Բուժիմ
Անվան այլ կիրառումների համար տե՛ս՝ Բուժիմ (այլ կիրառումներ)
| Քաղաք | |||
|---|---|---|---|
| Բուժիմ | |||
| բոս․՝ Bužim | |||
| |||
 | |||
| 45°03′0″N 16°02′0″E / 45.05000°N 16.03333°E | |||
| Երկիր |  Բոսնիա և Հերցեգովինա | ||
| Համայնք | Բուժիմ (համայնք) | ||
| Քաղաքապետ | Միրսադ Սահինովիչ | ||
| Մակերես | 129 կմ² | ||
| Բնակչություն | 5․398 մարդ (1991) | ||
| Ժամային գոտի | UTC+1, ամառը UTC+2 | ||
| Հեռախոսային կոդ | +387 (37) | ||
| Փոստային դասիչ | 77245 | ||
| Պաշտոնական կայք | opcinabuzim.ba | ||
| |||
.jpg)
Բուժիմ (բոս․՝ և խորվ.՝ Bužim) քաղաք և համայնք Բոսնիա և Հերցեգովինայի հյուսիս-արևմուտքում։ Մտնում է Ունա-Սանա կանտոնի կազմի մեջ։ Համարվում է համանուն համայնքի վարչական կենտրոնը։
Գտնվում է երկրի հյուսիս-արևմտյան մասում՝ Բուժիմնիցա գետի հովտում, Բոսնիական Կրաինա պատմական շրջանում՝ ծովի մակարդակից մոտ 180–400 մ բարձրության վրա։ Ռելիեֆը բնութագրվում է անտառապատ ցածր լեռնաշղթաներով, որոնք բարձրանում են մինչև 630 մ (Ռադոչ լեռ)։ Կանտոնի մայրաքաղաք Բիհաչը գտնվում է մոտ 30 կմ հեռավորության վրա։ Զագրեբի և Բուժիմի միջև հեռավորությունը կազմում է 85 կմ։
Աշխարհագրություն
[խմբագրել | խմբագրել կոդը]Բուժիմը սահմանակից է արևելքում՝ Բոսանսկա Կրուպա քաղաքին, հարավում՝ Ցազին քաղաքին, արևմուտքում և հյուսիսում՝ Վելիկա Կլադուշա քաղաքին, իսկ հյուսիս-արևելքում՝ Խորվաթիային։
Աշխարհագրական տեսանկյունից համայնքի մեծ մասը լեռնային է։ Բուժիմի ընդհանուր տարածքը կազմում է մոտ 129 կմ², իսկ բնակչությունը՝ մոտ 20,000 մարդ[1][2]։
Պատմություն
[խմբագրել | խմբագրել կոդը]Բուժիմի համայնքի տարածքը բնակեցված էր դեռևս մինչև հռոմեացիների գալը։ Այս տարածքի բնակչությունը զբաղվում էր երկրագործությամբ, անասնապահությամբ, հանքագործությամբ և առևտրով։ 14-րդ դարում դրամահատարանի գոյությունը վկայում է, որ այդ ժամանակաշրջանում առևտուրը զարգացած էր։ Օսմանյան նվաճումից հետո նույնպես Բուժիմը պահպանել է իր դերը որպես տարածաշրջանի առևտրի կենտրոն[3]։
Քաղաքում գերիշխում են միջնադարյան խորվաթական բերդերի ավերակներն ու հին քաղաքը։ Բուժիմի ամրոցի ավելի հին՝ ներքին մասը կառուցվել է ոչ ուշ, քան 14-րդ դարի առաջին կեսին և առաջին անգամ հիշատակվել է 1334 թվականին՝ քաղաքի հետ միասին։ 1484 թվականին բերդը ընդարձակվել է և հետագայում մի քանի անգամ վերանորոգվել։
Մինչև Բոսնիական պատերազմը, Բուժիմ քաղաքը պաշտոնապես ընդգրկված էր Բոսանսկա Կրուպա համայնքի կազմում։ 1996 թվականին Բուժիմը դարձել է առանձին համայնք։ Բոսնիական պատերազմի ընթացքում քաղաքը պաշտպանվել է Բոսնիա և Հերցեգովինայի Հանրապետության բանակի կողմից։ Այդ բանակի ամենահայտնի և էլիտար ստորաբաժանումներից մեկը՝ 505-րդ բրիգադը, ձևավորվել և տեղակայված էր Բուժիմում։
Բնակչություն
[խմբագրել | խմբագրել կոդը]Ըստ 2013 թվականի մարդահամարի՝ բնակչությունը կազմել է 19 340 մարդ։ Բնակչության խտությունը՝ 157,3 մարդ/կմ²։ Բնակչության 99,54 %-ը բոսնիացիներ են։
| Բուժիմ քաղաքի էթնիկ կազմը | |||||||
|---|---|---|---|---|---|---|---|
| 2013. | 1991. | 1981. | 1971. | ||||
| Ընդհանուր | 2,191 (100,0%) | 1,697 (100,0%) | 1,550 (100,0%) | 1,312 (100,0%) | |||
| Բոսնիացիներ | 2,181 (99,54%) | 1,643 (96,82%) | 1,468 (94,71%) | 1,275 (97,18%) | |||
| Անհայտ | 4 (0,183%) | ||||||
| Սերբեր | 2 (0,091%) | 20 (1,179%) | 20 (1,290%) | 29 (2,210%) | |||
| Խորվաթներ | 1 (0,046%) | 3 (0,177%) | 7 (0,452%) | 2 (0,152%) | |||
| Սլովեններ | 1 (0,046%) | ||||||
| Այլոք | 21 (1,237%) | 18 (1,161%) | 6 (0,457%) | ||||
| Հարավսլավիացիներ | 10 (0,589%) | 37 (2,387%) | |||||
Տնտեսություն
[խմբագրել | խմբագրել կոդը]Այսօր քաղաքը հիմնականում ապրում է գյուղատնտեսական մշակաբույսերի աճեցման, ազնվամորու և ուտելի շագանակների բերքահավաքի շնորհիվ։
Ծանոթագրություններ
[խմբագրել | խմբագրել կոդը]- ↑ «Intervju». opcinabuzim.ba. 2013.
- ↑ «World Phenomenon in BiH: A City with about 200 Twins». Sarajevo Times. 2023 թ․ ապրիլի 3.
- ↑ Jokić, Gojko (1969). Bosnia and Herzegovina: A Tourist Guide. Association of Journalists of Bosnia-Herzegovina. էջ 98.
Արտաքին հղումներ
[խմբագրել | խմբագրել կոդը] | Վիքիպահեստն ունի նյութեր, որոնք վերաբերում են «Բուժիմ» հոդվածին։ |
| ||||||
