Բարբարա Քլեմ

Վիքիպեդիայից՝ ազատ հանրագիտարանից
Jump to navigation Jump to search
Բարբարա Քլեմ
գերմ.՝ Barbara Klemm
Max-beckmann-preis-2010-barbara-klemm-ffm-007.jpg
Ծնվել էդեկտեմբերի 27, 1939(1939-12-27)[1][2][3][4] (79 տարեկան)
ԾննդավայրՄյունստեր, Պրուսիա[1]
ՔաղաքացիությունFlag of Germany.svg Գերմանիա
Մասնագիտությունլուսանկարիչ և համալսարանի պրոֆեսոր
ԱշխատավայրDarmstadt University of Applied Sciences?
Պարգևներ և
մրցանակներ
Արվեստի և գիտության ոլորտում ունեցած վաստակի շքանշան Մաքս Բեքմանի մրցանակ Դոկտոր Էրիխ Զալոմոնի անվան մրցանակ և Maria Sibylla Merian-Preis?
ԱնդամությունԲեռլինի գեղարվեստի ակադեմիա
Barbara Klemm Վիքիպահեստում

Բարբարա Քլեմ (գերմ.՝ Barbara Klemm,դեկտեմբերի 27, 1939(1939-12-27)[1][2][3][4], Մյունստեր, Պրուսիա[1]), գերմանացի ֆոտոլրագրող: Շուրջ 45 տարի աշխատել է Frankfurter Allgemeine Zeitungթերթում[5]: Լուսաբանել է գերմանական պատմության կարևորագույն իրադարձություններից շատերը[6], արժանացել է մրցանակների, այդ թվում՝ Արժանիքների շքանշանի, եղել Բեռլինի գեղարվեստի ակադեմիայի անդամ: Բարբարա Քլեմը ներառվել է Լեյկա փառքի ծառուղում որպես «լրագրողական լուսանկարչության շարժիչ ուժ» և որպես «օրինակելի լուսանկարիչ»[7]:

Կենսագրություն[խմբագրել | խմբագրել կոդը]

Բարբարա Քլեմը ծնվել է Մյունստերում, մեծացել է Կարլսրուեում[8]: Հայրը՝ Ֆրից Քլեմը, եղել է նկարիչ և Կարլսրուե գեղարվեստի պետական ակադեմիայի պրոֆեսոր:

"Max-Beckmann-Preis" մրցանակաբաշխության արարողություն, 2010 թ.

1959 թվականին տեղափոխվել է Ֆրանկֆուրտ և մինչև 2004 թվական աշխատել Frankfurter Allgemeine Zeitung-ում: Որպես ֆոտոլրագրող լուսանկարել է իրադարձությունները, ներառյալ Ֆրանկֆուրտի 1969 թվականի ուսանողական խռովությունները, 1983 թվականին Հայնրիխ Բյոլի միջուկային զենքի դեմ բողոքները, 1969 թվականին հեղափոխության տասներորդ տարեդարձի առթիվ Կուբայում տեղի ունեցած տոնակատարությունները, 1975 թվականի ապրիլի 25-ին Պորտուգալիայում կայացած առաջին ժողովրդավարական ընտրությունները և 1989 թվականին Բեռլինի պատի անկումը[5]:

Լուսանկարել է բազմաթիվ հայտնի մարդկանց, այդ թվում` Միք Ջագերին, Թոմ Ուեյթսին, Կլաուդիո Աբադոյին, Սայմոն Ռեթլին, Դյորդ Լիգետիին, Էնդի Ուորհոլին և Ռայներ Վերներ Ֆասբինդերին[6]: Նրա հայտնի լուսանկարներից է 1979 թվականին արված նկարը, որտեղ խորհրդային առաջնորդ Լեոնիդ Բրեժնևը համբուրում է Արևելյան Գերմանիայի առաջնորդ Էրիխ Հոնեկերին[5]: Գործունեության ընթացքում հետևողականորեն օգտագործում է սև և սպիտակ անալոգային (ֆիլմ) լուսանկարչություն, որը բնորոշ է առանձին լուսանկարներին, այլ ոչ թե շարքի[8]:

Ցուցահադեսներ[խմբագրել | խմբագրել կոդը]

  • Բարբարա Քլեմ: Լուսանկարներ: 1968 – 2013, Մարտին Գրոպիուս Բաու, Բեռլին, 2013-2014[5]

Կոչումներ, մրցանակներ[խմբագրել | խմբագրել կոդը]

Բեռլինի գեղարվեստի ակադեմիայի անդամ[9], Դարմշտադտի կիրառական գիտությունների համալսարանի պատվավոր պրոֆեսոր: 1989 թվականին արժանացել է Էրիխ Զալոմոնի անվան մրցանակի, 2010 թվականին՝ Արժանիքների շքանշանի և 2012 թվականին՝ Լեյկա փառքի ծառուղու մրցանակի:

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 German National Library, Berlin State Library, Bavarian State Library et al. Record #118815881 // Gemeinsame Normdatei — 2012—2016.
  2. 2,0 2,1 Barbara Klemm
  3. 3,0 3,1 filmportal.de — 2005.
  4. 4,0 4,1 Munzinger-Archiv — 1913.
  5. 5,0 5,1 5,2 5,3 «Inadvertent art»։ The Economist։ Nov 21, 2013։ Վերցված է 12 December 2013 
  6. 6,0 6,1 Walde Gabriela (15 Nov 2013)։ «Barbara Klemm schuf ein Geschichtsbuch Deutschlands»։ Berliner Morgenpost։ Վերցված է 12 December 2013 
  7. «Barbara Klemm: Second winner of Leica hall of fame award»։ Leica UK website։ Արխիվացված է օրիգինալից 4 July 2013-ին։ Վերցված է 12 December 2013 
  8. 8,0 8,1 «Barbara Klemm im Martin-Gropius-Bau»։ Vogue (Germany)։ 19 November 2013։ Վերցված է 12 December 2013 
  9. «List of fellows»։ Academy of Arts, Berlin։ Վերցված է 12 December 2013 

Արտաքին հղումներ[խմբագրել | խմբագրել կոդը]