Բիսենտենարիո (մարզադաշտ)

Բիսենտենարիո
Տեսակ	ֆուտբոլային մարզադաշտ
Մարզաձև	ֆուտբոլ
Տեղագրություն	Սան Խուան
Երկիր	Արգենտինա
Հիմնադրված	2011
Բացված	մարտի 16, 2011
Սեփականատեր	Սան Խուան
Տարողություն	25 286
Տնային թիմ	Club Atlético San Martín de San Juan?
	Estadio San Juan del Bicentenario Վիքիպահեստում

Բիսենտենարիո մարզադաշտ (իսպ՝. Estadio San Juan del Bicentenario), մարզադաշտ Արգենտինայի Սան Խուան քաղաքում։ Գլխավորապես օգտագործվում է ֆուտբոլային պարապմունքներ ու խաղեր անցկացնելու նպատակով։ Համարվում է Սան Խուան քաղաքի Սան Մարտին ֆուտբոլային թիմի այսպես ասած՝ տնային մարզադաշտը։ Հանդիսատեսների համար նախատեսված նստատեղերի թիվը՝ 25 հազար 256։ Կառույցի շինարարության վրա ծախսվել է 86 միլիոն արգենտինական պեսո։

Մարզադաշտի բացման հանդիսավոր արարողությունը ծրագրված էր կատարել Մայիսյան հեղափոխության 200-անյակի տոնակատարությունների օրերին՝ 2010 թվականի մայիսին, սակայն շինարարությունը ձգձգվեց, և բացումը տեղի ունեցավ հաջորդ տարվա մարտի 16-ին^[1]։ Բացման խաղում Արգենտինայի ֆուտբոլի ազգային հավաքականը մրցեց Վենեսուելայի ազգային թիմի հետ և հաղթանակ տարավ 4:1 խոշոր հաշվով։ Այդ նույն տարում մարզադաշտը հյուրընկալեց նաև Ամերիկայի գավաթի խաղարկության խմբային փուլի և քառորդ եզրափակիչի հանդիպումները։ 2012 և 2014 թվականների Արգենտինայի ֆուտբոլի գավաթի եզրափակիչ խաղերը նույնպես անցկացվեցին այստեղ։ Իսկ 2013 թվականին Բիսենտենարիոն այն երկու մարզադաշտերից մեկն էր, որտեղ կայացան Հարավային Ամերիկայի ֆուտբոլի երիտասարդական առաջնության խմբային փուլի հանդիպումները։ Այս մարզադաշտում վերջին շրջանում անցկացված կարևորագույն մրցախաղերից էր ֆուտբոլի աշխարհի առաջնության որակավորման փուլի Արգենտինա-Կոլումբիա հանդիպումը, որտեղ արգենտինացիների հավաքականը հաղթանակ տարավ 3:0 հաշվով։