Բիմմեն
| Բնակավայր | ||
|---|---|---|
| Բիմմեն | ||
 | ||
| Երկիր |  Գերմանիա | |
| Համայնք | Kleve? | |
| Առաջին հիշատակում | 890 | |
| Մակերես | 2,09 կմ² | |
| Ժամային գոտի | UTC+1 և UTC+2 | |
| Հեռախոսային կոդ | 02821 | |
| Փոստային դասիչ | 47533 | |
| ||
Բիմմեն, Գերմանիայի Կլեվե քաղաքի վարչական շրջան (Հյուսիսային Հռենոս-Վեսթֆալիա), 209 հա-ում հաշվվում է 170 բնակիչ[1]։
Աշխարհագրական դիրքը
[խմբագրել | խմբագրել կոդը]Բիմմենը գտնվում է Կլեվե քաղաքի արևմուտքում՝ Ռեյնում, Նիդերլանդների հետ սահմանին։ Այստեղ հնում տեղակայված է եղել Գերմանիա-Նիդերլանդներ սահմանագծային անցումը, որը ներկայումս կորցրել է իր նշանակությունը[2]։
Պատմություն
[խմբագրել | խմբագրել կոդը]Բիմմենը, ըստ հնագիտական հետազոտությունների, որպես բնակավայր հիմնադրվել է պատմության հռոեական շրջանում, բայց Հռենոսի վրա գտնվելու հետևանքով, այն մասամբ տեղափոխվել է։ 891-892 թվականներին Բիմմենն առաջին անգամ փաստաթղթերով հիշատակվում է Լորշի վանքի տարեգրություններում։ 1242 թվականին հիշատակվում է Բիմմենի եկեղեցում ծառայած քահանա։ Սուրբ Մարտինի ժամանակակից եկեղեցին կառուցվել է XV-XVI դարերում, և դրա կառուցման համար օգտագործվել են հին կառույցի տուֆե մեծաղյուսներ։ Միջնադարում և դրանից քիչ հետո բնակավայրը պատկանել է Դյուֆելի վարչական կառավարմանը[3]։
Տնտեսությունը
[խմբագրել | խմբագրել կոդը]Լինելով փոքր բնակավայր՝ Բիմմենն ունի գյուղատնտեսական վառ արտահայտված մասնագիտացում. ինտենսիվ կաթնային անասնապահություն`ընդարձակ արոտավայրերով։ Տարածքի մի մասը օգտագործվում է բուսաբուծության համար։ Բիմմենը մինչ այսօր սերտ տնտեսական կապեր ունի հարևան Նիդերլանդական Միլինգեն բնակավայրի հետ։
Բնության պահպանություն
[խմբագրել | խմբագրել կոդը]Ձմռանը Բիմմենի տարածքը ձմեռելու վայր է հանդիսանում Սկանդինավիայից և Եվրոպական Ռուսաստանի հյուսիսային տարածքներից ժամանող վայրի սագերի համար, ուստի այն նշված է որպես հատուկ պահպանվող բնական արգելոց։ Հռենոսի վրա գործում է հիդրոլոբիոլոգիական միջազգային կայան, որի խնդիրն է որոշել գետի ջրի որակը` գետային կակղամորթերի հետազոտման օգնությամբ։ Այն բացվել է 1970 թվականիին, և այդ ժամանակվանից ի վեր մի շարք կենսաբանական դիտարկումներ է իրականացրել Նիդերլանդների մասնագետների հետ։ 1974 թվականին նիդերլանդական հատվածում՝ Լոբիխեյում, բացվեց դրա մասնաճյուղը։ 11 մասնագետ 35 խորհանարդ մետր ջրի ամենժամյա հետազոտություն են իրականացնում կենսաբանական, քիմիական և ֆիզիկական մեթոդներով։
Ծանոթագրություններ
[խմբագրել | խմբագրել կոդը]- ↑ Kleve in Kürze. Stadt Kleve Gearchiveerd op 23 april 2019. Geraadpleegd op 12 mei 2020.
- ↑ Kleve in Kürze. In: kleve.de. Abgerufen am 23. April 2019.
- ↑ (Գերմաներեն)Zur Keekener Geschichte, die Mayblume
Արտաքին հղումներ
[խմբագրել | խմբագրել կոդը]- Բիմմեն Արխիվացված 2020-09-22 Wayback Machine
 | Վիքիպահեստն ունի նյութեր, որոնք վերաբերում են «Բիմմեն» հոդվածին։ |
| ||||||
