Բոգորի կենդանաբանական թանգարան

Վիքիպեդիայից՝ ազատ հանրագիտարանից
Jump to navigation Jump to search
Բոգորի կենդանաբանական թանգարան
անգլ.՝ Bogor Zoology Museum
COLLECTIE TROPENMUSEUM Het Zo÷logisch Museum en laboratorium van 's Lands Plantentuin te Buitenzorg West-Java TMnr 10010799.jpg
Տեսակթանգարան և zoological museum?
ԵրկիրFlag of Indonesia.svg Ինդոնեզիա
ՏեղագրությունԲոգոր
ՎայրԲոգոր
Պատկանում էIndonesian Institute of Sciences?
Հիմնադրված է1894
Կոորդինատներ: 6°36′13″ հվ. լ. 106°47′49″ ավ. ե. / 6.60361° հս․. լ. 106.79694° ավ. ե. / 6.60361; 106.79694

Բոգորի կենդանաբանական թանգարան (անգլ.՝ Bogor Zoology Museum), գտնվում է Բոգորի բուսաբանական այգու գլխավոր մուտքի մոտ, Ինդոնեզիա[1]: Թանգարանը և նրա լաբորատորիան հիմնադրվել է 1894 թվականին՝ Հոլանդական արևելահնդկական ընկերության կառավարության կողմից, գաղութային իշխանույան ժամանակ: Այնտեղ կա Հարավարևելյան Ասիայի ֆաունայի պահպանված ամենամեծ նմուշների հավաքածուն:

Պատմություն[խմբագրել | խմբագրել կոդը]

Բոգորի կենդանաբանական այգին հիմնադրվել է դոկտոր Ջ. Կ. Քենիգսբերգերի կողմից՝ 1894 թվականի օգոստոսին, որն ի սկզբանե եղել է ընդամենը լաբորատորիա Բոգորի բուսաբանական այգու անկյունում, (ավելի վաղ հայտնի, հոլ.՝ Lands Platinum. թարգմանաբար՝ Հողային բուսաբանական այգի): Առաջին լաբորատորիան հայտնի էր որպես՝ Landbouw Zoologisch Laboratorium (հոլանդերենից թարգմանաբար՝ Գյուղատնտեսական Կենդանաբանական Լաբորատորիա), որը մասնագիտացած էր բույսերի վնասատու միջատների վրա:

Ոգեշնչվելով Շրի Լանկա կատարած իր այցից դոկտոր Քենիգսբերգերը, 1898 թվականին, Մելչիոր Թրուբի օգնությամբ, սկսեց հավաքել կենդանիների տեսակների նմուշներ: 1901 թվականի օգոստոսի վերջին, կառուցվեց կենդանաբանական թանգարանի համար նախատեսված շենքը, որը հետագայում հայտնի դարձավ որպես հոլ.՝ Zoologisch Museum and Wekplaats (կենդանաբանական թանգարան և արհեստանոց): 1906 թվականին թանգարանը և լաբորատորիան միացվեցին և վերանվանվեցին հոլ.՝ Zoologisch Museum en Laboratorium (կենդանաբանական թանգարան և լաբորատորիա): Իր ներկայիս անունը թանգարանը ստացել է 1950 թվականի Ինդոնեզիայի անկախացումից հետո:

1987 թվականին հաստատությունը, որը հյատնի էր որպես Zoologicum Bogoriense, վերանվանվեց՝ Գիտական հետազոտման և կենդանաբանության զարգացման ասոցիացիա (Balai Penelitian dan Pengembangan Zoologi), որը վերահսկվում է Pusat Penelitian dan pengembangan biologi (Puslitbang Biologi) (Կենսաբանական հետազոտությունների և զարգացման ինստիտուտ) կողմից[2]: Հավաքածուն, որը թանգարանն ունի այժմ, տեղադրվել է միայն 1997 թվականին Համաշխարհային բանկի և Ճապոնիայի կառավարության աջակցությամբ[3]:

Նկարագիր[խմբագրել | խմբագրել կոդը]

Բոգոր կենդանաբանական թանգարանն ունի 1500 քառակուսի մետր տարածք և ունի Ասիայում կենդանական աշխարհի ամենատարածված հավաքածուներից մեկը: Թանգարանն ունի 24 բաժին և որոշ նմուշների փխրունության պատճառով թանգարաններում ջերմաստիճանը պահպանվում է 22 աստիճանով: Թանգարանի հավաքածուն ներառում է նաև կարծրացած և պահպանված կենդանիների նմուշներ.

  • Թրթուրներ -12000 տեսակ և 2,580,000 նմուշ:
  • Կաթնասուններ- 650 տեսակ և 30 000 նմուշ:
  • Թռչուններ- 1000 տեսակ է և 30 762 նմուշ:
  • Սողունները և ամֆիբիաները-763 տեսակ և 19,937 նմուշ:
  • Հեղուկներ - 959 տեսակներ և 13,146 նմուշներ:
  • Անտառաբուծական կենդանիներ- 700 տեսակ և 15 558 նմուշ:

Թանգարանում նաև տեղակայված է Կապույտ կետ կմախքը, որն իր տեսակով Ինդոնեզիայում ամենամեծն է:

Ծանոթագրություններ[խմբագրել | խմբագրել կոդը]

  1. Museum of Zoology-Dinas Pariwisata dan Kebudayaan Provinsi Jawa Barat. www.disparbud.jabarprov.go.id. Проверено 27 ноября 2015.
  2. «Pusat Penelitian Biologi - Bidang Zoologi»։ biologi.lipi.go.id։ Վերցված է 2015-11-27 
  3. Melihat Keunikan Koleksi Museum Zoologi Bogor - Tribunnews.com. Tribunnews.com. Проверено 27 ноября 2015.