Բրետ Իստոն Էլլիս

Բրետ Իստոն Էլլիս; անգլ.՝ Bret Easton Ellis
Ծնվել է	մարտի 7, 1964[…] (60 տարեկան)
Ծննդավայր	Լոս Անջելես, Կալիֆոռնիա, ԱՄՆ
Մասնագիտություն	գրող, սցենարիստ, վիպասան, պոդքաստեր, լրագրող, վիպասան և գործադիր պրոդյուսեր
Քաղաքացիություն	ԱՄՆ
Կրթություն	Բենինգթոնի քոլեջ (1986) և Ուիլյամ Ֆլոյդի ավագ դպրոց
Ժանրեր	երգիծանք
Ուշագրավ աշխատանքներ	Less Than Zero? և American Psycho?
	Ներշնչվել է
Կայք	randomhouse.com/kvpa/eastonellis/
	Bret Easton Ellis Վիքիպահեստում

Բրետ Իստոն Էլլիս (անգլ.՝ Bret Easton Ellisմարտի 7, 1964(1964-03-07)^[1]^[2]^[3]^[…], Լոս Անջելես, Կալիֆոռնիա, ԱՄՆ), ժամանակակից ամերիկացի գրող։

Կենսագրություն[խմբագրել | խմբագրել կոդը]

Բրետ Իստոն Էլլիսը ծնվել է 1964 թվականի մարտի 7-ին ԱՄՆ Կալիֆոռնիա նահանգի Լոս Անջելես քաղաքում։ Հայրը` Ռոբերտ Մարտին Էլլիսը, կառուցապատող էր (a property developer), մայրը` Դեյլ Էլլիսը, տնային տնտեսուհի էր։ Նրանք ամուսնալուծվում են 1982 թվականին՝ տղայի` քոլեջ ընդունվելուց շատ չանցած։ Մինչև տասնութ տարեկանը տղան հաճախ է բռնության ենթարկվում հոր կողմից, որը լուրջ խնդիրներ ուներ ալկոհոլի հետ։ Ռոբերտ Էլլիսը մահանում է 1992 թվականին՝ այդպես էլ չհաշտվելով որդու հետ։ Նրանց բարդ հարաբերությունները հետագայում արտացոլվում են Բրետ Իստոն Էլլիսի ստեղծագործություններում. մասնավորապես, ամենահայտնի հերոսի` Պատրիկ Բեյտմանի կերպարն ստեղծելիս նա իբրև նախատիպ օգտագործում է իր հոր անձը^[6] (թեև հետո ավելի ուշ կայացած հարցազրույցի ժամանակ Էլլիսը դա կհամարի իր կողմից բացարձակ սուտ, որը ծնվել է իր դժկամությունից` խոստովանելու, որ մեծ մասով Բեյտմանին կրկնօրինակել է հենց իրենից^[7]): Ոչ պակաս իրարամերժ պատասխաններ է տալիս Էլլիսը տարբեր ժամանակներում իր կենսագրությանը, մասնավորապես անձնական կյանքին վերաբերող տարբեր հարցերին։ Այսպես օրինակ. մի հարցազրույցի ժամանակ խոսելով իր կյանքում Մայքլ Կապլանի նշանակալի դերի մասին` որպես ընկեր և սիրեկան, որի մահը ծառայեց իբրև կատալիզատոր` ավարտելու համար «Լունապարկ»^[8] վեպը, մի ուրիշ անգամ հայտարարում է, որ Մայքը կմեռներ ևս մեկ անգամ, եթե իր և Բրետի մասին լսեր «սիրեկան» բառը, չնայած նաև խոստովանում է տարիների հետ ուժգնացող «անորոշ սեռականությունը» (անգլ.` "indeterminate sexuality") և «ցանցի երկու կողմերում խաղալու» փորձը (անգլ.՝ "both sides of the fence")^[7]: 2012 թվականին գրողն այնուամենայնիվ հաստատեց իր համասեռամոլ լինելը^[9]։

Բրետ Իստոն Էլլիսը ուսումնասիրում է երաժշտություն Նոր Անգլիայում` Բենինգթոնի ազատ արվեստների քոլեջում, որտեղ 1986 թվականին ստանում է բակալավրի աստիճան։ Նրա ուսուցիչներից մեկը եղել է գրող և լրագրող Ջո Մակգիննիսը։ Ավելի ուշ այս ուսումնական հաստատությունը կդառնա նախատիպը գրողի հորինած Քեմդեն-քոլեջի, որում ծավալվելու են նրա «Սեքսի կանոնները» (անգլ.`The Rules of Attraction) գրքի գործողությունները։

Իր առաջին վեպը`«Զրոյից պակաս» (անգլ.`Less Than Zero, 1985), որը Էլլիսի` գրելու վարպետության դասընթացի կուրսային աշխատանքն է, հրատարակում է դեռևս ուսանող լինելով։ Լոս Անջելեսի ոսկի երիտասարդության` սեքսով ու բռնությամբ լի կյանքի մասին գիրքը լավ արձագանքների է արժանանում մամուլում և հաջողություն ունենում ընթերցողների շրջանում. առաջին տարին այն սպառվում է 50 հազար տպաքանակով։ 1987 թվականին Էլլիսը տեղափոխվում է Նյու Յորք, որտեղ հրատարակում է իր երկրորդ վեպը` «Սեքսի կանոնները» (անգլ.`The Rules of Attraction):

Ամենից շատ, այդ թվում նաև սկանդալային ճանաչում է ձեռք բերում Բրետ Իստոն Էլլիսի` 1991 թվականին լույս տեսած «Ամերիկյան հոգեգարը» (American Psych) վեպը։ Դեռևս հրատարակվելուց առաջ գիրքն արդեն առաջացնում է խիստ ընդվզումներ մի շարք հասարակական կազմակերպությունների շրջանում, որոնք մեղադրում են հեղինակին բռնություն և կնատյացություն քարոզելու մեջ։ Մյուս կողմից էլ Էլլիսին պաշտպանում են ամերիկյան գրականության այնպիսի երևելի դեմքեր, ինչպես Նորման Մեյլերը։ Հասարակական դժգոհությունը ստիպում է փոխել հրատարակչին, և «Ամերիկյան հոգեգարը», ճիշտ է, որոշ ուշացումով, բայց լույս է տեսնում։ Արյունոտ սպանություններ իրականացնող (հնարավոր է, սոսկ իր ֆանտազիաներում) ուոլստրիտցի հաջողակ յուպպի (yuppie) Պատրիկ Բեյտմանի մասին վեպը դառնում է ԱՄՆ գրքի շուկայի նշանակալի իրադարձություն։

«Ինֆորմատորներ» (The Informers ) գրքի էկրանավորման ժամանակ (200), ռեժիսոր Գրեգոր Ջորդան) Բրետ Իստոն Էլլիսը առաջին անգամ հանդես է գալիս որպես սցենարի հեղինակ և պրոդյուսեր։ 2010 թվականին գրողը հրատարակում է «Կայսերական ննջարաններ» ( Imperial Bedrooms )գիրքը` իբրև իր «Զրոյից պակաս» դեբյուտային վեպի շարունակություն։

2012 թվականին Էլլիսը սցենար է գրում «Կանյոններ» (The Canyons ) անկախ ֆիլմի համար։ Պոլ Շրեդերի ֆիլմը` Լինդսի Լոհանի և Ջեյմս Դինի մասնակցությամբ, թողարկվեց 2013 թվականին, բայց հիմնականում եղան նեգատիվ արձագանքներ քննադատների կողմից, ու ցուցադրությունից հավաքվեց քիչ գումար^[10]։

Մատենագրություն[խմբագրել | խմբագրել կոդը]

Զրոյից պակաս / Less Than Zero (1985)
Ամերիկյան հոգեգարը / American Psycho (1991)
Ինֆորմատորներ / The Informers (1994)
Լունապարկ / Lunar Park (2005)
Կայսերական ննջարաններ / Imperial Bedrooms (2010)
«Կանյոններ» / The Canyons (2012)

Էկրանավորումներ[խմբագրել | խմբագրել կոդը]

1987 — Զրոյից պակաս / Less Than Zero
2000 — Ամերիկյան հոգեգարը/ American Psycho
2002 — Սեքսի կանոնները / The Rules of Attraction
2004 — Ընտրյալները / Glitterati
2008 — Ինֆորմատորները / The Informers (առաջին աշխատանքն է որպես հեղինակ և պրոդյուսեր)
TBA — Լունապարկ / Lunar Park (նկարահանումները նախապատրաստվում են

Ծանոթագրություններ[խմբագրել | խմբագրել կոդը]

↑ ^1,0 ^1,1 Internet Movie Database — 1990.
↑ ^2,0 ^2,1 Internet Broadway Database — 2000.
↑ ^3,0 ^3,1 Internet Speculative Fiction Database — 1995.
↑ http://web.archive.org/web/20170323035401/http://jeugdliteratuur.org/auteurs/bret-easton-ellis
↑ https://www.bennington.edu/bennington-network/outsized-impact/bret-easton-ellis
↑ «Author Q & A: A conversation with Bret Easton Ellis». randomhouse.com. Արխիվացված է օրիգինալից 2009 թ․ ապրիլի 28-ին. Վերցված է 20 мая 2011-ին.
↑ ^7,0 ^7,1 Coleman, Robert F. (20 мая 2011). «Bret Easton Ellis interview». RobertFColeman.com. Արխիվացված է օրիգինալից 2011 թ․ հուլիսի 15-ին. Վերցված է 2010 թ․ դեկտեմբերի 20-ին.
↑ Edward Wyatt. Bret Easton Ellis: The Man in the Mirror // The New York Times, 7 August 2005.
↑ Dear Kathryn Bigelow: Bret Easton Ellis Is Really Sorry
↑ Марина Латышева (2013 թ․ նոյեմբերի 22). «Несмешная девчонка: Линдси Лохан в «Каньонах» Пола Шредера». Газета РБК. Արխիվացված է օրիգինալից 2014 թ․ նոյեմբերի 29-ին. Վերցված է 2014 թ․ նոյեմբերի 21-ին.

Արտաքին հղումներ[խմբագրել | խմբագրել կոդը]

Վիքիպահեստն ունի նյութեր, որոնք վերաբերում են «Բրետ Իստոն Էլլիս» հոդվածին։

[_2289d0e104219c57-1] 1,0 ^1,1 Internet Movie Database — 1990.

[_1313bf937daaf56a-2] 2,0 ^2,1 Internet Broadway Database — 2000.

[_affc1bb788ca7aeb-3] 3,0 ^3,1 Internet Speculative Fiction Database — 1995.

[_18320b8c40dbcff1-4] ttp://web.archive.org/web/20170323035401/http://jeugdliteratuur.org/auteurs/bret-easton-ellis

[_a0e64d316bd4e213-5] ttps://www.bennington.edu/bennington-network/outsized-impact/bret-easton-ellis

[6] «Author Q & A: A conversation with Bret Easton Ellis». randomhouse.com. Արխիվացված է օրիգինալից 2009 թ․ ապրիլի 28-ին. Վերցված է 20 мая 2011-ին.

[coleman-7] 7,0 ^7,1 Coleman, Robert F. (20 мая 2011). «Bret Easton Ellis interview». RobertFColeman.com. Արխիվացված է օրիգինալից 2011 թ․ հուլիսի 15-ին. Վերցված է 2010 թ․ դեկտեմբերի 20-ին.

[8] Edward Wyatt. Bret Easton Ellis: The Man in the Mirror // The New York Times, 7 August 2005.

[9] Dear Kathryn Bigelow: Bret Easton Ellis Is Really Sorry

[10] Марина Латышева (2013 թ․ նոյեմբերի 22). «Несмешная девчонка: Линдси Лохан в «Каньонах» Пола Шредера». Газета РБК. Արխիվացված է օրիգինալից 2014 թ․ նոյեմբերի 29-ին. Վերցված է 2014 թ․ նոյեմբերի 21-ին.

[1]

[2]

[3]

[4]

[5]

[6]

[7]

[8]

[9]

[10]