Բեատա Տիշկևիչ

Բեատա Տիշկևիչ լեհ.՝ Beata Tyszkiewicz
Ծնվել է	օգոստոսի 14, 1938(1938-08-14) (85 տարեկան)
Ծննդավայր	Վիլյանուվ, Varshavskij County, Վարշավայի վոյեվոդություն, Լեհաստանի Երկրորդ Հանրապետություն
Քաղաքացիություն	Լեհաստան
Մասնագիտություն	դերասանուհի և կինոդերասանուհի
Ծնողներ	հայր՝ Krzysztof Maria Tyszkiewicz?, մայր՝ Բարբարա Տիշկևիչ
Ամուսին(ներ)	Անջեյ Վայդա
Երեխա(ներ)	Վիկտորիա Պադլևսկա և Կարոլինա Վայդա
Պարգևներ և մրցանակներ	և

Բեատա Տիշկևիչ (լեհ.՝ Beata Maria Helena Tyszkiewicz-Kalenicka , օգոստոսի 14, 1938(1938-08-14), Վիլյանուվ, Varshavskij County, Վարշավայի վոյեվոդություն, Լեհաստանի Երկրորդ Հանրապետություն), լեհ հանրահայտ դերասանուհի։ Արժանացել է մի շարք մրցանակների ու պարգևների։

Կենսագրություն

Բեատա Տիշկևիչը ծնվել է ներկայումս Վարշավայի թաղամաս կազմող Վիլյանովում ` ազնվական ընտանիքում։ Նրա ծնողները ամուսնալուծվել են Երկրորդ համաշխարհային պատերազմի տարիներին և հայրը մեկնել է Անգլիա։ Առաջին անգամ Բեատան կինոյում նկարահանվել է 16 տարեկանում ` «Վրեժ» (1957 թ.) կինոնկարում։ 1960-ական թվականներին նկարահանվել է մի քանի ֆիլմերում, սակայն նրա հաջողությունը Ալեքսանդր Ֆորդի «Ազատության առաջին օրը» (1964 թ.) կինոնկարն էր։ Բեատան նկարահանվել է նաև Անջեյ Վայդայի «Սամսոն» (1961 թ.), «Մոխիր» (1965 թ.) և «Ամեն ինչ վաճառքի» (1968 թ.) կինոնկարներում։ Նա նկարահանվել է լեհական կինոյի ամենահայտնի ռեժիսորների ֆիլմերում։ 1970-ական թվականներին հիմնականում նկարահանվում էր արտասահմանում ` Հունգարիա, Բուլղարիա, ԳԴՀ, ԽՍՀՄ և այլն։

ԽՍՀՄ-ում Բեատան հայտնի դարձավ Անդրեյ Կոնչալովսկու «Ազնվականության բույնը» (1969 թ.) կինոնկարով։ Այդ տարիներին նա նկարահանվել է «Մարիսիան և Նապոլեոնը» (1966 թ.), «Տիկնիկ» (1968 թ.), «Կյանքից առավել թանկ» (1967-1968 թթ.), «Բալզակի մեծ սերը» (1973 թ.) և այլ ֆիլմերում։ Ֆրանսիայում ապրելու տարիներին նկարահանվել է Կլոդ Լելուշի «Էդիտն ու Մարսելը» (1983 թ.) կինոնկարում։

1980-ական թվականներին, վերադառնալով Լեհաստան, Բեատա Տիշկևիչը նկարահանվում էր հիմնականում երկրորդական դերերում։ Նա հանդես է եկել նաև «Նոր ամազոնուհիներ» («Սեքս առաքելություն» 1983 թ.), «Եվրոպական պատմություն» (1984 թ.), «Վա Բանկ 2» (1985 թ.), «Երկու լուսին» (1993 թ.), «44-ի օգոստոսին» (2001 թ.), «Նամակներ Մ-ին» (2011 թ.) և այլ ֆիլմերում։

Ներկայումս Բեատա Տիշկևիչը ապրում է ակտիվ հասարակական կյանքով։ Հաճախ ընդգրկվում է կինոփառատոնների ժյուրիի կազմում, զբաղվում է լուսանկարչությամբ, լեհական «Պարեր աստղերի հետ» մրցույթի ժյուրիի կազմում է։ 2006 թվականին, «Ոսկե դյուցազն» XV միջազգային կինոֆորումի շրջանակներում, Բեատա Տիշկևիչը պարգևատրվել է Սերգեյ Բոնդարչուկի անվան ոսկե մեդալով՝ համաշխարհային կինեմատոգրաֆում կատարած ներդրումների համար։

Անձնական կյանք

Բեատա Տիշկևիչը ամուսնացել է երեք անգամ ` ռեժիսոր Անջեյ Վայդայի, ռեժիսոր Վիտոլդ Օժեխովսկու և Յացեկ Պադլևսկու հետ։ Ունի երկու դուստր` դերասանուհիներ Կարոլինա Վայդան և Վիկտորիա Պադլևսկին։

Մասնակի ֆիլմագրություն

Թվական	Անվանում	Բնօրինակ անվանում	Կերպար
1956	Վրեժ	Zemsta	Կլարա
1959	Ընդհանուր սենյակ	Wspólny pokój	Թեոդոսիա
1960	Ապակյա սարը	Szklana góra	Յանկա
1961	Նախագահի այցերը	Odwiedziny prezydenta	Իգա` Յացեկի մայրը
1961	Այս գիշեր քաղաքը կկործանվի	Dziś w nocy umrze miasto	Մագդա
1961	Սամսոն	Samson	Ստասյա
1962	Ննջեցյալների հիշատակի օրը	Zaduszki	Կատարժինա
1962	Ուշացած անցորդներ	Spóźnieni przechodnie	-
1962	Սև թևեր	Czarne skrzydła	Զուզա
1962	Հարցազրույց Բալմեյերի հետ	Wywiad z Ballmeyerem	Ինգա
1963	Իրականում երեկ	Naprawdę wczoraj	Եվա
1963	Հրով կնքվածները	Skąpani w ogniu	Ռուտկա Հայդուկովնա
1964	Հանդիպում լրտեսի հետ	Spotkanie ze szpiegiem	Մարիա Պոլինսկա
1964	Ազատության առաջին օրը	Pierwszy dzień wolności	Ինգա Ռոդե
1964	Սարագոսայում գտնված ձեռագիրը	Rękopis znaleziony w Saragossie	դոննա Ռեբեկա Ուզեդա
1965	Մոխիր	Popioły	արքայադուստր Էլժբետա
1966	Սափրագլուխ մարդը	De man die zijn haar kort liet knippen	Ֆրան Վիրման
1966	Մարիսիան և Նապոլեոնը	Marysia i Napoleon	Մարիա Վալևսկա, Մարիսիա
1967	Կյանքից առավել թանկ	Stawka większa niż życie	Քրիստին Կելդ
1967	Կոմիսար Մեգրեի հետաքննությունը	Les enquêtes du commissaire Maigret	-
1967	Հաղթանակած սիրո երգը	Pieśń triumfującej miłości	Վալերիա
1968	Տիկնիկ	Lalka	Իզաբելլա Լենցկայա
1968	Ամեն ինչ վաճառքի	Wszystko na sprzedaż	Բեատա
1969	Ազնվականության բույնը	Дворянское гнездо	Վարվառա Պավլովնա
1970	Անմիտ գիշեր	Egy örült éjszaka	-
1970	Գեղեցիկ հունգարական կատակերգություն	Szép magyar komédia	Աննա
1970	Ժամանակի իշխանը	Książę sezonu	Սուսաննա
1973	Բալզակի մեծ սերը	Wielka miłość Balzaka	Էվելինա Հանսկա
1973	Ժամանակի պատուհանները	Az idö ablakai	Եվա
1974	Հարազատ խառնվածքներ	Die Wahlverwandtschaften	Շառլոտ
1975	Օրեր և գիշերներ	Noce i dnie	Ստեֆանիա Հոլշանսկա
1976	Լեհական ճանապարհներ	Polskie drogi	Մարիլա
1977	Պարող ճուռակը	Tańczący jastrząb	Վեսլավա
1979	Ճանապարհին	Útközben	Թերեզա
1980	Դոն Ժուան. Կառլ Լիբկնեխտի փողոց 78	Don Juan, Karl-Liebknecht-Straße 78	Բեատա Վեբեր
1980	Պայմանագիր	Kontrakt	Նինա
1980	Երկնքից փոքր	Mniejsze niebo	-
1982	Ինքնապաշտպանություն	W obronie własnej	Մարիա
1983	Էդիտն ու Մարսելը	Édith et Marcel	Մարգոյի մայրը
1983	Սեքս առաքելություն (Նոր ամազոնուհիներ)	Seksmisja	Բեռնա
1984	Լուիզիանա	Louisiana	-
1984	Սինթեզ	Synteza	տատիկ
1984	Եվրոպական պատմություն	Европейская история	Աննա Լոսեր
1984	Հինավուրց դաստակերտում կամ Եռանկյունիների անկախությունը	W starym dworku czyli niepodległość trójkątów	Անաստասիա Նիբեկովա
1984	Վա Բանկ 2 կամ Պատասխան հարված	Vabank II, czyli riposta	Ժվիրսկայա
1984	Արագացում	Przyspieszenie	Բեատա, Մարիսիա, Բասյա, ուսուցչուհի, մայր
1985	Փասիաններ որսալու ժամանակը	Sezon na bażanty	Իվոնա
1987	Կինգսայզ	Kingsajz	Լեդի
1988	Բեռնադետ	Bernadette	-
1988	Երկուսը	Deux	Մյուլլեր
1989	Ռոզամունդե	Rosamunde	-
1991	Շատ կարևոր անձնավորություն	V.I.P.	Ռոմանի մայրը
1992	Ձեռքի հպում	Dotknięcie ręki	Գելդա
1992	Փոքրիկ ապոկալիպսիս	La petite apocalypse	տիկին Պիտչիկ
1992	Հիասքանչ անծանոթուհին	Прекрасная незнакомка	տիկին
1993	Անպատիժ բռնակալը	Le violeur impuni	արքայադուստր
1993	Երկու լուսին	Dwa księżyce	Մինիստրովա
1993	Եվ դղյակում ուրախություն կգտնեմ	Dinozavris kvertskhi	Էվելինա
1994	Թաց գլխով պանին	Panna z mokra głową	-
1996	Գերմանացիները	Germans	-
1997	Կետի օրը	Dzień wielkiej ryby	Զոֆիա
1998	Դասալիքների ոսկին	Złoto dezerterów	կոմսուհի
2000	Սիրահարները	Zakochani	-
2001	44-ի օգոստոսին	В августе 44-го	պանի Գրոլինսկայա
2002	Պարադոքսների լիճը	Paradox Lake	ընտանեկան բժիշկ
2007	Լուսան	Rys	Ռեկա
2008	Մի ստիր, փոքրիկ	Nie kłam, kochanie	-
2008	Հիմա կամ երբեք	Teraz albo nigdy!	Եվա Վինիարսկա
2008	Դեռ երեկո չէ	Jeszcze nie wieczór	Ռոզա
2009	Փոխարինում	Zamiana	Էվելինա
2011	Նամակներ Մ-ին	Listy do M.	Մալինա
2014	Մարթայի գիծը	Линия Марты	Մարթա Լիպինսկայա

Ծանոթագրություններ

Վիքիպահեստն ունի նյութեր, որոնք վերաբերում են «Բեատա Տիշկևիչ» հոդվածին։