Բիլ Կոնդոն

Վիքիպեդիայից՝ ազատ հանրագիտարանից
Jump to navigation Jump to search
Picto infobox cinema.png
Բիլ Կոնդոն
Ծնվել էհոկտեմբերի 22, 1955(1955-10-22)[1][2][3] (64 տարեկան)
ԾննդավայրՆյու Յորք, Նյու Յորք[4]
ԿրթությունԿոլումբիայի համալսարան
ՔաղաքացիությունFlag of the United States.svg ԱՄՆ
Մասնագիտացումդերասան, սցենարիստ, կինոպրոդյուսեր և կինոռեժիսոր
ՊարգևներՕսկար մրցանակ լավագույն ադապտացված սցենարի համար
IMDbID ID 0174374

Ուիլյամ «Բիլ» Կոնդոն (անգլ.՝ William «Bill» Condon, հոկտեմբերի 22, 1955(1955-10-22)[1][2][3], Նյու Յորք, Նյու Յորք[4]), ամերիկացի կինոռեժիսոր, սցենարիստ և պրոդյուսեր: «Օսկար» մրցանակի դափնեկիր (1999) «Աստվածներ և սատանաներ» ֆիլմի համար ադապտացված լավագույն սցենարի համար:

Կենսագրություն[խմբագրել | խմբագրել կոդը]

Բիլ Կոնդոնը ծնվել է 1956 թվականի հոկտեմբերի 22-ին Նյու Յորքում[5]: Կոլումբիայի համալսարանի Կոլումբիայի քոլեջում սովորել է փիլիսոփայություն:

Բիլ Կոնդոնն սցենարիստի իր կարիերան սկսել է փոքրաբյուջետ ֆիլմերի սցենարներ գրելով, ինչպիսիք են «Տարօրինակ վարք» (1981) և «Տարօրինակ եկվորներ» (1983) կինոնկարները: Որպես ռեժիսոր նրա նկարահանած առաջին ֆիլմը եղել է «Քույր, քույր» գոթական միստերիան, որում խաղացել են Էրիկ Շտոլցը և Ջենիֆեր Ջեյսոն Լին: Դրանից հետո նա նկարահանել է մի քանի թրիլլերներ հեռուստատեսության համար, որոնցից է «Սպանություն 101» (1990) ֆիլմը, որում նկարահանվել է Փիրս Բրոսնանը: Այդ ժամանակաշրջանում նա նաև գրել է «F/X2» (1991) թրիլլերի սցենարը, որի ռեժիսորն էր Ռիչարդ Ֆրանկլինը:

Բեռնարդ Ռոուզի սարսափ ֆիլմի նմանակումը դարձած «Քենդիմեն 2: Հրաժեշտ մարմնին» ֆիլմը (1995) նկարահանելուց հետո Բիլ Կոնդոնը ճանաչում է ձեռք բերում: Նա էլ ավելի հայտնի է դառնում իր հաջորդ՝ «Աստվածներ և սատանաներ» ֆիլմի թողարկումից հետո, որի ռեժիսորը լինելուց բացի նա նաև հեղինակել է ֆիլմի սցենարը, որ հիմնված էր Քրիստոֆեր Բրամի վիպակի վրա: Այդ ֆիլմի համար նա արժանացել է «Օսկար» մրցանակի լավագույն էկրանավորման համար: Բիլ Կոնդոնը նույն անվանակարգում «Օսկարի» է ներկայացվել նաև «Չիկագո» ֆիլմի՝ համանուն մյուզիքլի էկրանավորման համար: 2004 թվականին նա հանդես է եկել որպես «Քինսի» ֆիլմի սցենարի հեղինակ և ռեժիսոր: Ֆիլմը, որ պատմում է հակասական անձնավորություններից մեկի՝ առաջիններից մեկը մարդու սեքսուալության ուսումնասիրությամբ զբաղված Ալֆրեդ Քինսիի մասին, նկարահանվել է 35 օրում և ընդգրկում է Քինսիի կյանքի 15-ամյա մի ժամանակաշրջան:

2005 թվականին Բիլ Կոնդոնն արժանացել է GLAAD կազմակերպության Սթիվեն Ֆ. Կոլզակի անվան մրցանակի, որ շնորհվում է այն համասեռամոլներին կամ բիսեքսուալներին, որոնք մեդիա ոլորտում պայքարում են հոմոֆոբիայի դեմ[6]:

2005 թվականին Բիլ Կոնդոնը հայտարարել է, որ նախատեսում է գրել սցենար և նկարահանել ֆիլմ, որը կդառնա The Supremes երաժշտական խմբի կարիերայի մասին պատմող բրոդվեյական «Dreamgirls» հայտնի մյուզիքլի էկրանավորումը: Դա երկրորդ մյուզիքլն էր, որ էկրանավորում էր Բիլ Կոնդոնը: Ֆիլմը, որում նկարահանվել են Ջեյմի Ֆոքսը, Էդի Մերֆին, Ջենիֆեր Հադսոնը, Անիկա Նոնի Ռոուզն ու Դենի Գլովերը, վարձույթի է տրվել 2006 թվականի դեկտեմբերին: Այն հաջողության է ունեցել քննադատների ու կինոդիտողների շրջանում և արժանացել է երկու «Օսկարի», «Գրեմմիի», ԱՄՆ-ի կինոդերասանների գիլդիայի երկու մրցանակի և երեք «Ոսկե գլոբուսի», այդ թվում նաև «Տարվա լավագույն ֆիլմ» անվանակարգում: Բիլ Կոնդոնը Քլինթ Իսթվուդի հետ միասին արժանացել է «Արբանյակ» մրցանակի որպես «Լավագույն ռեժիսոր» անվանակարգում:

2009-2010 թվականներին Բիլ Կոնդոնն աշխատել է հեռուստանախագծերի վրա. նա եղել է «Օսկարի» 81-րդ մրցանակաբաշխության արարողության սցենարի հեղինակն ու «Այդ սարսափելի «Ք» տառը» սերիալի էպիզոդներից մեկի ռեժիսորը: Դրանից հետ նա հրավիրվել է նկարահանելու «Մթնշաղ» կինոսագայի վերջին երկու մասերը, որոնցից առաջինը թողարկվել է 2011, երկրորդը՝ 2012 թվականներին:

Ֆիլմագրություն[խմբագրել | խմբագրել կոդը]

Ռեժիսոր[խմբագրել | խմբագրել կոդը]

  • 1987 – Քույր, քույր / Sister, Sister
  • 1990 – Սպանության 101 / Murder 101
  • 1991 – Սպիտակ սուտ / White Lie
  • 1991 – Մահ ջրում / Dead in the Water
  • 1993 – Մահացու հարաբերություններ / Deadly Relations
  • 1993 – Մարդը, որ հրաժարվում էր մեռնել / The Man Who Wouldn't Die
  • 1995 – Քենդիմեն 2: Հրաժեշտ մարմնին / Candyman: Farewell to the Flesh
  • 1998 – Աստվածներ և հրեշներ / Gods and Monsters
  • 2004 – Քինսի / Kinsey
  • 2006 – Երազանքների աղջիկները / Dreamgirls
  • 2011Մթնշաղ. Լուսաբաց՝ Մաս 1 / The Twilight Saga: Breaking Dawn - Part 1
  • 2011 – Թիլդա / Tilda
  • 2012Մթնշաղ. Լուսաբաց՝ Մաս 2 / The Twilight Saga: Breaking Dawn - Part 2
  • 2013 – Հինգերորդ իշխանություն / The Fifth Estate
  • 2015 – Միստր Հոլմս / Mr. Holmes
  • 2017Գեղեցկուհին և հրեշը / Beauty and the Beast

Սցենարիստ[խմբագրել | խմբագրել կոդը]

  • 1981 – Մեռած երեխաներ / Strange Behavior
  • 1983 – Տարօրինակ նվաճողներ / Strange Invaders (նաև սյուժեն)
  • 1987 – Քույր, քույր / Sister, Sister
  • 1990 – Սպանություն 101 / Murder 101
  • 1991 – Սպանության պատրանք 2 / F/X 2
  • 1998 – Աստվածներ և հրեշներ / Gods and Monsters
  • 2002Չիկագո / Chicago
  • 2004 – Քինսի / Kinsey
  • 2004 – Սատանան և Դենիել Ուեբստերը / Shortcut to Happiness
  • 2006 – Երազանքների աղջիկները / Dreamgirls
  • 2011 – Էիլդա / Tilda

Պրոդյուսեր[խմբագրել | խմբագրել կոդը]

  • 1981 – Մեռած երեխաներ / Strange Behavior
  • 1993 – Մարդը, որ հրաժարվում էր մեռնել / The Man Who Wouldn't Die (գործադիր համապրոդյուսեր)
  • 2011 – Տղաների ստեղծումը / Making the Boys (գործադիր պրոդյուսեր)
  • 2011 – Թիլդա / Tilda (գործադիր պրոդյուսեր)

Ծանոթագրություններ[խմբագրել | խմբագրել կոդը]

  1. 1,0 1,1 Person Profile // Internet Movie Database — 1990.
  2. 2,0 2,1 SNAC — 2010.
  3. 3,0 3,1 Munzinger-Archiv — 1913.
  4. 4,0 4,1 4,2 German National Library, Berlin State Library, Bavarian State Library et al. Record #129803448 // Gemeinsame Normdatei — 2012—2016.
  5. «Bill Condon Biography (1956?-)»։ FilmReference.com։ October 6, 2000։ Վերցված է March 4, 2015 
  6. IMDb

Արտաքին հղումներ[խմբագրել | խմբագրել կոդը]