Բենսհայմ

Բենսհայմ
Բնակավայր
	Բենսհայմ
	գերմ.՝ Bensheim
	Զինանշան
	49°40′52″N 8°37′22″E / 49.68111°N 8.62278°E
Երկիր	Գերմանիա
Համայնք	Բերգշտրասե
Ներքին բաժանում	Auerbach?, Fehlheim?, Gronau?, Hochstädten?, Langwaden?, Schwanheim?, Schönberg?, Wilmshausen?, Zell? և Bensheim?
Մակերես	57,83 կմ²
ԲԾՄ	103 մետր
Բնակչություն	▼41 124 մարդ (դեկտեմբերի 31, 2024)
Հեռախոսային կոդ	06251
Փոստային դասիչ	64625
Ավտոմոբիլային կոդ	HP
Պաշտոնական կայք	bensheim.de(գերմ.)
	Բենսհայմ (Գերմանիա)
	Բենսհայմ (Գերմանիա)
	Բենսհայմ Վիքիպահեստում

Բենսհայմ (գերմ.՝ Bensheim), քաղաք Գերմանիայի Դաշնության Հեսսեն երկրամասում։ Գտնվում է Դարմշտադ վարչական շրջանի ենթակայության տակ։ Մտնում է Բերգշտրասե շրջանի կազմի մեջ։ Զբաղեցնում է 57,83 քառակուսի կիլոմետր տարածք։ 2010 թվականի դեկտեմբերի 31-ի տվյալներով բնակչության թվաքանակը եղել է 39 729^[2] (այդ ցուցանիշով խոշորագույն բնակավայրն է Բերգշտրասե շրջանում)^[3]։

Աշխարհագրություն

Բենսհայմն ընկած է Վերինհռենոսյան դաշտի արևմտյան եզրին, Օդենվալդյան լեռների ստորոտին։ Մերձակա խոշոր բնակավայրից՝ 5,6 միլիոն բնակչություն ունեցող Մայնի Ֆրանկֆուրտից հեռու է մոտավորապես 25^[4], Դարմշտադից՝ 22, Հայդելբերգից՝ 35, Մանհայմից՝ 32 կիլոմետր։

Պատմություն

Հնագիտական պեղումների արդյունքները վկայում են, որ Բենսհայմի ներկայիս տարածքում դեռևս 3.500 տարի առաջ բնակավայր է եղել։ Պատմական փաստաթղթերում քաղաքի մասին առաջին անգամ հիշատակվել է 765 թվականին՝ հարևանությամբ կառուցված Լորշ վանքի առնչությամբ^[5]։ 956 թվականին ստացել է տոնավաճառներ անցկացնելու իրավունք, 13-րդ դարում՝ ազատ քաղաքի կարգավիճակ^[3] և ծաղկում է ապրել մինչև 1301 թվականին հրդեհի մատնվելը։ Դրանից հետո քաղաքի տերերն ու ճակատագիրը հաճախ են փոփոխվել^[3]^[3]։