Բելլոնա

Վիքիպեդիայից՝ ազատ հանրագիտարանից
Բելլոնա'. Ռեմբրանդտ
«Բելլոնա». Ռոդեն

Բելլոնա (լատիներեն՝ Bellona լատիներեն՝ bellum-ից՝ «պատերազմ»), ռազմի իտալյան (սաբինյան) աստվածուհի, Մարսի կինը (տարբերակ՝ դայակը, քույրը)։ Հռոմում Բելլոնայի տաճարում, ընդունում էին հաղթական զորապետերին, օտարերկրյա դեսպաններին։ Տաճարի մոտ կար սյուն, որի վրայով ֆեցիալը նիզակ էր նետում, իբրև նշան նշան պատերազմի սկսվելուն։ Փոքր Ասիայում, Պոնտոսում և Թրակիայում Բելլոնան եղել է լուսնի աստվածություն, որի պաշտամունքը բերվել է Հռոմ, ըստ երևույթին Միհրդատի հետ պատերազմելուց հետո։ Երկու Բելլոնաները աստիճանաբար միաձուլվել են։ Բելլոնայի քրմերը կոչվում էին բելոնարիաներ (լատիներեն՝ Bellonarii). նրանք կրում էին սև զգեստ և սև գդակ. նրանց ատրիբուտը զույգ վաղրն էր։ Բելլոնան պատկերվում էր երկարազգեստ կնոջ կերպարանքով, նիզակով, մտրակով, ջահով, վահանով։ Բելլոնաին ծառայելը համարվում էր զինվորական ծառայություն։ Բելլոնայի զավակները զինվորներն են, ռազմիկները։