Բիր-Տավիլ
Բիր-Տավիլ (արաբ․՝ بيرطويل «երկար աղբյուր»)՝ տարածք՝ հյուսիսից սահմանակից Եգիպտոսին, իսկ արևմուտքից ու արևելքից՝ Սուդանին։ Իր անունը ստացել է տեղի աղբյուրի (ներկայումս գոյություն չունեցող) անունից։ Երկու երկրներն էլ Բիր-Տավիլում հրաժարվում են իրենց իրավունքներից։ Այսպիսով, այն հայտնի է նաև «ոչ մեկի տարածք անունով»։
Բիր-Տավիլը տեսքով նման է քառանկյունու, սակայն երբեմն անվանում են «Բիր-Տավիլի եռանկյունի»
Պատմություն[խմբագրել | խմբագրել կոդը]
Սուդանում 1899 թվականի անգլո-եգիպտական համաձայնագրի համաձայն՝ Եգիպտոսի և Սուդանի միջև սահմանն անցնում էր 22-րդ զուգահեռով։ Սակայն 1902 թվականին Բրիտանիան "քաղաքական սահմանից" անկախ նոր "վարչական սահման" անցկացրեց, ինչի արդյունքում Հալաիբի եռանկյունին հանձնվեց Սուդանին։ Դրա հետ մեկտեղ Բիր-Տավիլը հանձնվել Է Եգիպտոսի կառավարմանը, քանի որ նրա տարածքն օգտագործվել է որպես եգիպտական տարածքում բնակվող Աբաբդե ցեղի արոտավայր։
Այն բանից հետո, երբ երկու պետություններն անկախություն ստացան, Հալաիբի եռանկյունին մնաց Սուդանի վերահսկողության տակ, իսկ Բիր-Տավիլը՝ եգիպտական։ 1958 թվականի փետրվարի 1-ին Եգիպտոսը Սուդանից պահանջել էր վերադարձնել 1899 թվականի սահմանը և փոխանցել Հալաիբի եռանկյունինի՝ դրա դիմաց հրաժարվելով շատ ավելի քիչ արժեքավոր տարածքի ՝ Բիր-Տավիլի նկատմամբ իրավունքներից։ Սուդանը չի համաձայնել զիջել եռանկյունին և մինչ օրս ճանաչում է 1902 թվականի սահմանը։ Այսպես առաջացել է մի իրավիճակ, երբ Բիր-Տավիլին սահմանակից երկու երկրներն էլ այդ տարածքը իրենցը չեն համարում։
Աշխարհագրություն[խմբագրել | խմբագրել կոդը]
Ընդհանուր մակերեսը կազմում է 2060 կմ², երկարությունը արևմուտքից արևելք տատանվում է 95 կմ, հյուսիսից հարավ՝ 46 կմ։ Բիր-Տավիլի հյուսիսային մասում գտնվում է Տավիլ լեռը ՝ 459 մետր բարձրությամբ, արևելյան մասում՝ Խազար-ազ-Զարկա լեռը (662 մետր), հարավային մասում՝ Վադի Տավիլ։ Մշտական բնակչությունը բացակայում է։
Վիրտուալ պետություններ, որոնք հավակնում են Բիր-Տավիլին[խմբագրել | խմբագրել կոդը]
Հյուսիսային Սուդանի թագավորությունից ամերիկյան Աբինգդոն քաղաքի բնակիչ Ջերեմի Հիթոն 2014 թվականի հունիսին հայտարարել է այդ տարածքի վրա իր իրավունքները[1][2][3]։
Միջերկրական Թագավորությունից ռուսաստանցի գործարար Դմիտրի Ժիխարևը 2015 թվականին իրեն հռչակել է Բիր-Տավիլի թագավոր[4][5][6][7]։
Տես նաև[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ Чтобы исполнить мечту дочери стать принцессой, американец создал в Африке своё королевство
- ↑ Va. man plants flag, claims African country, calling it ‘Kingdom of North Sudan’(անգլ.)
- ↑ Сказочная страна // Lenta.ru, 27.05.2015.
- ↑ Двое москвичей спорят с американцем за бесхозные земли в Африке // НТВ
- ↑ Алексей Нарышкин (01 июля 2015)։ «Своими глазами. Как основать собственное государство?»։ Эхо Москвы։ Վերցված է 2015-07-02
- ↑ Юлия Дудкина։ «Последний русский король Африки»։ Батенька, да вы трансформер։ Վերցված է 2015-09-08
- ↑ Русские отхватили целую страну у американца // Ридус