Բիրգիտ Մինիխմայեր
 | |
|---|---|
 | |
| Ծնվել է | ապրիլի 3, 1977[1][2][3][…] (47 տարեկան) |
| Ծննդավայր | Լինց, Ավստրիա[4] |
| Քաղաքացիություն |  Ավստրիա |
| Մասնագիտություն | երգչուհի, թատրոնի դերասանուհի և կինոդերասանուհի |
| Պարգևներ և մրցանակներ | |
Բիրգիտ Մինիխմայեր (գերմ.՝ Birgit Minichmayr, ապրիլի 3, 1977[1][2][3][…], Լինց, Ավստրիա[4]), ավստրիացի դերասանուհի։
59-րդ Բեռլինի կինոփառատոնին արժանացել է «Արծաթե արջ լավագույն դերասանուհուն» մրցանակի` Մարեն Ադենի «Կիրքը արգելք չի ճանաչում» ֆիլմում մարմնավորած դերի համար[7]։ Նա փառատոնի պատմության մեջ առաջին ավստրիացին է, որը արժանացել է այդ մրցանակին, և առաջին ավստրիացին է, ով 1956 թվականից հետո Եվրոպական ամենակարևոր կինոփառատոններից մեկում արժանացել է լավագույն դերասանուհու մրցանակի։ Աշխատել է Եվրոպայի նշանավոր ռեժիսորների հետ, ինչպիսիք են` Միխայել Հանեկեն, Թոմ Տիկվերը և Ջեսիկա Հաուզերը։
Կենսագրություն[խմբագրել | խմբագրել կոդը]
Բիրգրիտը ծնվել է 1977 թվականին Լինցում։ Միջնակարգ դպրոցն ավարտելուց հետո Վիեննայում ընդունվել է Մաքս Ռեյնգարդի թատերական դպրոց, որտեղ ուսումնասիրել է դրամա։ Այնտեղ նրա ուսուցիչնեից մեկը հայտնի ավստրիացի դերասան և ռեժիսոր Կլաուս Բրայնդաուերն էր։ Առաջին թատերական փորձը ձեռք է բերել Բուրգ թատրոնում, որտեղ խաղացել է շատ պիեսներում, հիմնականում` Շնիցլերի, Շեքսպիրի և Նեստրոյի ստեղծագործությունների հիման վրա։ 2000 թվականին առաջնելույթ է ունեցել կինոյում, նկարահանվելով «Abschied» ֆիլմում։ Նույն թվականին նկարահանվել է «Հանցագործության վայր» հեռուստասերիալի դրվագներից մեկում։ Դրանից հետո արժանացել է Նեստրոյի մրցանակի, որպես Ավստրիայի «Լավագույն երիտասարդ տաղանդ»։
2006 թվականին «Kronprinz Rudolfs letzte Liebe» ֆիլմում մարմնավորել է Ռուդոլֆ կրոնպրինցի սիրուհիներից մեկին` Միցի Կասպերին։
Անձնական կյանք[խմբագրել | խմբագրել կոդը]
Ապրում է Մյունխենում, Վիեննայում։ Տիրապետում է անգլերենին և մասնակցել է մի շարք անգլերեն նախագծերի։
Ընտրյալ ֆիլմագրություն[խմբագրել | խմբագրել կոդը]
| Տարի | Անվանում | Դեր | ||
|---|---|---|---|---|
| 2000 | սերիալ | Հանցագործության վայր | Կատի | |
| 2001 | ֆիլմ | Կողմերի կարծիքը | Էմմի Շտրաուբե | |
| 2004 | ֆիլմ | Բունկեր | Գերդա Քրիստիան | |
| 2005 | ֆիլմ | Պարֆյումեր՝ մի մարդասպանի պատմությունը | Մայր | |
| 2006 | սերիալ | Ոստիկանության հեռախոսահամարը` 110 | Ագլայա | |
| 2009 | ֆիլմ | Սպիտակ ժապավեն | Ֆրեյդա | |
| 2009 | ֆիլմ | Կիրքը արգելք չի ճանաչում | Գիթի | |
| 2014 | ֆիլմ | Սիրելի Հանս, թանկագին Պյոտր | Գրետա | |
| 2018 | ֆիլմ | Երեք օր Կիբրոնում | Հիլդա Ֆրիչ |
Ծանոթագրություններ[խմբագրել | խմբագրել կոդը]
- ↑ 1,0 1,1 Discogs — 2000.
- ↑ 2,0 2,1 filmportal.de — 2005.
- ↑ 3,0 3,1 FemBio տվյալների շտեմարան (գերմ.)
- ↑ 4,0 4,1 4,2 Deutsche Nationalbibliothek Record #12934267X // Gemeinsame Normdatei (գերմ.) — 2012—2016.
- ↑ https://www.derstandard.at/story/1865533/nestroy-preis-an-toni-slama-und-birgit-minichmayr
- ↑ https://web.archive.org/web/20191013123435/https://www.diepresse.com/514596/nestroy-birgit-minichmayr-raumt-doppelt-ab
- ↑ Encyclopaedia Britannica Inc Britannica Book of the Year 2010. — Encyclopaedia Britannica, Inc., 2010-03-01. — 882 с. — ISBN 978-1-61535-366-8
 | Վիքիպահեստն ունի նյութեր, որոնք վերաբերում են «Բիրգիտ Մինիխմայեր» հոդվածին։ |
| ||||||||||||||||
