Բեատրիս Գալինդո

Վիքիպեդիայից՝ ազատ հանրագիտարանից
Jump to navigation Jump to search
Բեատրիս Գալինդո
Beatriz Galindo.jpg
Ծնվել էմոտ. 1465
ԾննդավայրՍալամանկա, Կաստիլիա և Լեոն, Իսպանիա
Մահացել էնոյեմբերի 23, 1535[1]
Մահվան վայրՄադրիդ, Իսպանիա
ՔաղաքացիությունԻսպանիա
ԿրթությունՍալամանկայի համալսարան
Մասնագիտությունգրող և բժիշկ
ԱշխատավայրՍալամանկայի համալսարան
ԱմուսինFrancisco Ramírez de Madrid?
Beatriz Galindo Վիքիպահեստում

Բեատրիս Գալինդո (անգլ.՝ Beatriz Galindo, 1465? Սալամանկա – նոյեմբերի 23, 1534, Մադրիդ), իսպանացի լատինագետ, մանկավարժ, գրող, հումանիստ: Եղել է Կաստիլիայի թագուհի Իզաբելլա I-ի և նրա երեխաների ուսուցիչը, իր ժամանակի առավել կրթված կանանցից մեկը: Բեատրիս Գալինդոյի ծննդյան ամսաթվի հետ կապված անորոշություն կա. որոշ հեղինակներ այն համարում են 1464 կամ 1474 թվական: Բեատրիս Գալինդոն նաև հայտնի է որպես «Լա Լատինա»:

Կենսագրություն[խմբագրել | խմբագրել կոդը]

Բեատրիս Գալինդոյի արձանը Մադրիդում

Բեատրիս Գալինդոն ծնվել է սամորական ծագմամբ իդալգոական ընտանիքում, որը նախկինում եղել է հարուստ, սակայն Էնրիկե IV-ի մահից հետո ծագած քաղաքացիական պատերազմից հետո դարձել է կարիքավոր:

Ընտանիքի որոշմամբ քույրերից Բեատրիսը պետք է դառնար միանձնուհի, սակայն, քանի որ նա սիրում էր կարդալ, նրան թույլ տվեցին քերականություն ուսանել Սալամանկայի համալսարանի կախյալ հաստատություններից մեկում: Քանի որ Բեատրիս Գալինդոն լավ էր տիրապետում լատիներենին, ակադեմիական կարիերա սկսեց, երբ դեռ տասներկու տարեկան չկար: Ամենայն հավանականությամբ նա եղել է իսպանացի բանասեր, պատմաբան, ուսուցիչ, հումանիստ Անտոնիո դե Նեբրիխայի ուսանողը[2]:

«Նա Լատինա» մականունը ստացել է լատիներեն հմտությունների համար և նշանակվել է Կաստիլիայի թագուհի Իզաբելլա I-ի և նրա երեխաների ուսուցիչ[3]: Նա դասավանդել է Հենրի VIII-ի ապագա կնոջը՝ Եկատերինա Արագոնացուն և Ֆիլիպ I -ի ապագա կնոջը՝ Խուանա I-ին, որը հետագայում հայտնի դարձավ որպես Խուանա Մոլագա[4]:

Գրել է լատիներեն, հորինել բանաստեղծություններ և մեկնաբանություններ Արիստոտելի մասին[4]:

In December 1491 թվականի դեկտեմբերին ամուսանցել է Ֆրնասիսկո Ռամիրես Մադրիդցու հետ և ունեցել են հինգ երեխա: Բերատրիսն եղել է առաջին կանանցից, որոնք ակտիվ գործունեություն են ծավալել վերածննդի ժամանակ: Սովորություն է ունեցել կրելու միանձնուհու կամ մայրապետի հագուստ[3]: 1506 թվականին Մադրիդում հիմնել է Սուրբ Խաչ հիվանդանոցը (Santa Cruz de Madrid), որը դեռևս գոյություն ունի[3]:

Հիշատակ[խմբագրել | խմբագրել կոդը]

Մադրիդի այն թաղամասը, որտեղ Բեատրիսը մի ժամանակ ապրել է կոչվում է նրա մականունով՝ Լա Լատինա թաղամաս: Բեատրիսի պատվին հուշարձաններ են կանգնեցվել Սալամանկայում և Մադրիդում: Մադրիդի Գոյա փողոցի 10 հասցեում է գտնվում Բեատրիս Գալինդոյի անվան դպրոցը: Սալամանկայի նախակրթարանը և տարրական դպրոցը նույնպես կոչվում են նրա անունով:

Ծանոթագրություններ[խմբագրել | խմբագրել կոդը]

  1. Real Academia de la Historia Diccionario biográfico españolReal Academia de la Historia, 2011.
  2. Spanish Ministry of Education
  3. 3,0 3,1 3,2 The Biographical Dictionary of Women in Science
  4. 4,0 4,1 Women's History at About.com

Արտաքին հղումներ[խմբագրել | խմբագրել կոդը]