Բոսնիա և Հերցեգովինայի փոստային նամականիշերի և փոստի պատմություն

Վիքիպեդիայից՝ ազատ հանրագիտարանից
Jump to navigation Jump to search

Սա ուսումնասիրություն է Բոսնիա և Հերցեգովինայի փոստային նամականիշերի և փոստի պատմության մասին:

Ավստրո-Հունգարիա[խմբագրել | խմբագրել կոդը]

1 կրեյցերի առաջին թողարկում 1879-ին, վիմագիր տպագրություն

Բոսնիա և Հերցեգովինայի 1879 թվականի առաջին թողարկումը Ավստրո-Հունգարիայի կողմից 1878 թվականի նրա բռնազավթումից անմիջապես հետո առանց որևէ տեքստի, սակայն ավստրիական կրկնակի արծվի զինանշանով նամականիշ է:

Դոբոյի պատկերով 1906 թվականի նամականիշ

Գերմաներեն Bosnien Herzegowina մակագրված նամականիշերը արտադրվել են 1906 թվականին՝ պատկերելով բնապատկերներ և հուշարձաններ, ներառյալ Դոբոյ քաղաքի և Սարաևոյի Քարշիա բիզնես շրջանի տեսարանները[1]:

1910-ական թվականներին մի շարք զինվորական նամականիշեր են արտադրվել, որոնցից շատերը Ֆրանց Յոզեֆ I-ի պատկերով են: Լրագրային նամականիշեր նույնպես թողարկվեցին, որոնց թվում էր բոսնիական զգեստով աղջիկը (1913) և փոստային տուրքի նամականիշերը (1904 և 1916)[1]:

Թագավորություն 1918 թվականին[խմբագրել | խմբագրել կոդը]

Բոսնիա և Հերցեգովինայի 1910 թվականին թողարկում State of Serbs, Croats and Slovenes մակագրությամբ 1918

1918 թվականին Բոսնիա և Հերցեգովինան միացվեց նորաստեղծ Սերբերի, խորվաթների և սլովենացիների թագավորությանը: 1918 թվականի նոյեմբերին Բոսնիա և Հերցեգովինան թողարկեց նամականիշներ, որոնք լրացնում էին 1910 թվականի Ավստրիայի կողմից թողարկված պատկերազարդ նամականիշերը, որոնցից որոշները լատինատառեր էին և կարդում էին "DRZAVA S.H.S. / 1918 1918 / Bosna i Hercegovina" («Սերբերի, խորվաթների և սլովենացիների պետություն, / Բոսնիա և Հերցեգովինա») և մյուսները, իրենց կյուրեղագիր համարժեքով: Թագավորության ողջ տարածքում նամականիշերն առաջին անգամ օգտագործման է տրվել 1921 թվականի հունվարին:

Թագավորության անունը փոխվել է Հարավսլավիայի Թագավորության 1929 թվականին, այնուհետև Երկրորդ համաշխարհային պատերազմից հետո դառնալով Հարավսլավիայի սոցիալիստական դաշնային հանրապետություն: Բոսնիա և Հերցեգովինան օգտագործել է Հարավսլավիայի դրոշմակնիքները մինչև 1992 թվականի անկախացումը:

Անկախություն[խմբագրել | խմբագրել կոդը]

1992 թվականի անկախությունից հետո երկիրն ունի երեք փոստային իշխանություն՝ երկրի էթնիկական և վարչական բաժանմանը համապատասխան: Նամականիշերը թողարկվում են Բոսնիա և Հերցեգովինայի փոստի (BH Pošta, Սարաևո), Խորվաթական փոստի (Hrvatska pošta Mostar|HP Mostar, Մոստար) և Սերբական փոստի (Pošte Srpske|Srpske pošte, Բանյա Լուկա) կողմից: Բոսնիա և Հերցեգովինայի ֆեդերացիայում BH Pošta-ի կողմից (1995 թվականին Բոսնիայի և Հերցեգովինայի բանակի կողմից վերահսկող տարածքները) և HP Mostar-ի կողմից (1995 թվականին Խորվաթիայի պաշտպանության խորհրդի կողմից վերահսկվող տարածքները) թողարկված նամականիշերը վավեր են, իսկ Սերբիայի Հանրապետությունում վավեր են Srpske pošte-ի կողմից թողարկվածները:

Բոսնիա և Հերցեգովինայի ֆեդերացիա[խմբագրել | խմբագրել կոդը]

BH pošta-ն 1993 թվականի հոկտեմբերի 27-ին առաջին անգամ թողարկել է նամականիշեր Republika Bosna i Hercegovina մակագրությամբ, իսկ 1996-ին՝ հենց Bosna i Hercegovina: Մինչև 1998 թվականի հոկտեմբերի 1-ը արժույթը Բոսնիա և Հերցեգովինայի դինարն էր, իսկ դրանից հետո Բոսնիա և Հերցեգովինայի փոխարկելի մարկն է: HP Mostar-ը թողարկեց նամականիշներ 1993 թվականի մայիսի 12-ից: Սկզբում նամականիշները Bosna i Hercegovina / Hrvatska Republika Herceg-Bosna մակագրությամբ էին կամ կրճատ՝ HR Herceg-Bosnia: 1996 թվականից նամականիշերը կրում են Bosna i Hercegovina մակագրությունը, սակայն Սարաևոյում BH pošta-ի տարբեր պատկերանիշով: Սկզբնական արժույթը եղել է խորվաթական կունան, 1999 թվականից՝ Բոսնիա եւ Հերցեգովինա փոխարկելի մարկը: Երկու փոստային բաժանմունքները 2011 թվականից օգտագործում են Bosna i Hercegovina / Federacija Bosne i Hercegovine մակագրությունը (երբեմն կրճատվում են որպես FBiH), օգտագործելով տարբեր պատկերանիշեր և օգտագործման տարածքներ:

Սերբիայի Հանրապետություն[խմբագրել | խմբագրել կոդը]

Srpske pošte-ն Բանյա Լուկայում սկսել է թողարկել նամականիշեր 1992 թվականի հոկտեմբերի 26-ին: Նամականիշերը սկզբում ունեին Republika Srpska մակագրությունը, իսկ արժույթը մինչև հունիս 24-ը հարավսլավական դինարն էր: 2003 թվականի հուլիսի 15-ից նամականիշերը օգտագործում են կրկնակի Bosna i Hercegovina / Republika Srpska մակագրությունը: Նամականիշները սովորաբար օգտագործում են կյուրեղագիրը, ուստի մակագրությունը կարդացվում է Ռեպուբլիկա Սրպսկա:

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. 1,0 1,1 Stamps of the World։ Stanley Gibbons։ 2004։ էջ 392 

Լրացուցիչ ընթերցանություն[խմբագրել | խմբագրել կոդը]

  • Kaufmann, Hugo. Die Briefmarken von Bosnien : K. u. K. Feldposten und Österr. Post im Ausland. Bratislava: Kaufmann, 1937, 16 pages
  • Oldfield, Herbert. The Stamps of Bosnia 1879-1900. 1912.
  • Passer, Adolf. Postwertzeichen von Bosnien und der Herzegovina = Stamps of Bosnia and Herzegovina. Prague: Kommission-Verlagraz, Bath & Co, 1930
  • Pongratz-Lippitt, Oscar. Handbuch Bosnien-Herzegovina: eine Studie der Postgeschichte, Abstempelungen, Ganzsachen und Postformulare, von den postalischen Anfängen bis 1900: für den Sandschak von Novipazar bis Oktober 1918. Pernegg an der Mur: O. Pongratz-Lippitt, 2000, 192 pages
  • Sekelj, Berislav. Priručnik i katalog: poštanska povijest Bosne i Hercegovine, 1878-1918 = Handbuch und Katalog: Postgeschichte Bosnien un Herzegowina, 1878-1918 = Handbook and catalogue: postal history Bosnia and Herzegovina, 1878-1918. Zagreb: Croatian Philatelic Federation Library, 2005 953-95064-0-9, 38 pages
  • Vilfan, Mladen. Privremena izdanja Hrvatske i Bosne i Hercegovine 1945 = Provisional issues, Croatia and Bosnia and Herzegovina 1945. Zagreb: OBOL-NAKLADA, 2006 978-953-63880-8-0, 224 pages

Արտաքին հղումներ[խմբագրել | խմբագրել կոդը]