Բոգդան Եղիազարով
| Բոգդան Եղիազարով | |
|---|---|
| Ծնվել է | հունվարի 15 (27), 1894 |
| Ծննդավայր | Թիֆլիս, Ռուսական կայսրություն |
| Մահացել է | հունվարի 25, 1977 (82 տարեկան) |
| Մահվան վայր | Փարիզ |
| Մասնագիտություն | ռազմական գործիչ |
| Պարգևներ և մրցանակներ | |
Բոգդան Բախշի Եղիազարով դե Նորք, հանդիպում է նաև Բոգդան Վասիլիի Եղիազարով և Բոգդան Բախշի Վասիլիի Եղիազարով դե Նորք (ֆր.՝ Bogdan Bakchi Eghiazaroff de Nork) տարբերակները (հունվարի 15 (27), 1894, Թիֆլիս, Ռուսական կայսրություն - հունվարի 25, 1977, Փարիզ)[1], հայկական, ռուսական և ֆրանսիական բանակների կապիտան, լրագրող, ռազմական և հասարակական գործիչ[2]։ Եղել է «Հյուսիսային աստղ» մասոնական օթյակի անդամ[3]։
Կենսագրություն[խմբագրել | խմբագրել կոդը]
Ծնվել է 1894 թվականի հունվարի 15-ին Թիֆլիսում, հայկական ընտանիքում։ Կրթություն ստանալու նպատակով՝ ընտանիքի կողմից ուղարկվել է Ֆրանսիա։ Սովորել է «Ժանսոն դե Սայի» լիցեյում, Փարիզի բարձրագույն առևտրային դպրոցում, ինչպես նաև Փարիզի համալսարանի իրավագիտության ֆակուլտետում։ Առաջին համաշխարհային պատերազմի ժամանակ Ռուսաստանում սովորել է Միխայլովյան հրետանային ուսումնարանը, կռվել Կովկասյան ռազմաճակատում։ Հեղափոխությունից և մի շարք պետությունների ձևավորումից հետո ծառայել է Հայաստանի առաջին հանրապետության երիտասարդ զինված ուժերում։ Կցված է եղել Կովկասում ֆրանսիական ռազմական առաքելությանը (1918—1920)։ Հայկական հեծելազորի լեյտենանտի զինվորական կոչումով մասնակցել է Սարդարապատի հերոսամարտին։ Եղել է հայազգի գեներալ Գրիգոր Կորգանովի օգնական, որի մահվանից հետո պահպանել է գեներալի կնոջ տրամադրած պաշտոնական փաստաթղթերը և զորահրամանատարի անձնական նոթերը։ Արդյունքում, հենց այդ նոթերի հիման վրա էլ, որոնք մահացող Եղիազարովը փոխանցել է Ժակ Կայալովին, գրվել է «Սարդարապատի հերոսամարտը» աշխատությունը[4]։ Հայաստանում խորհրդային կարգեր հաստատվելուց հետո՝ տեղափոխվել է Ֆրանսիա, որտեղ դարձել արտասահմանյան լեգիոնի ֆրանսիական հեծելազորի կապիտան։ Աշխատել է որպես գաղտնագրության ծառայության ղեկավար՝ ֆրանսիական ընկերություններից մեկի համար։ 1939-1940 թվականներին աշխատել է Ֆրանսիայի զինված ուժերի գլխավոր շտաբում։ Ֆրանսիայում Եղիազարովտ հիմնել է Աշխարհում ֆրանսիական տպագրության հրատարակիչների և տարածողների ազգային միությունը (1946—1968)։ 1947 թվականին Բոգդանը հիմնադրել է ֆրանսիական բանակի նախկին կոմբատանտների սպայական միությունը։ 1948-1970 թվականներին եղել է «Bulletin d‘information» ամսագրի տնօրեն և գլխավոր խմբագիր[5]։
Մահացել է 1977 թվականի հունվարի 25-ին Փարիզում։ Թաղված է Փարիզի Սեն Ժենևիե դե Բուա գերեզմանատանը։
Պարգևներ[խմբագրել | խմբագրել կոդը]
Բոգդանը պարգևատրվել է Պատվո լեգիոնի (1920, 1949), «Մատուցած ծառայությունների համար» (1958, 1966) և Սև աստղի շքանշաններով, կոմանդոր de l’Ordre National du Mérite, ինչպես նաև ֆրանսիական և օտարերկրյա այլ պարգևներով[2]։
Ծանոթագրություններ[խմբագրել | խմբագրել կոդը]
- ↑ Некролог в Bulletin — Société Chateaubriand, Выпуски 16-20; 1977 г. — стр.87Բնօրինակ տեքստ (ֆր.)
Bogdan-Bakchi Eghiazaroff de Nork, Président de l'Association des officiers anciens combattants de l'armée française à titre étranger, fondateur de l'Union pour l'expansion de la presse française dans le monde, Membre de la Société depuis 1968 (+ 25 janvier 1977).
- ↑ 2,0 2,1 Хроника научной, культурной и общественной жизни российского зарубежья во Франции: 1976—2000 Составители: Л. Д. Губина, Т. И. Дубровина, Л. В. Арсентьева / Рос. гос. б-ка, отд. литературы Русского зарубежья. — Москва, 2015.[1]
- ↑ Бабич И.Л. Историческая парадигма геополитических отношений России и Армении (на примере участия армян в русских масонских ложах Франции, 1919-1939 гг.(ռուս.) // Историческая и социально-образовательная мысль. — Краснодар: "Кубанская многопрофильная академия подготовки, переподготовки, повышения квалификации специалистов", 2016. — В. 5—2. — Т. 8. — ISSN 2075-9908. —
- ↑ Jacques Kayaloff / The battle of Sardarabad / Mouton, 1973 стр.54 (220)
- ↑ Л. Мнухин, М. Аврил, В. Лосски ЕГИАЗАРОВ-де-НОРК Богдан Васильевич // Российское зарубежье во Франции: 1919-2000. — Т.3. — Москва: Наука, 2008. — 683 с. — ISBN 5930151059[2]
Արտաքին հղումներ[խմբագրել | խմբագրել կոդը]
- Лица и символы Сент-Женевьев-де-Буа (фото надгробия Богдан Бахши Егиазаров де-Норка)[3]