Բեն Օկրի

Վիքիպեդիայից՝ ազատ հանրագիտարանից
Jump to navigation Jump to search
Բեն Օկրի
Ben Okri in Tallinn.jpg
Ծնվել էմարտի 15, 1959(1959-03-15)[1][2][3][…] (61 տարեկան)
ԾննդավայրMinna, Northern Region, Federation of Nigeria[4][5]
Մասնագիտությունգրող, լրագրող, վիպասան, հեղինակ և բանաստեղծ
Լեզուանգլերեն[6]
ՔաղաքացիությունFlag of Nigeria.svg Նիգերիա
ԿրթությունԷսեքսի համալսարան
Ուշագրավ աշխատանքներThe Famished Road?, Starbook? և Songs of Enchantment?[7]
ԱնդամակցությունԹագավորական գրական ընկերություն
ՊարգևներԲրիտանական Կայսրության շքանշանի սպա Բուքերյան մրցանակ[8] և Թագավորական գրական միության անդամ
Ben Okri Վիքիպահեստում

Բեն Օկրի (անգլ.Ben Okri, մարտի 15, 1959(1959-03-15)[1][2][3][…], Minna, Northern Region, Federation of Nigeria[4][5]) նիգերիացի գրող٫ ապրում է Մեծ Բրիտանիայում:

Կենսագրություն[խմբագրել | խմբագրել կոդը]

Բեն Օկրին ծնվել է 1959 թվականին Նիգերիայի արևմտյան կենտրոն Միննայում՝ Գրեյս և Սիլվեր Օկրիների ընտանիքում[9]։ Նրա հայրը ուրհոբոցի է, իսկ մայրը իգբո։ Երբ Բենը եղել է 2 տարեկան, նրա հայրը՝ Սիլվեր Օկրին, ընտանիքը տեղափոխել է Լոնդոն՝ օրենքներ ուսումնասիրելու համար[10]։ Բեն Օկրին իր մանկությունը անց է կացրել Հարավային Լոնդոնում, որտեղ էլ հաճախել է Պեկհեմի դպրոցը։ Սակայն 1968 թվականին ընտանիքը վերադարձել է Նիգերիա։ Հայրը եղել է իրավաբան և աշխատել է Լագոսի աղքատ թաղամասերում՝ անվճար կամ զեղչված իրավաբանական ծառայություններ մատուցելով նրանց, ովքեր դրա կարիքը ունեին[9]։ Նա սկսել է հոդվածներ խմբագրել սոցիալական և քաղաքական հարցերի վերաբերյալ, բայց դրանք երբեք չեն հրապարակվել[11]։ Այդ հոդվածների հիման վրա գրել է կարճ պատմություններ, և որոշները հրատարակել կանանց ամսագրերում և երեկոյան թերթերում։ Օկրին պնդում էր, որ կառավարության նկատմամբ իր քննադատությունների պատճառով, նրանից պահանջել են հեռանալ երկրից։ 1978 թվականին Էսեքսի համալսարանում գրականություն սովորելու համար՝ Բեն Օկրին տեղափոխվել է Մեծ Բրիտանիա: Այստեղ նա սովորել է Նիգերիայի կառավարության կողմից տրված դրամաշնորհի միջոցով[12]։ Սակայն, երբ դադարեցվել է կրթաթոշակի ֆինանսավորումը, Օկրին դարձել է անօթևան և ապրել է ընկերների հետ կամ էլ այգիներում։ Սակայն նա ասել է․

Aquote1.png Այդ տարիները ինձ համար շատ շատ կարևոր էին։ Ինչ-որ բան գրելու ցանկությունը ուժեղացել էր և ես այդ ժամանակահատվածում անընդհատ գրել եմ։ Aquote2.png


Օկրին գրականության մեջ հաջողության է հասել այն ժամանակ, երբ հրատարակել է իր առաջին վեպը՝ «Ծաղիկներ և ստվերներ» վերնագրով։ Նա այդ գիրքը հրատարակել է 1980 թվականին՝ 21 տարեկան հասակում[13]։ Դրանից հետո 1983-1986 թվականներին Արևմտյան Աֆրիկայի խանութներում աշխատել է որպես բանաստեղծությունների խմբագիր։ 1983 և 1985 թվականներին աշխատել է Բի-բի-սի-ում։

1988-1991 թվականներին ապրել է Նոթինգ Հիլում։ 1991 թվականին իր «Անհայտ ճանապարհ» վեպի համար արժանացել է Բուքերյան գրական մրցանակի[14][15]։ Այդպես նա դարձել է ամենաերիտասարդ գրողը, որը արժանացել է այդ մրցանակին[16]։

Ստեղծագործություն[խմբագրել | խմբագրել կոդը]

Իր ստեղծագործություններում Օկրին մոդեռնիստական բանաստեղծական արվեստը համատեղում է Նիգերիայի ժողովրդի բանավոր ավանդույթների հետ՝ զարգացնելով Չինուա Աչեբեի, Ամոս Թութուոլայի և Վոլե Շոյինկայի ուղղությունները:

Նա հոդվածներ է գրել նաև սոցիալական և քաղաքական հարցերի վերաբերյալ, բայց դրանք երբեք չեն տպագրվել։ Հետագայում այդ հոդվածների հիման վրա նա գրել է պատմվածքներ։

21 տարեկանում լույս է տեսել իր առաջին վեպը՝ «Ծաղիկներ և ստվերներ»։

Ճանաչում[խմբագրել | խմբագրել կոդը]

Բեն Օկրին համարվում է Թագավորական գրականություն կազմակերպության անդամ և PEN միջազգային կազմակերպության անգլիական մասնաճյուղի փոխնախագահ: 1987 թվականին արժանացել է Բրիտանական համագործակցության գրական մրցանակի: Նույն թվականին, իր արձակ ստեղծագործությունների համար, ստացել է Ագա Խան մրցանակ: 1991 թվականին «Անհայտ ճանապարհը» ստեղծագործության համար արժանացել է Բուքերյան մրցանակի, իսկ 1994 թվականին Գրինցանե Կավուր մրցանակի: Վեսթմինսթերի համալսարանի (1997), Էսեքսի (2002), Էսեքսի համալսարանի (2004) պատվավոր դոկտոր: Բրիտանական կայսրության շքանշանի սպա (2001): Օքսֆորդի Մանսֆիլդի քոլեջի պատվավոր անդամ:

Աշխատանքներ[խմբագրել | խմբագրել կոդը]

Վեպեր[խմբագրել | խմբագրել կոդը]

  • Flowers and Shadows (1980)
  • The Landscapes Within (1981)
  • The Famished Road (1991)
  • Songs of Enchantment (1993)
  • Astonishing the Gods (1995)
  • Dangerous Love (1996)
  • Infinite Riches (1998)
  • In Arcadia (2002)
  • Starbook (2007)
  • The Age of Magic (2014)
  • The Freedom Artist (2019)

Բանաստեղծություններ, էսսեներ և պատմվածքների ժողովածուներ[խմբագրել | խմբագրել կոդը]

  • Incidents at the Shrine (1986)
  • Stars of the New Curfew (1988)
  • An African Elegy (1992)
  • Birds of Heaven (1996)
  • A Way of Being Free (1997)
  • Mental Fight (1999)
  • Tales of Freedom (2009)
  • A Time for New Dreams (2011)
  • Wild (2012)
  • The Mystery Feast: Thoughts on Storytelling (2015)
  • The Magic Lamp: Dreams of Our Age, (2017)
  • Rise Like Lions: Poetry for the many (2018)
  • Prayer for the Living: Stories (2019)

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]