Բելառուսական ռուբլի

Բելառուսական ռուբլի

Տեսակ	տարադրամ և ռուբլի
ISO 4217 կոդ	BYN
Երկիր	Բելառուս
Ներդրման ամսաթիվը	հուլիսի 1, 2016
Պաշտ օգտագործողներ	Բելառուս
Կազմված է	copeck?
Նշան	Br
Հապավում	rubl’u
Մետաղադրամ	չեն թողարկվում
Թղթադրամ	50, 100, 500, 1000, 5000, 10 000, 20 000, 50 000, 100 000, 200 000 ռուբլի
Կենտրոնական բանկ	Բելառուսի Հանրապետության ազգային բանկ
Տպող	De La Rue
Փոխարինել է	Բելառուսական ռուբլի

Բելառուսական ռուբլի (բելառուս․՝ рубе́ль, կոդ ISO BYR, մինչև 2000 թվականը՝ BYB), Բելառուսի պաշտոնական դրամը։ Սիմվոլը՝ Br: Գործածության մեջ են 50, 100, 500, 1000, 5000, 10 000, 20 000, 50 000, 100 000 և 200 000 ռուբլի անվանական արժեքներով թղթադրամները։ Բելառուսական ռուբլին չունի ավելի փոքր դրամական միավոր։

Անվանումը

«Բելառուսական ռուբլի» անվանումն ի հայտ է եկել 1990-ական թվականներին, երբ Բելառուսը հրաժարվում էր խորհրդային ռուբլուց։ Այդ ժամանակ հասարակական գործիչների մի մասը ազգային տարադրամի համար առաջարկում էին «տալերը» անվանումը, և հարցը քննարկվեց Գերագույն խորհրդի Պրեզիդիումում, սակայն Տալերի օգտին արտահայտվեց միայն Նիլ Գիլևիչը։

Պատմություն

Իրավիճակը ԽՍՀՄ փլուզումից հետո

Հիմնական հոդված՝ Բելառուսական կտրովի կուպոն

20 բելառուսական կուպոնի օգտագործման կտրոն, 1992 թ.

1992 թվականի սկզբում, ընդհանուր դրամական համակարգի անկման ժամանակ Բելառուսում ընդունվեց կուպոնային համակարգ, այնուհետև՝ Ազգային Բանկի հաշվարկային տոմսեր։ Պաշտոնական փոխարժեքը համապատասխանում էր մեկ հաշվարկային տոմս 10 խորհրդային ռուբլու դիմաց։

1992 թվականի հուլիսի 1-ից սկսեցին գործողություններ իրականացնել ոչ կանխիկ բելառուսական ռուբլով։ 1993 թվականի հուլիսի վերջից սկսվեց անցումը խորհրդային ռուբլուց։ Բելառուսական ռուբլին դարձավ Բելառուսի տարածքում միակ օրինական վճարման միջոցը։ Չնայած այն բանին, որ սեպտեմբերին Ղազախստանը, Հայաստանը, Ռուսաստանը, Ուզբեկստանն ու Տաջիկստանը նոր համաձայնագիր ստորագրեցին նոր տեսակի ռուբլու կիրառման շրջանի մասին, այդ գաղափարն ապագա չունեցավ, և բելառուսական ռուբլին այդպես էլ մնաց ազգային տարադրամ։

1992-1994 թվականներին սկսեցին բելառուսական ռուբլու առաջարկի տասը անգամ մեծացման քաղաքականությունը։ Այսպես, 1 ռուբլիանոց թղթադրամը 1992 թվականին հավասարվեց 10 խորհրդային ռուբլու, իսկ 1, 3, 5 անվանական գներով թղթադրամների համար օգտագործում էին խորհրդային ռուբլին։ 1994 թվականի օգոստոսի 20-ին տեղի ունեցավ բելառուսական ռուբլու դենոմինացիա, որը կանգնեցրեց առաջարկի մեծացումը ինֆլյացիայի պահպանման համար։

2000-2014 թվականների տնտեսական ակնարկ

Հիմնական հոդված՝ Բելառուսի տնտեսությունը

2000 թվականի հունվարի 1-ին Բելառուսում ևս մի անգամ ռուբլու դենոմինացիա կատարվեց (1000 անգամ), որի նպատակն էր կայունացնել ազգային դրամը։

Ազգային բանկի քաղաքականության գերնպատակը ռուբլու կուրսի պահպանումն էր. այդպիսին էր ռուսական կողմի պահանջը։ Թույլատրվում էր տարադրամի փոխանակման կետերում դոլլարի վաճառքը։ Ոչ ռեզիդենտ բանկերի համար բացվեց մուտքը դեպի ներքին փոխարժեքային շուկա, հանվեցին ներքին շուկայի հետ կապված գործարքներում բելառուսական ռուբլու կիրառության բոլոր սահմանափակումները։ Ազգային բանկի քաղաքականությունն ու բարեհաջող արտաքին պայմանները բերեցին ռուբլու կուրսի կայունացմանը։ Տնտեսության ու հարկային ոլորտնրում դրական տեղաշարժերի ֆոնի վրա (ԱԱՀ-ի իջեցում 20 %-ից մինչև 18 %, շրջանառության հարկի իջեցում 4,5 %-ից մինչև 4,15 % և այլն) 2004 թվականի սկզբից մինչև 2008 թվականի վերջ բելառուսական ռուբլու կուրսն ԱՄՆ դոլլարի ու ռուսական ռուբլու համեմատությամբ մնում էր գրեթե անփոփոխ։ 2005 թվականի ընթացքում ուսումնասիրվում էր ազգային արժույթում բանկային դեպոզիտների մշտական աճը։ Ինֆլյացիայի տեմպը մի որոշ ժամանակ անընդհատ իջնում էր, այդպես, 2002 թվականին այն կազմում էր 34,8 %, 2003-ին՝ 25,4 %, 2004-իբ՝14,4 %, 2005-ին՝ 8,0 %, 2006-ին՝ 6,6 %: Տարադրամի պաշտոնական կուրսն ամբողջությամբ հավասարվել էր ստվերայինին, ինչի արդյունքում ստվերային արժութային շուկան գրեթե վերացավ։

2006 թվականի մարտի 16-ին ֆրանսիական BNP Paribas բանկը սկսեց միջբանկային շուկայում գնանշել բելառուսական ռուբլին ամերիկյան դոլարի համեմատությամբ։ Բանկը նշանակեց երկկորղմանի գնանիշ՝ այն գնում և վաճառում է բելառուսական ռուբլին ԱՄՆ դոլլարով։ Ազգային բանկի կառավարչի տեղակալ Վասիլի Մատյուշևսկին այս փաստը բավականին նշանակալի իրադարձություն է համարում.

Սա խոսում է այն մասին, որ համաշխարհային առաջատար ֆինանսական ինստիտուտները հետաքրքրությամբ են հետևում մեր ընդհանուր վարկային քաղաքականությանը, այդ թվում նաև բելառուսական ռուբլուն։ Հետաքրքրություն է առաջանում բելառուսական ռուբլու նկատմամբ, որպես կապիտալի ներդրման միջոց։

Բելառուսի հանրապետության Ազգային բանկի կառավարիչ Պյոտր Պրոկոպովիչի խոսքերով բելառուսական ռուբլին պետք է ամբողջությամբ կոնվերսիայի ենթարկելի պետք է դառնար 2010 թվականին։

2010 թվականի հունվարից ապրիլ ամիսների ինֆլյացիան 3,1 % էր (6,5 % էր 2009 թվականի նույն շրջանում)

2009 թվականի հունվարի 2-ից Բելառուսի Հանրապետության Ազգային բանկը անցում կատարեց բելառուսական ռուբլին արտասահմանյան արժույթների զամբյուղին կապելու մեխանիզմի, միաժամանակ այն դեվալվացնելով ԱՄՆ դոլլարի նկատմամբ։

Արտասահմանյան արժույթի գնման ընդհանուր ծավալի մաքուր չափը 2010 թվականի հունվարից մարտ ամիսների ռեզիդենտով կազմում է 1 միլիարդ 497,1 միլիոն ԱՄՆ դոլլար (տեսանելիորեն ավելի ՛ատ, քան 2009 թվականի նույն ժամանակաշրջանում՝ 955,4 միլիոն ԱՄՆ դոլար)։

2011 թվականի ֆինանսական ճգնաժամի արդյունքում մակրոտնտեսական չափորոշիչները վատթարացան. ինֆլյացիան հասավ 108,7%-ի, վերաֆինանսավորման դրույքը բարձրացավ 10%-ից մինչև 45% (տես ներքևում)։ Աշնանից սկսած ռուբլու կուրսը սկսեց որոշակիանալ բելառուսական արժութաֆոնդային բորսայի առքուվաճառի արդյունքների հիման վրա։ Բելառուսական ռուբլու կուրսը ԱՄՆ դոլլարի նկատմամբ իջավ 2010 թվականի դեկտեմբերի 31-ի 3000 ռուբլուց մինչև 2014 թվականի դեկտեմբերի 31-ի 11 900 ռուբլի (բնակչության կողմից տարադրամի գնման համար 20%-անոց վաճառակատարման հաշվարկով՝ 14 հազար ռուբլի)։

2014 թվականի դրությամբ ինֆլյացիան Բելառուսում կազմում է 16,2%

Ռուսաստանի հետ արժութային ինտեգրացման հարցը

Իր կառավարման սկզբից նախագահ Ալեքսանդր Լուկաշենկոն սկսեց ակտիվորեն գործել Ռուսաստանի Դաշնության հետ ինտեգրացման ուղղությամբ։ Սկզբնական շրջանում շրջանառվում էր անգամ ընդհանուր բելառուսառուսական դրամական միավորի ներմուծման հարցը։ 1999 թվականին ստորագրված «Միացյալ պետության ստեղծման մասին պայմանագրի» 13-րդ հոդվածում քննարկվում էր ընդհանուր տարադրամի ներմուծումը։ 2000 թվականի նոյեմբերի 30-ին Մինսկում Միջպետական համաձայնագիր ստորագրվեց Բելառուսի Հանրապետության ու Ռուսաստանի Դաշնության միջև ընդհանուր դրամական միավորի ներմուծման ու Միացյալ հանրապետության ընդհանուր էմիսիոն կենտրոնի ձևավորման մասին։ Այն նախատեսում էր, որ 2005 թվականի հունվարի 1-ից ընդհանուր տարադրամի դերը պետք է կատարի ռուսական ռուբլին, իսկ 2008 թվականի հունվարի 1-ից պետք է ներմուծվի Միացյալ հանրապետության ընդհանուր դրամը։ Այդ կենտրոնի տեղակայման մասին երկարատև քննարկումնեիր էին կատարվում. տեղակայել Մոսկվայու՞մ, Մինսկու՞մ, թե՞ ինչ-որ երրորդ քաղաքում։

2005 թվականի սեպտեմբերին Միացյալ Հանրապետության Խորհրդի հանդիպումից հետո Ռուսաստանի վարչապետ Միխաիլ Ֆրադկովը լրագրողներին հայտարարեց, որ Ռուսաստանն ու Բելառուսը դեռ պատրաստ չեն 2006 թվականից գործածության մեջ դնեմ ընդհանուր դրամական միավորը և չեն կարող նոր ժամկետներ ասել, քանի դեռ չկան բոլոր տնտեսական պայմանները այդ որոշման համար, մասնավորապես, էմիսիոն կենտրոնի վերաբերյալ հարցերի լուծումն ու երկու երկրներում տնտեսական նույն մակարդակի ստեղծումը։ Ֆրադկովը նշեց.

հարցն օրակարգից չի հանվում, այն դեռ ակտուալ է, ավելին, առաջանում է համակարգվածության ու խնդիրների լուծման անհրաժեշտություն, ինչը պայմաններ կստեղծի այն բանի համար, որ ընդհանուր դրամական միավորը հարմար և ձեռնտու լինի թե՛ Ռուսաստանի, թե՛ Բելառուսի, թե՛ Միացյալ հանրապետության համար միաժամանակ

Այժմ ռուսական ռուբլին ընդունված չէ Բելառուսում, որպես դրամական միավոր։ Փորձագետները փորձում են հասկանալ, թե կլինի արդյոք այդ փոփոխությունը մոտ ապագայում, և եթե այո, ապա երբ։

Ոսկեարժութային ռեզերվներ

Ըստ ԱՄՀի մեթոդաբանության Բելառուսի համաշխարհային պահեստային ակտիվները 2004 թվականի դրությամբ բարձրացել են 54,4 % և 2005 թվականի հունվարի մեկին կազմել են $ 770,2 միլիոն։ 2004 թվականին ոսկեարժութային ռեզերվները ազգային որմամբ բարձրացել են 17,1 % մինչև $ 1,047 մլրդ։ 2006 թվականի հունվարի 1-ի դրությամբ Բելառուսի միջազգային պահեստային արխիվների ընդհանուր ծավալը ըստ ԱՄՀ-ի հատուկ ստանդարտների տվյալների կազմում էր $ 1296,5 միլիոն։ Ազգային բանկի համախառն ակտիվները տարադրամով, թանկարժեքմետաղներով ու քարերով կազմում է $ 1629,6 միլիոն, մեկ տարվա մեջ ավելանալով $ 449,7 միլիոն-ով։ Երկրի ոսկու պահուստը կազմում էր 25,02 տոննա (արժութային համարժեքը՝ $ 412,7 միլիոն)։ Բելառուսի միջազգային ռեզերվային ակտիվները՝ հաշվարկված ԱՄՀ-ի մեթոդներով, 2007 թվականի դեկտեմբերի դրությամբ կազմում էր $ 4182,2 միլիոն, տարվա սկզբից ավելանալով 202,4 %։ Բելառուսի միջազգային ռեզերվային ակտիվներն ըստ ազգային որոշման $ 4997,6 միլիոն էին, տարվա սկզբից ավելանալով 185 %։ 2008 թվականի մարտի 1-ի դրությամբ Բելառուսի միջազգային պահեստային արխիվները՝ հաշվարկված ԱՄՀ-ի մեթոդներով, կազմում էին $ 4 միլիարդ 352,9 միլիոն, տարվա սկզբից ավելանալով 4,1 %։ Միջազգային ռեզերվային ակտիվներն ըստ ազգային որոշման յադ շրջանում ավելացել էին 9,1 %, մինչև $ 5 միլիարդ 446,6 միլիոն։ 2015 թվականի հունվարի 1-ին միջազգային ռեզերվները 5 059 միլիոն USD էին։

Բելառուսի հանրապետության պահեստային ակտիվները՝ հաշվարկված ԱՄՀ-ի մեթոդաբանությամբ յուրաքանչոյուր տարվա հունվարի մեկին (միլիոն USD-ով).

2011 թվականի հոկտեմբերի 20-ին Ազգային բանկի կառավարչի ներկայացուցիչ Նադյեժդա Երմակովան հայտնել է, որ Ազգային բանկի ոսկեարժությաին ռեզերվների 74 %-ը (3,5-ը 4,7 միլիարդ դոլարից) ՍՎՈՓ-ի գործարքների համար բանկերի պարտքերն են։ Այդ դեպքում իրական ոսկեարժութային պահուստները կազմում են ընդամենը 1,2 միլիարդ դոլար

2013 թվականի հունվարի 1-ի տվյալներով Բելառուսի Ազգային բանկի ոսկու պաշարը աճել է մինչև 1,6 տ 2012 թվականի ընթացքում, և կազմում է 33,3 տոննա.

2015 թվականի հունվար

Բելառուսական ռուբլու կուրսի տատանումներն ԱՄՆ դոլլարի նկատմամբ 1995-2014 թվականներին (բոլոր թվերը տրված են յուրաքանչյուր տարվա դեկտեմբերի 31-ի դրությամբ; մինչև 1999 թվականի տվյալները ներկայացված են դենոմինացիան հաշվի առնելով), ինչպես նաև 2015 թվականի հունվարի 31-ին։

Մետաղադրամներ

Հիմնական հոդված՝ Բելառուսի Հանրապետության հուշամետաղադրամներ

Ի սկզբանե Բելառուսի Ազգային բանկը մետաղադրամների թողարկումն իրականացնում էր միջազգային մետաղադրամների ծրագրի շրջանակներում, միաժամանակ ջանքեր գործադրելով ներքին շուկայում հուշամետաղադրամների ակտիվացման համար։ Սկսած 2002 թվականից, որն այդ առումով բեկումնային էր, բելառուսական մետաղադրամների վաճառքը տարեցտարի ավելանում էր գրեթե կրկնակի։ Պահանջարկի մեծանալը հնարավորություն էր տալիս մեծացնել թողարկվող մետաղադրամների անվանական արժեքները։ Այսպես, եթե մինչև 2004 թվականը միջինում թողարկվում էր 3-7 անուն, ապա 2004-ին՝ 12, 2005-ին՝ 18, 2006-ին՝ 20, 2007-ին՝ 15, 2008-ին՝ 20, 2009-ին՝ 26, 2010-ին՝ 33, 2011-ին՝ 36:

Դրամահատարաններ

Բելկառուսում չկա սեփական դրամահատարան, ինչի պատճառով Ազգային բանկը ստիպված է իր պատվերները կատարել այլ պետություններում։ Առաջին մետաղադրամի թողարկումից մինչև 2011 թվականի սկզբներ Բելառուսական մետաղադրամները հատվում էին 13 տարբեր դրամահատարաններում, որոնք տեղակայված էին 10 եվրոպական պետություններում։ Առավել ակտիվ համագործակցություն կա Լեհաստանի, Լիտվայի, Գերմանիայի և Ղազախստանի դրամահատարանների հետ։

Թղթադրամներ

1992-1999 թվականների թղթադրամներ

1992-1999 թվականների սերիա [1] Արխիվացված 2011-10-19 Wayback Machine
Թվական	Պատկեր		Անվանական գին	Չափեր (մմ)	Հիմնական գույներ	Նկարագրություն		Թողարկամ ամսաթիվ	Վերացման ամսաթիվ
	Դիմերես	Դարձերես				Դիմերես	Դարձերես
1992			50 կոպեկ	105×53	վարդագույն կարմիր	Սկյուռի պատկեր	պետական զինանշանը	25 մայիսի 1992	1 հունվարի 2001
			1 ռուբլի		կապտականաչավուն երկնագույն	Վազող նապաստակի նկար
			3 ռուբլի		կանաչ նարնջագույն	Կուղբի նկար
			5 ռուբլի		կապույտ վարդագույն	Գայլի նկար
			10 ռուբլի		կանաչ նարնջագույն	լուսանի նկար՝ ձագի հետ
			25 ռուբլի		կարմիր շագանակագույն	Որմզդեղնի նկար
			50 ռուբլի		մանուշակագույն վարդագույն	Բարիբալ արջի նկար
			100 ռուբլի		շագանակագույն դարչնագույն	Զուբրի նկար
			200 ռուբլի		երկնագույն շագանակագույն	Կայարանամերձ հրապարակը Մինսկում		8 դեկտեմբերի 1992
			500 ռուբլի		մանուշակագույն	Հաղթանակի հրապարակը Մինսկում
			1000 ռուբլի		կանաչ կապույտ վարդագույն	Բելառուսի գիտությունների ազգային ակադեմիա		3 նոյեմբերի 1993
1998				110×60			«1000» թվի մեծ պատկեր	16 սեպտեմբերի 1998
1992			5000 ռուբլի	105×60	վարդագույն եղրևանեգույն	Տրոիցկի արվարձանը Մինսկում	պետական զինանշանը	7 ապրիլի 1994
1998				110×60			«5000» թվի մեծ պատկեր	16 սեպտեմբեր 1998
1994			20 000 ռուբլի	150×69	նարնջագույն կանաչ	Բելառուսի Հանրապետության Ազգային բակ	պետական զինանշանը	28 դեկտեմբերի 1994
1995			50 000 ռուբլի		դեղին շագանակագույն	Բրեստյան ամրոցի բլրայի դարպասներ	«Բրեստյան ամրոց»-ի հուշագիր	15 սեպտեմբերի 1995
1996			100 000 ռուբլի		մոխրագույն	Բելառուսի Հանրապետությանօպերայի և բալետի Ազգային ակադեմիական թատրոն	տեսարան «Выбранніца» («Ընտրյալ կին») բալետից, Եվգենի Գլեբով	17 հոկտեմբերի 1996
1998			500 000 ռուբլի		կարմիր	Արհմիությունների արվեստի հանրապետական դահլիճը Մինսկում	շենքի շրջակայքի արձաններ	1 դեկտեմբերի 1998
1999			1 000 000 ռուբլի		երկնագույն	Բելառուսի ազգային արվեստի թանգարան	Ի. Խրուցկու «Կնոջ նկարը ծաղիկների ու մրգերի հետ» կտավի հատված	30 ապրիլի 1999
			5 000 000 ռուբլի		մանուշակագույն	Սպորտի պալատը Մինսկում	«Раубичи» սպորտային համալիր	6 սեպտեմբերի 1999
Նկարների մասշտաբը՝ 1,0 փիքսել մեկ միլիմետրին

2000 թվականի թղթադրամներ

2000 թվականի սերիա [2] Արխիվացված 2011-02-06 Wayback Machine
Նկարը		Անվանական գին (ռուբլի)	Չափերը (մմ)	Հիմնական գույներ	Նկարագրություն		Թողարկման ամսաթիվ	Վերացման ամսաթիվ
Դիմերես	Դարձերես				Դիմերես	Դարձերես
		1	110×60	կանաչ	Բելառուսի գիտությունների ազգային ակադեմիա	թվի մեծ պատկեր՝ «1»	1 հունվարի 2000	1 հունվարի 2004
		5		վարդագույն	Տրոիցկի արվարձանը Մինսկում	թվի մեծ պատկեր՝ «5»		1 հուլիսի 2005
		10		մանուշակագույն	Բելառուսի Հանրապետության Ազգային գրադարանի հին շենքը	թվի մեծ պատկեր՝ «10»		1 մարտի 2013
		20	150×69	բաց շագանակագույն	Բելառուսի Հանրապետության Ազգային բանկ	Բելառուսի Հանրապետության Ազգային բանկ
		50		կարմիր	Բլրային դարպասները	«Բրեստյան ամրոց»ի հուշատախտակը		1 հուլիսի 2015
		100		կանաչ	Բելառուսի Հանրապետությանօպերայի և բալետի Ազգային ակադեմիական թատրոն	տեսարան «Выбранніца» («Ընտրյալ կին») բալետից, Եվգենի Գլեբով
		500	150×74	շագանակագույն	Արհմիությունների արվեստի հանրապետական դահլիճը Մինսկում	շենքի շրջակայքի արձաններ
		1000		երկնագույն	Բելառուսի ազգային արվեստի թանգարան	Ի. Խրուցկու «Կնոջ նկարը ծաղիկների ու մրգերի հետ» կտավի հատված (1838)
		5000		մանուշակագույն	Մինսկի սպորտի պալատ	«Раубичи» սպորտային համալիր
		10 000		վարդագույն	Վիտեբսկի պանորաման	Վիտեբսկի ամառային ամֆիթատրոնը	16 ապրիլի 2001
		20 000		դեղնականաչ	Ռումյանցեվ-Պասկևիչների պալատը Գոմելում	Գոլմելի ամրոցը	21 հունվարի 2002
		50 000		երկնագույն	Միրյան պալատը (Գրոդնոյի մարզ)	դղյակի դեկորատիվ հատվածների կոլաժ	20 դեկտեմբերի 2002
		100 000		նարնջագույն	Նեսվիժկյան պալատ	Նապոլեոն Օրդայի կտավը՝ «Նեսվիժկյան պալատ»	15 հուլիսի 2005
		200 000		կանաչ նարնջագույն	Մասլենիկովի անվան գեղարվեստի թնագարան	թանգարանի դեկորատիվ հատվածների կոլաժ	12 մարտի 2012
Նկարների մասշտաբը՝ 1,0 փիքսել մեկ միլիմետրին

2000 թվականի թղթադրամներ (2010 թվականի մոդիֆիկացիա)

2010 թվականի սերիա
Պատկերը		Անվանական գին (ռուբլի)	Չափերը (մմ)	Հիմնական գույնը	Նկարագրությունը		Թողարկման ամսաթիվ	Վերացման ամսաթիվ
Դիմերես	Դարձերես				Դիմերես	Դարձերես
		50	150×69	կարմիր	բլրային դարպասներ	«Բրեստյան պալատ»-ի հուշատախտակ	29 դեկտեմբերի 2010	1 հուլիսի 2015
		50 000	150×74	երկնագույն	Միրյան պալատը (Գրոդնոյի մարզ)	դեկորատիվ հատվածների կոլաժ
Նկարների մասշտաբը՝ 1,0 փիքսել մեկ միլիմետրին

2000 թվականի թղթադրամներ (2011 թվականի մոդիֆիկացիա)

2011 թվականի սերիա
Պատկերը		Անվանական գին (ռուբլի)	Չափերը (մմ)	Հիմնական գույնը	Նկարագրությունը		Թողարկման ամսաթիվ	Վերացման ամսաթիվ
Դիմերես	Դարձերես				Դիմերես	Դարձերես
		100	150×69	կանաչ	Բելառուսի Հանրապետության օպերայի և բալետի Ազգային ակադեմիական թատրոն	տեսարան «Выбранніца» («Ընտրյալ կին») բալետից, Եվգենի Գլեբով	5 սեպտեմբերի 2011
		500	150×74	շագանակագույն	Արհմիությունների արվեստի հանրապետական դահլիճը Մինսկում	շենքի շրջակայքի արձաններ	15 մարտի 2011
		1000		երկնագույն	Բելառուսի ազգային արվեստի թանգարան	Ի. Խրուցկու «Կնոջ նկարը ծաղիկների ու մրգերի հետ» կտավի հատված (1838)
		5000		մանուշակագույն	Մինսկի սպորտի պալատ	«Раубичи» սպորտային համալիր	25 հուլիսի 2011
		10 000		վարդագույն	Վիտեբսկի պանորաման	Վիտեբսկի ամառային ամֆիթատրոնը	15 մարտի 2011
		20 000		դեղնականաչավուն	Ռումյանցեվ-Պասկևիչների պալատը Գոմելում	Ռումյանցեվ-Պասկևիչների պալատը Գոմելում
Նկարների մասշտաբը՝ 1,0 փիքսել մեկ միլիմետրին

Տես նաև

• Բելառուսական հուշամետաղադրամներ
• Բելառուսի տնտեսությունը
• Բելառուսական կտրովի կուպոն

Արտաքին հղումներ

• Բելառուսի հանրապետության Ազգային բանկ
• Բելառուսի Ազգային բանկի սահմանած ամենօրյա կուրսերը (արխիվը հասանելի է)
• Գների ինդեքսները տնտեսության տարբեր ոլորտների համար ՝ Բելառուսի հանրապետության վիճակագրության ու վերշուծության նախարարություն
• Բելատուսական բոնիստիկա
• Թղթադրամներ

Վիքիպահեստն ունի նյութեր, որոնք վերաբերում են «Բելառուսական ռուբլի» հոդվածին։