Բիյամբարե

Վիքիպեդիայից՝ ազատ հանրագիտարանից
Jump to navigation Jump to search
Բիյամբարե անտառ

Բիյամբարե (բոս․՝ Bijambare), լեռնային շրջան Բոսնիա և Հերցեգովինայում՝ հայտնի իր քարանձավներով: Գտնվում է Իլիյաշ համայնքի հյուսիսարևելյան մասում՝ Նիշիչի և Կրիվաևիչի գյուղերի միջև: Այնտեղ կարելի է հասնել Սարաևո-Օլովո մայրուղու միջոցով, որից առանձնանում դեպի լեռներ և Բիյամբարեի քարանձավներ տանող է ասֆալտե ճանապարհ: Այս քարանձավների մեծ մասը բաց է այցելության համար:

Բիյամբարեն ճանաչվել է որպես հատուկ պահպանվող բնական տարածք (մակերեսը՝ 370.3 հա)[1]: Կատարվել է ենթակառուցվածքի վերակառուցում՝ կառուցվել են արահետներ, տեղադրվել են էլեկտրական լուսավորություն, տեղեկատվական վահանակներ և այլն:

Օպտիմալ բարձրությունը ծովի մակարդակից (միջինը մոտավորապես 950 մ), խիտ փշատերև անտառները, մարգագետինները, լճեր և անձավներ ունեցող երկու գետերը, ութ քարանձավները, քարքարոտ զանգվածները և մաքուր օդը հիանալի պայմաններ են ստեղծում լեռնագնացության, քարանձավագիտության, դահուկային սպորտի, դեղաբույսերի, սնկի հավաքման կամ պարզապես արշավների և էքսկուրսիաների համար:

Բիյամբարեի միջին մասը կարստային անկյունն է այնպիսի բնորոշ առանձնահատկություններով, ինչպես քարանձավները, կորսվող գետերը, ձագարաձեւ իջվածքները և ժայռային զանգվածները: Ութ քարանձավները գտնվում են բավականին փոքր տարածքում, երեք մակերևույթների վրա: Դրանցից ամենաճանաչվածը՝ միջին քարանձավը, երկար ժամանակ հաճախ են այցելում զբոսաշրջիկները: Քարանձավն ունի 420 մ երկարություն (հիմնական մուտքը, չհաշված մասնաճյուղերը) և չորս տարածք՝ ստալակտիտներով և ստալագմիտներով: Չորրորդ տարածքը ամենամեծն է (մոտ 60 մ տրամագծով և 15-30 մ բարձրությամբ): Այն նաև կոչվում է «համերգային դահլիճ»՝ ակուստիկ էֆեկտների պատճառով: Վերին քարանձավը ամենահինն է: Այն այնքան էլ գրավիչ չէ զբոսաշրջիկների համար, այնուամենայնիվ այնտեղից շրջապատի գեղեցիկ տեսարաններ են բացվում: Ներքևի քարանձավը նույնպես բաց է այցելության համար:

Ծանոթագրություններ[խմբագրել | խմբագրել կոդը]

  1. Природно наслијеђе Кантона Сарајево, Географско друштво у Федерацији Босне и Херцеговине, Сарајево 2015, стр.103,111. ISBN 978-9958-9270-9-6

Արտաքին հղումներ[խմբագրել | խմբագրել կոդը]