Բորիս Կոզլով
Բորիս Կոզլով | |
---|---|
Ծնվել է | նոյեմբերի 9, 1931 |
Վախճանվել է | դեկտեմբերի 13, 2008 (77 տարեկան) |
Վախճանի վայր | Դոնի Ռոստով, Ռուսաստան |
Գերեզման | Դոնի Ռոստովի հյուսիսային գերեզման |
Մասնագիտություն | գրող և երգիծաբան |
Լեզու | ռուսերեն |
Քաղաքացիություն | ԽՍՀՄ և Ռուսաստան |
Ժանրեր | պոեզիա |
Անդամակցություն | ԽՍՀՄ Գրողների միություն և Ռուսաստանի գրողների միություն |
Պարգևներ |
Բորիս Սերգեևիչ Կոզլով (ռուս.՝ Борис Сергеевич Козлов, նոյեմբերի 9, 1931 - դեկտեմբերի 13, 2008, Դոնի Ռոստով, Ռուսաստան), ռուս բանաստեղծ, երգիծաբան։ ԽՍՀՄ գրողների միության (1982), Ռուսաստանի գրողների միության անդամ (1991)[1]։
Կենսագրություն[խմբագրել | խմբագրել կոդը]
Բորիս Կոզլովը ծնվել է 1931 թվականին Կալինինի մարզի Սոնկովսկի շրջանի Նեբարովո գյուղում` երկաթուղային բանվորի ընտանիքում։ Ավարտել է Յարոսլավլի երկաթուղային ուսումնարանը։ Եղել է գնացքի մեքենավարի օգնական։ 1951-1955 թվականներին ծառայել է խորհրդային բանակում, եղել հեռահար ավիացիայի հրետաձիգ։ Երկար տարիներ աշխատել է «Ռոստսելմաշ» գործարանում։ 1979 թվականին աշխատանքի է անցել Գրողների միության Ռոստովի տարածաշրջանային Գեղարվեստական գրականության քարոզչության բյուրոյում։ Եղել է «Ռոստովը աշխատում է, Ռոստովը ծիծաղում է» երգիծական, հումորային փառատոնի կազմակերպիչ[2][3]։
Մահացել է 2008 թվականի դեկտեմբերի 13-ին Դոնի Ռոստովում։ Թաղված էԴոնի Ռոստովի Հյուսիսային գերեզմանատանը[4]։
Ստեղծագործական ուղի[խմբագրել | խմբագրել կոդը]
Բանաստեղծությունները Կոզլովին գերել են պատանի հասակից։ Առաջին անգամ հրատարակվել է «Աստղ» ամսագրում 1962 թվականին։ «Ռոստսելմաշ» գործարանում աշխատելով` նա ակտիվորեն մասնակցել է գործարանի գրական խմբակին, մասնակցել է Մոսկվայի երիտասարդ երգիծաբանների և հումորիստների 1-ին Համամիութենական սեմինար-հանդիպմանը։ Բորիս Կոզլովի ստեղծագործությունների առաջին ժողովածուն լույս է տեսել 1982 թվականին։
Կոզլովի ստեղծագործությունները հրապարակվել են հետևյալ ամսագրերում` «Դոն», «Աստղ»,« Ակումբն ու սիրողական ինքնագործունեությունը», «Կոկորդիլոս», «Մոսկվա», «Նևա», «Կուբան», «Օգոնյոկ» և թերթերում` «Լիտերատուրնայա գազետա», «Գրական Ռուսաստան», «Խորհրդային Ռուսաստան», «Աշխատանք»։
Կոզլովի մի քանի երգիծական կարճ բանաստեղծություններ տպագրվել են բուլղարական «Септемврийска правда» թերթում։
Կյանքի վերջին տարիներին Կոզլովը հրատարակել է Солянка» (առաջին համարները լույս են տեսել «Окрошка» խորագրով) զավեշտական ամսագիրը։
Պարգևներ[խմբագրել | խմբագրել կոդը]
- «Գերմանիայի դեմ տարած հաղթանակի» մեդալ
- «Երեկոյան Ռոստով» թերթի մրցանակ
- Կոզլովն արժանացել է մի շարք տարածաշրջանային գրական մրցանակների
Ստեղծագործություններ[խմբագրել | խմբագրել կոդը]
- По малой дозе в стихах и прозе. - Ростов-н/Д: Ростиздат, 1982.
- Смеху подобно. - Ростов-н/Д: Ростиздат 1986.
- Проявляя негативы. - Ростов-н/Д: Ростиздат 1991.
- Смехопилорама. - Ростов-н/Д: издательский дом БиС, 2008.
Ծանոթագրություններ[խմբագրել | խմբագրել կոդը]
- ↑ «Козлов Борис Сергеевич | Союз pоссийских писателей». rrosrp.ru (ռուսերեն). Վերցված է 2017 թ․ օգոստոսի 5-ին.
- ↑ «Централизованная библиотечная система г.Ростова-на-Дону: Козлов Борис Сергеевич». donlib.ru (ամերիկյան անգլերեն). Վերցված է 2017 թ․ օգոստոսի 5-ին.
- ↑ «Козлов Борис Сергеевич - Биография». www.biografija.ru. Վերցված է 2017 թ․ օգոստոսի 5-ին.
- ↑ «Козлов, Борис Сергеевич - Энциклопедии & Словари». enc-dic.com. Վերցված է 2017 թ․ օգոստոսի 5-ին.
Գրականություն[խմբագրել | խմբագրել կոդը]
- Писатели Дона: Библиографический указатель. — Изд. 2-е, испр. и доп. — Ростов н/Д: Кн. изд-во, 1986. — 416 с.
- Дон литературный. Писатели России. Шолоховский край. XIX—XXI вв.:справ. изд., Сост. Губанов Г. — Ростов н/Д, 2006. — 512 с. ISBN 5-481-00623-5.
Կոզլովի կյանքի և գործունեության մասին[խմբագրել | խմբագրել կոդը]
- Юдин Л.: О стихах в сб. "Четвертая смена"// Дон, 1979, № 1. - С.183.