Բենտու Անտոնիու Գոնսալվիշ (Գոնսալվես) (պորտ.՝ Bento António Gonçalves, մարտի 2, 1902(1902-03-02), Մոնտալեգրի - սեպտեմբերի 11, 1942(1942-09-11), Տառաֆալ (համակենտրոնացման ճամբար), Տարրաֆալ, Sotavento Islands, Կաբո Վերդե), պորտուգալացի կոմունիստ քաղաքական գործիչ։ Պորտուգալիայի կոմունիստական կուսակցության (ՊԿԿ) անդամ (1928)։ Պատանի հասակից մասնակցել է կոմունիստական շարժումներին։ 1929 թվականին ընտրվել է ՊԿԿ ԿԿ-ի գլխավոր քարտուղար։ 1935 թվականին ձերբակալվել է և ուղարկվել ֆաշիստական համակենտրոնացման ճամբար (Տարաֆալ, Կանաչ Հրվանդանի կղզիներ), որտեղ և մահացել է։