Բիրագո Դիոպ
Բիրագո Դիոպ | |
|---|---|
 | |
| Ծնվել է | դեկտեմբերի 12, 1906[1][2][3][…] |
| Ծննդավայր | Դակար, Սենեգալ[4][5] |
| Վախճանվել է | նոյեմբերի 25, 1989[1][2][3][…] (82 տարեկան) |
| Վախճանի վայր | Դակար, Սենեգալ[6] |
| Մասնագիտություն | դիվանագետ, գրող, անասնաբույժ, ժողովրդական հեքիաթների բանահավաք և բանաստեղծ |
| Քաղաքացիություն |  Սենեգալ |
| Կրթություն | École nationale vétérinaire de Toulouse? (1933)[4][7] և Lycée Cheikh Omar Foutiyou Tall? (1928)[7] |
| Պարգևներ | |
| Կայք | biragodiop.com |
 Birago Diop Վիքիպահեստում | |
Բիրագո Դիոպ (դեկտեմբերի 12, 1906[1][2][3][…], Դակար, Սենեգալ[4][5] - նոյեմբերի 25, 1989[1][2][3][…], Դակար, Սենեգալ[6]), սենեգալցի բանաստեղծ, գրող և աֆրիկյան ժողովրդական հեքիաթների բանահավաք։
Դեռ կենդանության օրոք կոչվել է Աֆրիկայի ամենահայտնի[9] ֆրանսախոս գրողներից մեկը և նեգրիտյուդ գրական շարժման առաջատար գրող[10]։
Կենսագրություն
[խմբագրել | խմբագրել կոդը]Ծնվել է Օուակամ քաղաքում, դաստիարակվել և մեծացրել է նրան մայրը, մանկուց սիրել է աֆրիկյան ժողովրդական հեքիաթներ[11]։ 1920 թվականին ստացել է կրթաթոշակ Սեն Լուի ֆրանսախոս քոլեջում սովորելու համար, որն այն ժամանակ Սենեգալի ֆրանսիական գաղութի վարչական կենտրոնն էր։ Այդտեղ տարվել է ֆրանսիական գրականությամբ և սկսել է գրել սեփական բանաստեղծությունները։ Սակայն նա ի սկզբանե ընտրել է բժշկի կարիերան։ 1920-ականների վերջին որոշ ժամանակ հոսպիտալում աշխատել է որպես բժշկի օգնական, իսկ հետո ընդունվել է Ֆրանսիայի Թուլուզի համալսարան, որտեղ սկսել է սովորել անասնաբույժի մասնագիտությունը։
Համալսարանում նա հանդիպել է Աֆրիկայի և Արևմտյան Հնդկաստանի ֆրանսիական գաղութների մի շարք այլ սևամորթ ուսանողների հետ, մասնավորապես՝ Լեոպոլդ Սենգորի, որի հետ 1930-ականների սկզբին ակտիվորեն մասնակցել է «նեգրիտյուդ» գրական շարժմանը։ Համալսարանն ավարտելուց հետո աշխատել է որպես անասնաբույժ Արևմտյան Աֆրիկայի տարբեր ֆրանսիական գաղութներում, զուգահեռաբար զբաղվելով տեղի բնակչության շրջանում ժողովրդական հեքիաթների ակտիվ հավաքագրմամբ։ Նրա հավաքած հեքիաթների առաջին հրատարակությունը լույս է տեսել 1934 թվականին։
1940 թվականին Երկրորդ համաշխարհային պատերազմի ժամանակ նա ստիպված է եղել երկու տարով տեղափոխվել Ֆրանսիա, բայց հետո վերադարձել է Աֆրիկա։ 1960 թվականից մինչև 1964 թվականը եղել է Թունիսում անկախ Սենեգալի առաջին դեսպանը՝ ընդմիջելով հեքիաթների հավաքագրումը մինչև 1970-ականների կեսերը։
Մահացել է 83 տարեկանում[12]։ Առավել հայտնի է ժողովրդական հեքիաթներով, սակայն նրա գրական ժառանգությունը ներառում է նաև 1925-ի և1960 թվականների միջև գրված լիրիկական պոեզիայի մի քանի ժողովածուներ, ինքնակենսագրություն և աֆրիկյան բանահյուսության մասին մի շարք հոդվածներ։ Աֆրիկյան հեքիաթների ժողովածուների վերահրատարակման համար, որոնք սկզբնապես թողարկվել են 1947 և 1958 թվականներին, պարգևատրվել է Grand prix littéraire d ' Afrique noire գրական մրցանակով[13]։
Ծանոթագրություններ
[խմբագրել | խմբագրել կոդը]- 1 2 3 4 Bibliothèque nationale de France data.bnf.fr (ֆր.): տվյալների բաց շտեմարան — 2011.
- 1 2 3 4 Encyclopædia Britannica
- 1 2 3 4 Babelio (ֆր.) — 2007.
- 1 2 3 http://www.biragodiop.com/
- 1 2 http://www.presenceafricaine.com/43_diop-birago
- 1 2 Babelio (ֆր.) — 2007.
- 1 2 Jahn J., Schild U., Nordmann-Seiler A. Who's Who in African Literature : biographies, works, commentaries — (untranslated), 1972. — P. 105.
- ↑ http://www.adelf.info/data/documents/HISTORIQUE-GRAND-PRIX-LITTERAIRE-dAFRIQUE-NOIRE-.pdf
- ↑ «"Biography of Birago Diop", African Success». Արխիվացված է օրիգինալից 2013 թ․ հուլիսի 19-ին. Վերցված է 2013 թ․ մայիսի 13-ին.
- ↑ Carol Brennan, Birago Diop Biography- Selected writings.
- ↑ «Books and Writers». Արխիվացված է օրիգինալից 2013 թ․ մայիսի 4-ին. Վերցված է 2020 թ․ հոկտեմբերի 26-ին.
- ↑ "Birago Diop, 83, Poet, Novelist and Diplomat", New York Times, November 29, 1989.
- ↑ (Ֆրանսերեն)"Biographie de Birago Diop", Soninkara.org, September 21, 2011. Արխիվացված 2013-04-15 archive.today
Արտաքին հղումներ
[խմբագրել | խմբագրել կոդը]- Статья в Encyclopedia Britannica (անգլ.)
Վիքիպահեստն ունի նյութեր, որոնք վերաբերում են «Բիրագո Դիոպ» հոդվածին։
| ||||||||||||||||
