հանդիպել է Ջոնաթան Բրենդիսի հետ (1996-2003 թվականներ), «SeaQuest DSV» (1993 թվական) հեռուստասերիալի երիտասարդ աստղի հետ, հետագայում նա ևս նկարահանվել է այդ սերիալում։ ասում են, որ «Ութերորդ մղոն» ֆիլմի նկարահանումների ժամանակ նա հանդիպել է Էմինեմի հետ։ Սակայն, արդեն այդ ֆիլմի վրա աշխատանքների ավարտից հետո, նրան սերտ հարաբերություններ են կապում Էշթոն Քաթչերի հետ։ Նրանց ամենուրեք միասին էին տեսնում, նրանք դիտվում էին լիակատար երջանիկ զույգ և նրանց ընդհանուր ընկերները ենթադրում էին, որ գործը գնում է դեպի ամուսնություն։ Սակայն, անսպաելի, Էշթոնը հանկարծ հայտնվում է Դեմի Մուրի փեսացուի կարգավիճակում։ Մերֆին ծանր է տանում Քաթչերի հետ բաժանումը։

2007 թվականի մայիսին դերասանուհին ամուսնանում է սցաներիստ Սայմոն Մոնջեկի (1970-2010 թվականներ) հետ՝ մասնավոր հրեական արարողությունում։

Մահ

[խմբագրել | խմբագրել կոդը]

Մերֆին մահանում է 2009 թվականի դեկտեմբերի 20-ին, 32 տարեկան հասակում, Լոս Անջելեսի իր սեփական տանը, սրտի կաթվածից[6]։

Դերասանուհու մայրը հայտնաբերում է նրան անգիտակից վիճակում, լոգարանում։ Կանչով ժամանած «Շտապ Օգնության» բժիշկները արձանագրում են սրտի կանգ։ Բոլոր փորձերը տանը և կլինիկայի ճանապարհին վերակենդանացնելու Մերֆիին, ապարդյուն են անցնում։ Բրիտանի Մերֆին տեղափոխվում է «Սինայան Մայրիներ» բժշկական կենտրոն (անգլ.՝ Cedars-Sinai Medical Center), որտեղ եզրակացություն է կազմվում, որ նա մահացել է սրտային անբավարարությունից[7]։

Իմանալով Մերֆիի մահվան մասին, Էշթոն Քաթչերը գրում է իր բլոգում. «Այսօր աշխարհը կորցրեց լույսի ճառագայթ։ Իմ խորին ցավակցությունները Բրիտանիի ընտանիքին, նրա ամուսնուն և նրա ցնցող մայրիկ Շերոնին… Կտեսնվենք մյուս կողմում, փոքրիկ»։ «People» ամսագիրը մեջբերում է դերասանուհի Ջեսիկա Սիմփսոնի խոսքերը. «Բրիտանի Մերֆին եղել է արևային ճառագայթ, իսկ նրա ժպիտը ուղղակի վարակիչ էր»։

Ըստ Մերֆիի ամուսնու, այժմ արդեն հանգուցյալ Սայմոնի, խոսքերի, նա կանխազգում էր մահը. «Մահվանից մի քանի օր առաջ Բրիտանին հիվանդանում է և մենք խնդրում ենք նրա մայրիկին գալ մեր մոտ։ Շերոնը նրա համար արգանակ է բերում և նստում է նրա անկողնու մոտ։ Երբ Բրիտանին քնում է, մենք նրա մոր հետ խոհանոցում զրուցում էին մեր տեղոփոխման և երեխաներ ունենալու մասին։ Մենք, կնոջս հետ միասին, սկսել էինք ընտրել անուններ ապագա երեխաների համար։ Երբ Բրիտանին արթնանում է, նրան չէր բավականացնում օդը։ Մայրը նրան առաջարկում է դուրս գալ փողոց։ Այնտեղ Բրիտանին ասում է նրան. «Մայրիկ ես մահանում եմ։ Ես սիրում եմ քեզ»»[8]։

Մերֆին հուղարկավորված է Հոլիվուդյան բլուրներում, 2009 թվականի դեկտեմբերի 24-ին։

Դատաբժշկական փորձագետները, որոնք անց էին կացնում բոլոր անհրաժեշտ փորձաքննությունները, հայտնում են, որ դերասանուհու սրտի կանգի պատճառ է հանդիսացել թոքերի բորբոքումը և երկաթասակավության անեմիայի պատճառով դեղորայքի գերչափաքանակի հետ կապված բարդացումները[9]։

Լոս Անջելեսի առողջապահության դեպարտամենտը ենթադրում է, որ դերասանուհու մահվան պատճառ է հանդիսացել սունկը, որը առաջացրել է թոքերի բորբոքում։ Այդ ենթադրությունը դառնում է գլխավորը, երբ բժիշկները արձանագրում են, որ դերասանուհու ամուսինը նույնպես մահացել է թոքերի բորբոքումից։ Հենց ամուսինների մահվան հանգամանքների նմանությունը վարկածը, որը հրապարակվում է ԶԼՄ-ներում, սնկային վարակի վերաբերյալ, այն դարձնում են հիմնական[10]։ Այնուամենայնիվ, կորոների ծառայության պաշտոնական ներկայացուցիչը հայտարարում է, որ չկա ոչ մի պատճառ ենթադրելու, որ դերասանուհու մահվան պատճառ կարող է հանդիսանալ սնկային բորբոքումը[11]։ Հանգուցյալի մայրը սնկային բորբոքման վարկածը անվանում է անհեթեթ և հայտնում, որ նրա դստեր տունը նույնիսկ չի հետազոտվել սնկային վարակման առիթով[12]

Բրիտանիի հայրը՝ Անջելոն, պահանջում է գործի վերանայում։ 2013 թվականի նոյեմբերի 18-ին հայտարարվում է, որ Մերֆիի մազերի, արյան նմուշի և մաշկի անկախ հետազոտությունների արդյունքում հայտնաբերվել է 10 ծանր մետաղի առկայություն, որը խոսում է այն մասին, որ նա, հնարավոր է, կարող է սպանված լինել դրանցով թունավորման միջոցով[13]։

Հիշատակը

[խմբագրել | խմբագրել կոդը]

2010 թվականի փետրվարին, Բրիտանիի մայրը և նրա ամուսին Սայմոն Մոնջեկը, հիմնադրում են «Brittany Murphy Foundation» բարեգործական հիմնադրամը, ի հիշատակ դերասանուհու։ Այդ հիմնադրամի միջոցները պատք է ուղղվեն ոչ լիարժեք ընտանիքներից երեխաներին դերասանական վարպետության և արվեստի ուսուցման համար[14]։

2014 թվականին կանանց Lifetime մալուխային ալիքը նկարահանում է «Բրիտանի Մերֆիի պատմությունը» հեռուստաֆիլմը, որում գլխավոր դերը կատարում է Ամանդա Ֆուլերը[15]։

Ֆիլմագրություն

[խմբագրել | խմբագրել կոդը]
Թվական Անվանում Բնօրինակ անվանում Կերպար
1991 Մերֆի Բրաուն Murphy Brown Ֆրենկի քույրը
1992 Kids Incorporated Սելեստա
1991-1992 Drexell's Class Բրենդա Դրեքսել
1992 Պարկեր Լյուիսը չի կարող պարտվել Parker Lewis Can’t Lose Էնջի
1993 Ընտանիքի հույսը Family Prayers Էլիս
1993 Համարյա գլխավոր Almost Home Մոլի Մորգան
1993 Բլոսոմ Blossom Ուենդի
1994 Ֆրեյզեր Frasier Օլսեն
1994 Երեկույթ հինգի համար Party of Five Էբբի
1994-1995 Քույրիկ, քույրիկ Sister, Sister Սառա
1995 Անհասկացողները Clueless Թեա Ֆրեյզեր
1995 Պատանին ճանաչում է աշխարհը Boy Meets World Տրինի
1995 Մարշալ The Marshal Լիզի Ռոտ
1995 Ստորջրյա ոդիսական SeaQuest DSV Կրիստին վան Կեմպ
1995 Մեկ սպանություն Murder One Դիանա Կարսոն
1996 Մայրուղի Freeway Ռոնդա
1996 Կրկնակի պատիժ Double Jeopardy Ջուլիա Մարիա Նյուման
1996 Խուզարկու Նեշ Բրիջես Nash Bridges Կերրի
1996 Անհասկացողները Clueless Ժասմին
1997 Թմրալիքներում Bongwater Մերի
1997 Դրայվ Drive Դելիվերենս
1998 Մարգարեություն 2 The Prophecy II Իզզի
1998 Փյունիկ Phoenix Վերոնիկա
1998 Զակ և Ռեբա Zack and Reba Ռեբա
1998 Դևիդ և Լիզա David and Lisa Լիզա
1999 Դիվային թվաբանություն The Devil’s Arithmetic Ռեվկա
1999 Մահացու գեղեցկուհիները Drop Dead Gorgeous Լիզա Սվենսոն
1999 Ընկնող երկինք Falling Sky Էմիլի
1999 Ընդհատված կյանք Girl, Interrupted Դեյզի Ռենդոն
2000 Արգելված սեր Common Ground Դորոտի Նելսոն
2000 Թրիկսի Trixie Ռուբի
2000 Հրեշտակները Angels! բուժքույր Բելոուս
2000 Սպանություն Չերրի Ֆոլկսում Cherry Falls Ջոդի Մարկեն
1999-2000 Պեպեր Էնն Pepper Ann
2000 Լսումներ The Audition Դանիելա
2001 Նյու Յորքի փողոցները Sidewalks of New York Էշլի
2001 Ամառային խաղեր Summer Catch Դիդի մալիգան
2001 Մի ասա ոչ մի խոսք Don't Say a Word Էլիզաբեթ Բորոուզ
2001 Ուժեղ կին Riding in Cars with Boys Ֆեյ Ֆորեստեր
2002 Բարձրագույն պիլոտաժ Spun Նիկի
2002 Something in Between Սկայ
2002 Ութերորդ մղոն 8 Mile Ալեքս
2003 Նորապսակները Just Married Սառա Լիզակ
2003 Քաղաքային աղջիկներ Uptown Girls Մոլի Գան
2003 Բրդոտ հատուկ ջոկատայիններ Good Boy! Նելլի
2004 Փոքրիկ սև գիրք Little Black Book Սթեյսի
2005 Getting Up: Contents Under Pressure Կարեն Լայթ
2005 Մեղքերի քաղաքը Sin City Շելլի
2005 Անհաջողակը Neverwas Մեգի Բլեյք
2006 Տղաների հավաքույթ The Groomsmen Սյու
2006 Սեր և այլ աղետներ Love and Other Disasters Էմիլի Ջեքսոն
2006 Մահացած աղջիկ The Dead Girl Կրիստա
2006 Արա ոտքեր Happy Feet Գլորիա
2006 Արա ոտքեր Happy Feet Գլորիա
2008 Ցամաքի աղջիկներ The Ramen Girl Էբբի
2008 Ֆուտուրամա։ Գազան միլիարդավոր մեջքով Futurama: The Beast with a Billion Backs Կոլին Օ Հալալան
2009 Մահվան գիծը Deadline Էլիս
2009 Սպանություն ժառանգությամբ Tribute Սիլա ՄակԳոուեն
2009 Դեմ առ դեմ միջանցքում Across the Hall Ջուն
1997-2009 Բլրի արքան King of the Hill Լուեն Պլատեր/Ջոզեֆ Գրիբլ
2009 Մեգաջարդում MegaFault Էմի Լեյն
2010 Անզուսպը Abandoned Մերի
2014 Ցույց մի տուր Something Wicked Սյուզան

Աղբյուրներ

[խմբագրել | խմբագրել կոդը]

Ծանոթագրություններ

[խմբագրել | խմբագրել կոդը]
  1. ↑ 1,0 1,1 1,2 1,3 1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
  2. ↑ 2,0 2,1 2,2 2,3 2,4 Internet Broadway Database — 2000.
  3. ↑ 3,0 3,1 3,2 http://www.mercurynews.com/breaking-news/ci_14334709
  4. ↑ 4,0 4,1 Pas L. v. Genealogics — 2003.
  5. ↑ По Бриттани Мерфи прочитали Кадиш
  6. ↑ Brittany Murphy Dies - 20 декабря 2009 (անգլ.)
  7. ↑ Lenta.ru - В США скончалась актриса Бриттани Мерфи - 21 декабря 2009
  8. ↑ «Саймон Монджек: «Бриттани предчувствовала свою смерть!»». Արխիվացված է օրիգինալից 2014 թ․ օգոստոսի 14-ին. Վերցված է 2015 թ․ օգոստոսի 24-ին.
  9. ↑ Эксперты назвали причины смерти Бриттани Мерфи
  10. ↑ «Смерть актрисы Бриттани Мерфи и ее мужа спровоцировал грибок, заразивший дом, в котором жила Бритни Спирс». Արխիվացված օրիգինալից 2012 թ․ փետրվարի 19-ին. Վերցված է 2010 թ․ հուլիսի 26-ին.
  11. ↑ Alan Duke (2010 թ․ հուլիսի 26). «Coroner: No indication mold killed Brittany Murphy or Simon Monjack» (անգլերեն). CNN. Արխիվացված օրիգինալից 2012 թ․ փետրվարի 19-ին. Վերցված է 2011 թ․ հուլիսի 10-ին.
  12. ↑ Sara Hammel (2010 թ․ հուլիսի 26). «Brittany Murphy's Mother Calls Toxic Mold Reports 'Absurd'» (անգլերեն). people.com. Արխիվացված օրիգինալից 2012 թ․ փետրվարի 19-ին. Վերցված է 2011 թ․ հուլիսի 10-ին.
  13. ↑ «Brittany Murphy Murdered? New Evidence Of Possible Posioning». Արխիվացված է օրիգինալից 2015 թ․ հուլիսի 19-ին. Վերցված է 2015 թ․ օգոստոսի 24-ին.
  14. ↑ «О фонде «Brittany Murphy Foundation»». Արխիվացված է օրիգինալից 2010 թ․ ապրիլի 13-ին. Վերցված է 2015 թ․ օգոստոսի 24-ին.
  15. ↑ Bryn Elise Sandberg (12 августа 2014). «Lifetime to Air Brittany Murphy Biopic». The Hollywood Reporter. Վերցված է 2014 թ․ օգոստոսի 13-ին.
Ստացված է «https://hy.wikipedia.org/w/index.php?title=Բրիտանի_Մերֆի&oldid=9918751» էջից