Բելգիայի Թագավորական դրամահատարան

Վիքիպեդիայից՝ ազատ հանրագիտարանից
Jump to navigation Jump to search
Museum Silhouette.svg
Բելգիայի Թագավորական դրամահատարան
Monnaie royale de Belgique - Koninklijke Munt van België.jpg
Տեսակդրամահատարան
ԵրկիրFlag of Belgium (civil).svg Բելգիա
ՏեղագրությունԲրյուսել
ՀասցեPachecolaan 32, 1000 Brussel և Boulevard Pachéco 32, 1000 Bruxelles1000
Կոորդինատներ: 50°51′3.3696000999901″ հս․ լ. 4°21′39.999600100001″ ավ. ե. / 50.850936000027772366° հս․. լ. 4.36111100002777796° ավ. ե. / 50.850936000027772366; 4.36111100002777796
Պաշտոնական կայք
Պաշտոնական կայք

Բելգիայի Թագավորական դրամահատարան (ֆր.՝ Monnaie Royale de Belgique, հոլ.՝ Koninklijke Munt van Belgie), Բելգիայի Ազգային բանկի պատվերով դրամներ պատրաստող բելգիական պետական ձեռնարկություն է: Ենթարկվում է Բելգիայի Ֆինանսների նախարարության Գանձապետարանին:

Բելգիայի տարածքում ֆեոդալական մասնատման ժամանակաշրջանում գոյություն են ունեցել մի քանի դրամահատարաններ: Այն ժամանակահատվածում, երբ Բելգիան գտնվում էր Իսպանական Նիդերլանդների, ապա ավստրիական Նիդեռլանդների կազմում, Բրյուսելում գտնվող դրամահատարանը հատում էր Հաբսբուրգների մետաղադրամներ: Այդ ժամանակ դրամների վրա որպես տարբերանշան սկսեց օգտագործվել Միքայել Հրեշտակապետի գլխապատկերը:

1695 թվականին, Աուգսբուրգի լիգայի պատերազմի ժամանակ, Բրյուսելը մարշալ Բուֆլերի հրամանատարությամբ ֆրանսիական բանակի կողմից կրակոցների էր ենթարկվել: Դրամահատարանն ավերվել էր: Մոտավորապես 1700 թվականին դրամահատարանի տեղում կառուցվել է Լա Մոննեի թատրոնի շենքը, իսկ դրամահատարանը վերականգնվել է այլ տեղում:

1790 թվականին, Բելգիական Միացյալ Նահանգների ժամանակահատվածում, դրամահատարանը թողարկեց կարճատև գոյություն ունեցած այս պետության մետաղադրամները:

1815 թվականից մինչև 1830 թվականը Բելգիայի տարածքը մտնում էր Նիդերլանդների կազմի մեջ: Դրամահատարանն աշխատել է որպես Նիդերլանդների դրամահատարանների մասնաճյուղ: 1832 թվականին դրամահատարանն սկսեց բելգիական դրամների հատումը:

1969 թվականին ձեռնարկության «Դրամահատարան», (ֆր.՝ Hôtel des Monnaies) անվանումը փոխարինվեց «Բելգիայի Թագավորական դրամահատարան» անվանումով:

2017 թվականի հունիսի 20-ին պաշտոնական հաղորդագրություն տարածվեց 2018 թվականից դրամահատարանների կողմից մետաղադրամների հատման դադարեցման մասին: Այսուհետ բելգիական մետաղադրամները կհատվեն այլ դրամահատարաններում, որոնք կընտրվեն տենդերների միջոցով: Դրամահատարանը, որպես կազմակերպություն, պահպանվում է, նրա կազմի մեջ են մնում փորձաքննության պալատը, լաբորատորիաները և այլ ստորաբաժանումներ, իսկ դրամահատության համար նախատեսված բոլոր սարքավորումները վաճառվում են: 2018 թվականից բելգիական դրամների հատումը իրականացվում է Նիդեռլանդների Թագավորական դրամահատարանում[1][2][3]:

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]