Բորիս Իշխանով

Վիքիպեդիայից՝ ազատ հանրագիտարանից
Jump to navigation Jump to search
Բորիս Իշխանով
Ծնվել է հոկտեմբերի 22, 1938(1938-10-22) (80 տարեկան)
Բաքու, ԱԽՍՀ, ԽՍՀՄ
Քաղաքացիություն Flag of the Soviet Union.svg ԽՍՀՄ
Flag of Russia.svg Ռուսաստան
Մասնագիտություն ֆիզիկոս
Հաստատություն(ներ) Q4314523?
Գործունեության ոլորտ Միջուկային ֆիզիկա
Ալմա մատեր Մոսկվայի պետական համալսարան
Գիտական աստիճան ֆիզիկամաթեմատիկական գիտությունների դոկտոր (1964) և պրոֆեսոր (1977)
Պարգևներ Աշխատանքային Կարմիր դրոշի շքանշան «Մոսկվայի 850-ամյակի հիշատակի» մեդալ և ԽՍՀՍ Նախարարների խորհրդի մրցանակ

Բորիս Սարգսի Իշխանով (հոկտեմբերի 22, 1938(1938-10-22), Բաքու, ԱԽՍՀ, ԽՍՀՄ), հայ ֆիզիկոս: ֆիզմաթ գիտությունների դոկտոր (1964 թ.), պրոֆեսոր (1977 թ.): ԽՍՀՄ ատոմային էներգետիկայի և արդյունաբերության նախարարության ատոմային տվյալների հանձնաժողովի անդամ:

Կենսագրություն[խմբագրել | խմբագրել կոդը]

Բորիս Իշխանովը ծնվել է 1938 թվականին Բաքվում: 1961 թվականին ավարտել է Մոսկվայի պետական համալսարանը: 1967 թվականից աշխատել է Մոսկվայի պետական համալսարանում, 1986 թվականից եղել է ընդհանուր միջուկային ֆիզիկայի ամբիոնի վարիչ, 1986 թվականից՝ Միջուկային ֆիզիկայի էլեկտրամագնիսական շարժընթացների և ատոմային միջուկների գիտահետազոտական ինստիտուտի բաժնի վարիչ: Առաջինն է հայտնաբերել միջին և ծանր միջուկների հսկա դիպոլային ռեզոնանսի միջանկյալ կառուցվածքը: Առաջարկել է ատոմի միջուկների բարձր գրգռվածության կառուցվածքի ուսումնասիրման նոր եղանակ՝ հիմնված դրանց տրոհման բնութագրերի վերլուծության վրա: Հայտնագործել է ֆիզիկական նոր երևույթ՝ թեթև միջուկների դիպոլային ռեզոնանսի գոյաձևային (կոնֆիգուրացիոն) տրոհումը (1987 թ., ԽՍՀՄ հայտնագործությունների պետական կոմիտեի գրանցամատյան № 342)[1][2]:

Իշխանովի աշխատանքների հիման վրա ստեղծվել են միջուկային ճառագայթման (այդ թվում՝ նեյտրոնների, պրոտոնների ճառագայթման) բարձր արդյունավետ նոր դետեկտորներ, կառուցվել է էլեկտրոնների անընդհատ գործողության՝ ՌԴ-ում առաջին արագացուցիչը: Իշխանովը կազմել է միջուկային ֆիզիկայի ուսումնական ձեռնարկներ, նրա ղեկավարությամբ կազմակերպվել է ֆոտոմիջուկային փորձերի, միջուկային ֆիզիկայի տվյալների հավաքման և մշակման կենտրոն[3]:

Պարգևներ, մրցանակներ[խմբագրել | խմբագրել կոդը]

  • ՌԴ ԳԱ ակադեմիայի Լոմոնոսովի անվան մրցանակներ, 1994, 2003 թթ.
  • ԽՍՀՄ Նախարարների խորհրդի մրցանակ, 1982 թ.
  • «Ի հիշատակ Մոսկվայի 850-ամյակի» մեդալ
  • Աշխատանքային կարմիր դրոշի շքանշան

Երկեր[խմբագրել | խմբագրել կոդը]

  • Взаимодействие электромагнитного излучения с атомными ядрами, М, 1979 (համահեղինակ):
  • Размер и форма атомных ядер, М., 1990 (համահեղինակ):
  • Нуклеосинтез во Вселенной, М., 1999; Экзотические одра, М., 2002.
  • Экзотические ядра, М., 2002.

Ծանոթագրություններ[խմբագրել | խմբագրել կոդը]

  1. «Ишханов Борис Саркисович | Мнения о преподавателе»։ www.dubinushka.ru։ Վերցված է 2017-01-05 
  2. «Ишханов Борис Саркисович»։ astrovips.com։ Վերցված է 2017-01-05 
  3. Ով ով է. Հայեր. Կենսագրական հանրագիտարան, հատոր առաջին, Երևան, 2005