Բիլ (քաղաք)
| Բնակավայր | |||
|---|---|---|---|
| Բիլ | |||
| Biel/Bienne | |||
| |||
 | |||
| Կոորդինատներ: 47°8′14″ հս․ լ. 7°14′50″ ավ. ե. / 47.13722° հս․. լ. 7.24722° ավ. ե. | |||
| Երկիր |  Շվեյցարիա | ||
| Մակերես | 21,21 կմ², 21,19 կմ² | ||
| ԲԾՄ | 434 մետր, 441 մետր | ||
| Պաշտոնական լեզու | ֆրանսերեն և գերմաներեն | ||
| Բնակչություն | 54 456 մարդ (դեկտեմբերի 31, 2016) | ||
| Հեռախոսային կոդ | 032 | ||
| Ավտոմոբիլային կոդ | BE | ||
| Պաշտոնական կայք | biel-bienne.ch | ||
| |||
Բիլ (նաև՝ Բիեն; գերմ.՝ Biel, ֆր.՝ Bienne, պաշտոնապես՝ Biel/Bienne), քաղաք Շվեյցարիայի հյուսիս-արևմուտքում, Բեռն կանտոնում, Բիլ լճի ափին (գերմ.՝ Bielersee, ֆր.՝ Lac de Bienne).
Բիլը գտնվում է Շվեյցարիայի գերմանախոս և ֆրանսախոս հատվածների լեզվական սահմանագծի վրա, և նրա ողջ տարածքում այդ երկու լեզուներն էլ հավասարապես գործածվում են: Բիլը քաղաքի գերմանական անվանաձևն է, Բիենը՝ ֆրանսիական: Քաղաքը հիշատակելիս հաճախ գործածում են այդ երկու անվանաձևերը միասին, իսկ 2005 թվականի հունվարի 1-ից Biel/Bienne-ը (Բիլ/Բիեն) դարձել է նրա պաշտոնական անվանաձևը: Մինչ այդ քաղաքը պաշտոնապես անվանվում էր Բիլ[1][2]:
Բնակավայրը գտնվում է Յուրա լեռնազանգվածի հենց առաջին լեռնաշղթայի ստորոտին, զբաղեցնում է 21,19 քառակուսի կիլոմետր տարածք, որի 45,5 տոկոսը զբաղեցնում են շենքերն ու փողոցները, մոտավորապես այդքան էլ՝ անտառները, իսկ մնացած 10 տոկոսը՝ ջրային տարածքներն ու մշակովի հողերը[3]:
2017 թվականի տվյալներով՝ բուն քաղաքում ապրում էր շուրջ 55 հազար, իսկ ամբողջ ագլոմերացիայում՝ մոտաորապես 106 հազար մարդ[4]: 19-րդ դարից ի վեր Բիլը համարվում է երկրի արդյունաբերական, այդ թվում՝ ժամացույցների արտադրության կենտրոններից մեկը:
Պատմություն[խմբագրել | խմբագրել կոդը]
Բիլ լճի ափերին մարդիկ բնակություն են հաստատել դեռ վաղնջական ժամանակներում. ներկայիս քաղաքի մերձակայքում՝ Ֆինգելցում 1874 թվականին հնագիտական պեղումների արդյունքում հայտնաբերվել են նորքարեդարյան երկու բնակավայրերի հետքեր (Vingelz / Hafen հնավայրն արդեն իսկ ընդգրկվել է ՅՈՒՆԵՍԿՕ-ի Համաշխարհային ժառանգության ցանկում): Մի ուշբրոնզեդարյան բնակավայր էլ հայտնաբերվել է Ֆինգելցից արևելք[5]: Գալլական պատերազմներից ու հին հռոմեացիների տիրապետության շրջանից հետո այս տարածաշրջանում իրենց գերիշխանությունն են հաստատել գերմանական ցեղերը: Ընդ որում՝ հին հռոմեացիների օրոք Պետինեսկայից (Petinesca) մինչև Պիեռ Պերտուիս (Pierre Pertuis) կամ Սալոդրում (Salodurum, ներկայիս Solothurn-ը) ճանապարհ է կառուցվել, որն անցել է այսօրվա Բիլ/Բիենի մի հատվածը համարվող Մետ ավանով: Մետում հայտնաբերվել են նաև հին հռոմեական ու վաղ միջնադարյան շինությունների հիմքեր և չորրորդ դարի մի գերեզմանատուն[6]:
Ժողովրդագրություն[խմբագրել | խմբագրել կոդը]
Քաղաքի բնակչության թվաքանակը ժամանակի ընթացքում կրել է հետևյալ փոփոխությունները[7]
| Բնակչության վերաբերյալ պատմական տվյալներ[7] | |||||||||||
|---|---|---|---|---|---|---|---|---|---|---|---|
| Տարին | Ամբողջ բնակչությունը | Գերմանախոս բնակչ. | Ֆրանսախոս | Կաթոլիկ | Բողոքական | Քրիստոյա կաթոլիկ | Հրեա | Այլ կրոններ | Կրոնը չնշած | Շվեյցարացի | Ոչ շվեյցարացի |
| 1770 | 1,698 | ||||||||||
| 1818 | 3,589 | ||||||||||
| 1850 | 5,609 | 5,268 | 341 | ||||||||
| 1880 | 16,579 | 13,253 | 3,207 | 1,675 | 14,620 | 240 | 77 | 15,323 | 1,289 | ||
| 1910 | 32,136 | 22,017 | 9,209 | 4,840 | 26,366 | 413 | 517 | 28,723 | 3,413 | ||
| 1930 | 37,726 | 24,946 | 11,673 | 6,031 | 30,750 | 310 | 635 | 35,588 | 2,338 | ||
| 1950 | 48,342 | 32,188 | 14,598 | 8,659 | 38,314 | 572 | 268 | 529 | 46,232 | 2,110 | |
| 1970 | 64,333 | 36,354 | 17,396 | 22,745 | 40,032 | 282 | 178 | 1,096 | 52,148 | 12,185 | |
| 1990 | 51,893 | 27,510 | 15,906 | 17,857 | 26,123 | 116 | 69 | 7,728 | 3,959 | 40,576 | 11,317 |
Ազգային նշանակության պատմամշակութային հուշարձաններ[խմբագրել | խմբագրել կոդը]
Շվեյցարիայի ազգային նշանակության պատմամշակութային հուշարձանների ցանկում ընդգրկած են Alte Krone-ն, նկարչական Atelier Robert ստուդիան, Rockhall Manor-ը, երկաթուղային գլխավոր կայարանը, Jordi-Kocher House-ը, Անարատ հղության Սուրբ Մարիամ կաթոլիկ եկեղեցին , Kongresshaus-ը, Kontrollgebäude-ն, the Neuhaus թանգարանը՝ Robert Foundation-ի հավաքածուով, Schwab Museum-ը, քաղաքային բողոքական (ռեֆորմիստական) եկեղեցին, General Motors-ի վարչական շենքն ու հավաքման սրահը, Volkshaus-ը (Ժողովրդական տունը), Waldleute Zunft շենքը: Եվ ընդհանրապես՝ Բիել/Բիեն քաղաքն ամբողջությամբ՛ ինչպես նաև Taubenlochschlucht կիրճը[8]:
Պատկերասրահ[խմբագրել | խմբագրել կոդը]
Alte Krone-ն
Atelier Robert-ը
Rockhall Manor շենքը
Երկաթուղային գլխավոր կայարանը
Jordi-Kocher շենքը
Կաթոլիկ եկեղեցին
Kongresshaus-ը
Kontrollgebäude-ն
Neuhaus թանգարանը
Schwab թանգարանը
Ռեֆորմիստական եկեղեցին
General Motors-ի վարչական շենքը
Volkshaus-ը
Waldleute Zunft շենքը
Կամուրջ Taubenlochschlucht կիրճում
Համաշխարհային ժառանգություն[խմբագրել | խմբագրել կոդը]
Հնագիտական պեղումների Ֆինգելց/Հաֆեն (Vingelz / Hafen)՝ նախապատմական ժամանակների լավ պահպանված, մեծարժեք գտածոներով հնավայրը, որ իրենից ներկայացնում է նորքարեդարյան երկու բնակավայրի մնացորդներ, մաս է կազմում Ալպերի շուրջը հայտնաբերված նախապատմական ժամանակների բնակավայրերի՝ ՅՈՒՆԵՍԿՕ-ի ցանկում ընդգրկված Համաշխարհային ժառանգության հուշարձանների[9]:
Հնավայրը Բիլ լճի ափին թաղված է եղել տիղմի տակ և համեմատաբար լավ է պահպանվել: Հայտնաբերված հնագույն բնակավայրերից մեկը, ըստ հնագետների եզրահանգումների, գոյություն է ունեցել մեր թվականությունից առաջ մոտավորապես 2970–2820, իսկ մյուսը՝ մ. թ. ա. 2780–2695 թվականներին: Փայտե շուրջ 60 նմուշներ են հետազոտվել ու թվագրվել:
Հնավայրը 1874 թվականին հայտնաբերել է Էդվարդ ֆոն Ֆելենբուրգը: Հնագիտական պեղումներն ու հետազոտութուններն այստեղ շարունակվում են: 1998 թվականին հայտնաբերվել էն գործվածքի մնացորդներ և մի ամբողջական կացին՝ սայրով ու բռնակով[10]:
Բիլ լիճը
Քաղաքային զբոսայգին
Գետը
Հին քաղաքամասը
Օղակաձև հրապարակի շենքերից
Հին քաղաքամասը
Ճոպանուղին
Ամրոցի աշտարակը
Էքսպո-2002-ի տաղավարը
.jpg)
Մշակույթ[խմբագրել | խմբագրել կոդը]
Թանգարաններ[խմբագրել | խմբագրել կոդը]
- «Schwab» - հնագիտական թանգարան
- «Müller» - մեքենաշինության թանգարան. 20-րդ դարասկզբի արհեստանոցներում ցուցադրված են 1880-ից 1940 թվականներին արտադրված ավելի քան 150 մեքենա
- «Neuhaus» - ցուցադրված են 19-20-րդ դարերի մշակույթի, արդյունաբերության, տնտեսության տիպական ու արժեքավոր նմուշներ, ինչպես նաև իմպրեսիոնիստների աշխատանքներ
- «Ժամացույցների թանգարան» - ցուցադրված են «Omega» ֆաբրիկայի արտադրած ժամացույցներ
- CentrePasquArt - ժամանակակից արվեստի քաղաքային կենտրոն, որ ստեղծվել է Kunsthaus-ի, Photoforum-ի, Filmpodium-ի, Visarte-ի, Kunstverein-ի համատեղ ջանքերով
- Օպտիկական թանգարան - ցուցադրված են օպտիկայի չորսհարյուրամյա պատմության ընթացքում ստեղծված շուրջ 300 առարկաներ՝ մենակնոցներ, հեռադիտակներ, ակնոցներ, ճնշաչափեր (բարոմետրեր) և այլն։
Ամենամյա միջոցառումներ[խմբագրել | խմբագրել կոդը]
- Բիլի կառնավալ (փետրվարի վերջին - մարտի սկզբին). Եվրոպայում մանկական խոշորագույն կառնավալներից մեկը
- 1968 թվականից ի վեր անց է կացվում Բիլի շախմատային փառատոնըг
- 2012 թվականից «Արտ դիալոգ» ընկերակցությունն անց է կացնում արվեստի ամենամյա փառատոն, որի ծրագրում ընդգրկված են դասական երաժշտություն, կերպարվեստ և գինեգործական արվեստ[11]։
Ծանոթագրություններ[խմբագրել | խմբագրել կոդը]
- ↑ «Nomenklaturen – Amtliches Gemeindeverzeichnis der Schweiz» (գերմաներեն)։ Արխիվացված է օրիգինալից 1 мая 2011-ին։ Վերցված է 28 октября 2018
- ↑ «Nomenklaturen – Amtliches Gemeindeverzeichnis der Schweiz» (German)։ Արխիվացված է օրիգինալից 13 November 2015-ին։ Վերցված է 4 April 2011
- ↑ Swiss Federal Statistical Office-Land Use Statistics 2009 data (գերմ.) accessed 25 March 2010
- ↑ «Entwicklung der Städte und Agglomerationen»։ Swiss Federal Statistical Office։ Արխիվացված է օրիգինալից 15 марта 2012-ին։ Վերցված է 27 октября 2018
- ↑ 3295|Vingelz}}
- ↑ 3285|Mett}}
- ↑ 7,0 7,1 |222|Biel/Bienne}}
- ↑ «Kantonsliste A-Objekte»։ KGS Inventar (German)։ Federal Office of Civil Protection։ 2009։ Վերցված է 13 November 2017
- ↑ Centre UNESCO World Heritage։ «Prehistoric Pile Dwellings around the Alps»։ whc.unesco.org
- ↑ palafittes.org UNESCO nomination files-Volume II: Id-files of the component parts of the serial, Sites Switzerland (2) Archived 25 April 2012 at the Wayback Machine. accessed 12-August-2012
- ↑ «Арт Диалог Фестиваль» — официальный сайт фестиваля
Գրականություն[խմբագրել | խմբագրել կոդը]
- «Биль, город»։ Բրոքհաուզի և Եֆրոնի հանրագիտական բառարան: 86 հատոր (82 հատոր և 4 լրացուցիչ հատորներ)։ Սանկտ Պետերբուրգ։ 1890–1907
Արտաքին հղումներ[խմբագրել | խմբագրել կոդը]
- Քաղաքի պաշտոնական կայքէջը
- Շախմատային փառատոնը
- Frac
- «Սամուել Շմիդ — շվեյցարական կառավարության պաշտոնական կայքէջը»։ Արխիվացված է օրիգինալից 2008-06-10-ին
- «Բիլի գերմարաթոնը»
- «Բիլի ժողովրդական համալսարան»։ Արխիվացված է օրիգինալից 2008-03-09-ին
- [http://www.bakom.admin.ch/index.html?lang=de Շրջակա միջավայրի, տրանսպորտի, էներգիայի ու հաղորդակցության կառավարական դեպարտամենտի պաշտոնական կայքէջը
- «Ֆիզկուլտուրայի պետական ինստիտուտի և սպորտի դեպարտամենտի (BASPO) պաշտոնական կայքէջը»։ Արխիվացված է օրիգինալից 2008-07-14-ին
- «Evilard-Magglingen համայնքւ պաշտոնական կայքէջը»։ Արխիվացված է օրիգինալից 2008-04-10-ին
- «Բիլի մարզական ակումբների ցանկը — Բիլ քաղաքի պաշտոնական կայքէջը»։ Արխիվացված է օրիգինալից 2008-03-11-ին
| ||||||||||
