Բլրի արքան
«Բլրի արքան» (անգլ.՝ King of the Hill), ամերիկյան անիմացիոն սիթքոմ, ստեղծված Մայք Ջադջի և Գրեգ Դենիելսի կողմից։ Հեռարձակվել է 1997 թվականի հունվարի 12-ից մինչև 2010 թվականի մայիսի 6-ը՝ ունենալով 13 եթերաշրջան։ Միացյալ Նահանգների հեռուստածածկույթում ցուցադրվել է «Fox» հեռուստաալիքով։
Մուլտսերիալի գործողությունները տեղի են ունենում Առլեն կոչվող գեղարվեստական բնակավայրում՝ կենտրոնանալով տեխասցի միջնախավի ներկայացուցիչ Հենք Հիլի և նրա ընտանիքի անդամների ամենօրյա կյանքի վրա։
Մուլտսերիալի գաղափարը Ջադջի և Դենիելսի առաջացավ «MTV»-ի եթերում «Բիվիս և Բատհեդ» մուլտսերիալի հեռարձակման ավարտից հետո։ «Բլրի արքան» իր հեռուստատեսային դեպյուտը կատարեց «Fox»-ի եթերում՝ 1997 թվականի հունվարի 12-ին, արագորեն վերածվելով հիթային հեռուստաշոուի։ Ներկայումս համարվում է «Fox»-ի եթերում հեռարձակված երրորդ ամենաերկար մուլտսերիալը՝ «Սիմփսոններից» և «Գրիֆինների ընտանիքից» հետո։ 2007 թվականին ընդգրկվել է «Թայմ» ամսագրի «Բոլոր ժամանակների 100 լավագույն հեռուստաշոուների» ցանկում[1]։
Առաջադրվել է 7 Էմմի մրցանակի, շահելով 2-ը։
Ծանոթագրություններ[խմբագրել | խմբագրել կոդը]
- ↑ Պոնիվոզիկ Ջեյմս (սեպտեմբերի 6, 2007)։ «Բոլոր ժամանակների 100 լավագույն հեռուստաշոուները»։ Թայմ։ «Time Inc.»։ Վերցված է սեպտեմբերի 26, 2016
Արտաքին հղումներ[խմբագրել | խմբագրել կոդը]
- Էջը TV.com կայքում (անգլ.)
| ||||||||||
