Բարբարա Հեփուորտ

Վիքիպեդիայից՝ ազատ հանրագիտարանից
Jump to navigation Jump to search
Բարբարա Հեփուորտ
անգլ.՝ Barbara Hepworth
Barbara Hepworth (1966) by Erling Mandelmann.jpg
Ծնվել էհունվարի 10, 1903(1903-01-10)[1][2][3][4][5][6][7][8][9]
ԾննդավայրՈւեյքֆիլդ[1][10]
Մահացել էմայիսի 20, 1975(1975-05-20)[1][2][3][4][5][6][7][8][9] (72 տարեկանում)
Մահվան վայրSt Ives, Cornwall, Կոռնուոլ, Հարավարևմտյան Անգլիա, Անգլիա, Միացյալ Թագավորություն[11][12]
ՔաղաքացիությունFlag of the United Kingdom.svg Միացյալ Թագավորություն
ԿրթությունԱրվեստի արքայական քոլեջ, Լիդսի արվեստի քոլեջ և Wakefield Girls High School
ԵրկերConversations with Magic Stones, Figure Three, Elegy III և Sea Form
Մասնագիտությունքանդակագործ և նկարչուհի
ԱմուսինBen Nicholson
Պարգևներ և
մրցանակներ
Բրիտանական կայսրության կին կոմանդոր շքանշան և Բրիտանական կայսրության շքանշանի կոմանդոր
Կայքbarbarahepworth.org.uk
Barbara Hepworth Վիքիպահեստում

Բարբարա Հեփուորտ (անգլ.՝ Barbara Hepworth; հունվարի 10, 1903(1903-01-10)[1][2][3][4][5][6][7][8][9], Ուեյքֆիլդ[1][10] - մայիսի 20, 1975(1975-05-20)[1][2][3][4][5][6][7][8][9], St Ives, Cornwall, Կոռնուոլ, Հարավարևմտյան Անգլիա, Անգլիա, Միացյալ Թագավորություն[11][12]), 20-րդ դարի անգլիացի քանդակագործ, աբստրակցիոնիստ:

Կենսագրություն[խմբագրել | խմբագրել կոդը]

Բարբարան ծնվել է 1903 թվականի հունվարի 10-ին, Արևմտյան Յորքշիրի Ուեյքֆիլդ քաղաքում: Ուսանել է Լիդսում` գեղարվեստի յորքշիրյան դպրոցում, որտեղ ծանոթացել ու մտերմացել է Հենրի Մուրի հետ, այնուհետև ուսումը շարունակել է Լոնդոնի Արվեստների թագավորական քոլեջում (1920—1923): 1931 թվականին ամուսնացել է քանդակագործ Բեն Նիկոլսոնի հետ, և ամուսիններով` երկուսն էլ հարել են Աբստրակցիա – Ստեղծագործություն խմբակին:

Բ. Հեփուորտը զոհվել է իր հրդեհված արվեստանոցում, որը վերականգնումից հետո վերածվել է նրա կենսագրության ու ստեղծագործության ցուցադրությանը նվիրված թանգարանի:

Ստեղծագործություններ[խմբագրել | խմբագրել կոդը]

Բարբարան քանդակել է` քարերն ու փայտանյութը մշակելով լիովին ինքնուրույն կերպով, առանց մոդելներ ու ընդօրինակողներ օգտագործելու: Ստեղծագործության վաղ շրջանում նա մերձեցել է խորհրդապաշտությանը (սիմվոլիզմին), 1920—1930-ական թվականների սահմանագծին անցում է կատարել մաքուր աբստրակցիային` կրելով, մասնավորապես, Բրանկուզիի ու Նաում Գաբոյի ազդեցությունը: Նա մշակել է այսպես կոչված` «ողորկ ձևի (ֆորմայի)» սկզբունքը` միաժամանակ պահպանելով իր հորինած կենսաձևային ու բյուրեղային նմուշակերպերի կապը բնական ռիթմերի հետ: 1950-ական թվականներից սկսած` Հեփուորտը շատ է աշխատել բրոնզով: Ընդ որում` նա այդ նյութն օգտագործել է ծառի կեղևի, արմատների, քարի գեղարվեստորեն վերարտադրման նպատակներով («Ֆիգուր` բնանկարի համար», բրոնզ, բարձրությունը` 261,5, 1960 թ., Բարբարա Հեփուորտի տուն-թանգարան, Սենթ Այվզ, Կորնուոլ. «Ֆորմա-ժայռ (Պորտկուրնո)», բրոնզ, բարձրությունը` 244, 1964 թ., Կորնուոլ կոմսության խորհուրդ, Սենթ Այվզ): Հեփուորտի բազմաթիվ ստեղծագործություններ որպես հուշարձաններ` կանգնեցված են Լոնդոնի, Քեմբրիջի, Վիչեսթերի և այլ քաղաքների հրապարակներում ու զբոսայգիներում: Նա իր տաղանդը դրսևորել է նաև գրքերի նկարազարդման բնագավառում, մասնավորապես` պատկերազարդել է Քեթլին Ռայնի բանաստեղծությունների ժողովածուն:

Հեփուորտի ստեղծագործական վերջին շրջանի աշխատանքների մեջ առանձնանում են հատկապես երկու գործ, որոնցում քանդակագործուհին անդրադարձ է կատարել կրոնական թեմատիկային: Խոսքը վերաբերում է «Խաչելությանը» (1966 թ.) և «Մարդու ընտանիքը» արձանախմբին (1970 թ.):

Համբավ[խմբագրել | խմբագրել կոդը]

Բարբարա Հեփուորտը 1959 թվականին արժանացել է Սան Պաուլուի բիենալեի մեծ մրցանակին (գրան պրիի),1968-ին` Սեյնթ Այվզի «Ազատություն» մրցանակի` ի նշան գնահատանքի այդ քաղաքի զարգացման գործում նրա ներդրած ավանդի: Նրան գիտամանկավարժական բարձր ու պատվավոր կոչումներ են շնորհել Բիրմինգհեմի, Լիդսի, Էքսետերի, Օքսֆորդի, Լոնդոնի, Մանչեստերի համալսարանները: 1973 թվականին Բարբարա Հեփուորտը ընտրվել է Արվեստների և գրականության ամերիկյան ակադեմիայի պատվավոր անդամ:

Քանդակագործուհին երկու անգամ` 1958 և 1965 թվականներին արժանացել է բարձրագույն պարգևի` «Բրիտանական կայսրություն» շքանշանի:

1961 թվականին Բարբարա Հեփուորտը պատվեր է ստացել` ստեղծելու մի արձան ի հիշատակ Միավորված ազգերի կազմակերպության երկրորդ գլխավոր քարտուղար Դագ Համմերշյոլդի: Կին արվեստագետի քանդակած «Միայնակ ֆորմա» հուշարձանը 1964 թվականին տեղադրվել է Նյու Յորքում` ՄԱԿ-ի շենքի առջև, իսկ դրա փոքրացված կրկնօրինակը` լոնդոնյան Բաթերսի պարկում:

Սեյնթ Այվզում գտնվող տուն-թանգարանից զատ` 2011 թվականին անվանի քանդակագործուհուն նվիրված ևս մեկ թանգարան է հիմնվել նրա հայրենի օրրանում` Ուեյքֆիլդ քաղաքում (ճարտարապետ Դեյվիդ Չիփերֆիլդի նախագծով)[13]:

2015 թվականի հունվարին հայտարարվեց, որ բրիտանական Թեյտ պատկերասրահը պատրաստվում է Լոնդոնում կազմակերպելու համբավավոր կին արվեստագետի աշխատանքների ամենամեծ ցուցադրությունը 1968 թվականից ի վեր: Նախատեսված էր ներկայացնել ավելի քան 70 ամենահայտնի աշխատանքները, ինչպես նաև` մինչ այդ չցուցադրված լուսանկարներ քանդակագործուհու արխիվից[14]:

Պատկերասրահ[խմբագրել | խմբագրել կոդը]

Գրականություն[խմբագրել | խմբագրել կոդը]

  • Read H. E. A concise history of modern sculpture. — , 1964.
  • Hammacher A. M. Barbara Hepworth. — , 1987.
  • Hepworth B. Sculpture // Art in theory, 1900—1990. — , 1999. — P. 374—377.
  • Barbara Hepworth centenary / Chris Stephens, Simon Armitage, eds. — : Tate Pub., 2003.
  • Котломанов А. О. Барбара Хепворт, Dame Barbara // Новый мир искусства. 2003. № 3 (32). — С. 15—17.

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 1,5 1,6 1,7 German National Library, Berlin State Library, Bavarian State Library et al. Record #118549405 // Gemeinsame Normdatei — 2012—2016.
  2. 2,0 2,1 2,2 2,3 2,4 data.bnf.fr: տվյալների բաց շտեմարան — 2011.
  3. 3,0 3,1 3,2 3,3 3,4 Barbara Hepworth
  4. 4,0 4,1 4,2 4,3 4,4 Barbara Hepworth — 2008.
  5. 5,0 5,1 5,2 5,3 5,4 Barbara Hepworth — 2006. — ISBN 978-0-19-977378-7, 978-0-19-989991-3
  6. 6,0 6,1 6,2 6,3 6,4 SNAC — 2010.
  7. 7,0 7,1 7,2 7,3 7,4 Find A Grave — 1995. — ed. size: 165000000
  8. 8,0 8,1 8,2 8,3 8,4 Discogs — 2000.
  9. 9,0 9,1 9,2 9,3 9,4 Mapping the Practice and Profession of Sculpture in Britain and Ireland 1851–1951
  10. 10,0 10,1 10,2 http://www.bbc.co.uk/bradford/culture/words/hepworth_exhibition.shtml
  11. 11,0 11,1 11,2 http://www.telegraph.co.uk/culture/art/8541913/Hepworth-Wakefield-a-worthy-homecoming-for-Barbara.html
  12. 12,0 12,1 12,2 http://www.tate.org.uk/whats-on/tate-st-ives/exhibition/tate-st-ives-summer-2013/tate-st-ives-summer-2013-barbara-hepworth
  13. «Our gallery»։ hepworthwakefield.org։ The Hepworth Wakefield։ Արխիվացված օրիգինալից-ից 28 January 2016-ին։ Վերցված է 11 February 2016 
  14. Mark Brown։ «Tate Britain brings Barbara Hepworth out of the shadows and back in focus»։ The Guardian։ Վերցված է 23 January 2015 
  15. «Corinthos 1954–5»։ UK: Tate Gallery։ Վերցված է 5 August 2015 

Արտաքին հղումներ[խմբագրել | խմբագրել կոդը]

Wikiquote-logo-hy.svg
Վիքիքաղվածքն ունի քաղվածքների հավաքածու, որոնք վերաբերում են