Բերսաբե

Բերսաբե եբրայերեն՝ בת שבע‎
Ծնվել է	մոտ մ. թ. ա. 1009
Ծննդավայր	Giloh, Պաղեստին
Մահացել է	մոտ մ. թ. ա. 937
Քաղաքացիություն	Իսրայելի հրեական թագավորություն
Ազգություն	իսրայելցիներ
Կրոն	Yahwism?
Մասնագիտություն	Կոնսորտ թագուհի
Ամուսին	Uriah the Hittite? և Դավիթ
Ծնողներ	հայր՝ Eliam?
Զբաղեցրած պաշտոններ	Queen mother?
Երեխաներ	Սողոմոն Իմաստուն, Nathan? և Sobab?
Bathsheba Վիքիպահեստում

Բերսաբե (Բաթ Շևա, եբրայերեն՝ בת שבע‎ «երդման դուստր»), աստվածաշնչյան կերպար, Էլիամի դուստրը, Ուրիա Խեթի այրին, Դավիթ թագավորի կինը և Սողոմոն թագավորի մայրը:

Հին Կտակարանում

Ըստ Աստվածաշնչի՝ Բերսաբեն հազվագյուտ գեղեցկության տեր կին էր: Դավիթ արքան իր պալատի տանիքին զբոսնելիս տեսել է ներքևում լողացող Բերսաբեին, որի ամուսինը՝ Ուրիա Խեթը, այդ ժամանակ գտնվում էր տանից հեռու՝ Դավթի բանակում, զինվորական ծառայության մեջ: Աստվածաշնչյան բնագրի համաձայն՝ Բերսաբեն չի փորձել գայթակղել Դավթին, բայց վերջինս գայթակղվել է ու հրամայել, որ նրան իր պալատը բերեն: Նրանց հարաբերությունների արդյունքում Բերսաբեն հղիացել է: Դավիթը նամակ է ուղարկել այն բանակի հրամանատարին, որտեղ ծառայում էր Ուրիան, ու հրամայել է վերջինիս ուղարկել մարտի ամենավտանգավոր տեղը, անակնկալ ետ քաշվել և թողնել թշնամու դեմ մեն-մենակ, որպեսզի խփվի ու զոհվի: Այդպես էլ արվել է, Ուրիան զոհվել է, և Դավիթն ամուսնացել է Բերսաբեի հետ: Դա հարուցել է Աստծո ցասումը. նրանց առաջնեկն ընդամենը մի քանի օր է ապրել, թագավորությունն ընկղմվել է տառապանքի ու քաոսի մեջ: Դավիթը զղջացել է իր արարքի համար: Իր 50-րդ սաղմոսում նա հայտնում է, որ զղջացել է ազնվազարմ այր Ուրիա Խեթին սպանել տալու և նրա կին Բերսաբեին տիրելու համար:

Բերսաբեն Դավթի կանանց մեջ ունեցել է առավել բարձր դիրք, եղել է նրա ամենասիրելի կինը, և Դավիթը հենց վերջինիցս ունեցած Սողոմոն որդուն է թագադրել, կարգել թագավոր:

Անվան ստուգաբանություն

Բերսաբեի անվան բնագրային տարբերակը Բաթ Շևա է, որ նշանակում է «երդման դուստր»: Աստվածաշնչագետ Լուկաշ Նեսելյովսկի-Սպանոյի կարծիքով՝ քանի որ Բաթ Շևան ծագումով խեթ էր, ինչպեսև իր առաջին ամուսին Ուրիան, ուրեմն նրա անունը, աստվածաշնչյան մի շարք այլ անունների նման, սկզբնապես եղել է խեթական ու հետո վերաիմաստավորվել, վերաձևվել է հրեական ստուգաբանության շրջանակում: Նեսելյովսկի-Սպանոն առաջ է քաշել այն վարկածը, որ Բերսաբեի իսկական անունը կապված է եղել խեթերի ու խուռիների սիրո դիցուհի Շավուշկայի անվան հետ:

Արվեստում

Աստվածաշնչյան պատմությունն իր արտացոլումն է գտել արվեստի բազմաթիվ գործերում: Դրանցում Բերսաբեն սովորաբար պատկերված է մերկ, թեև վաղ Վերածննդի ներկայացուցիչ հանդիսացող որոշ նկարիչներ նրան պատկերել են զգեստավորված, պարզապես ձեռք ու ոտք լվալիս: Դավիթը գաղտագողի դիտում է հեռվից՝ պատշգամբից կամ տանիքից:

Որոշ նկարներում Բերսաբեն պատկերված է նամակը ձեռքին կամ իրեն նամակ հանձնող սուրհանդակի կողքին, թեև Աստվածաշնչում այդպիսի դրվագ հիշատակված չէ:

• 
  Նկարիչ՝ Ժան Լեոն Ժերոմ. 1889.
• 
  Լողացող Բերսաբեն. Լյուդովիկոս XII-ի Ժամագրքի մանրանկարներից. նկարիչ՝ Ժան Բուրդիշոն
• 
  Նկարիչ՝ Հանս Մեմլինգ
• 
  Նկարիչ՝ Պիտեր Պաուլ Ռուբենս
• 
  Նկարիչ՝ Ալեքսանդր Իվանով
• 
  Նկարիչ՝ Կարլ Բրյուլով
• 
  Նկարիչ՝ Պիտեր Լաստման. Էրմիտաժ
• 
  Նկարիչ՝ Ռեմբրանդտ

Աստղագիտության մեջ

Բերսաբեի պատվին է կոչվել 1906 թվականին հայտնաբերված (592) Բեթշևա աստերոիդը:

Մատենագրություն

• Kristin De Troyer, "Looking at Bathsheba with Text-Critical Eyes," in Nóra Dávid, Armin Lange, Kristin De Troyer and Shani Tzoref (eds), The Hebrew Bible in Light of the Dead Sea Scrolls (Göttingen, Vandenhoeck & Ruprecht, 2011) (Forschungen zur Religion und Literatur des Alten und Neuen Testaments, 239), 84–94.

Արտաքին հղումներ

• Askmoses.com Արխիվացված 2011-06-07 Wayback Machine, "Was King David guilty of murder and adultery?" by Rabbis Mendy Gutnick and Avrohom Wineberg

Վիքիպահեստն ունի նյութեր, որոնք վերաբերում են «Բերսաբե» հոդվածին։