Բաշկա Վոդա
Այս հոդվածը Խորվաթիայի Սպլիտսկո Դալմատինսկա երկրամասի Բաշկա Վոդա գյուղի մասին է։ Անվան այլ կիրառումների համար տե՛ս նաև Բաշկա (այլ կիրառումներ)
| Գյուղ | ||
|---|---|---|
| Բաշկա Վոդա | ||
| խորվ.՝ Baška Voda | ||
 Բաշկա Վոդայի նավահանգիստը | ||
| Երկիր |  Խորվաթիա | |
| Ժուպանություն | Սպլիտսկո Դալմատինսկա | |
| Համայնք | Սպլիտսկո Դալմատինսկա | |
| Մակերես | 19 կմ² | |
| ԲԾՄ | 0 մետր | |
| Խոսվող լեզուներ | Խորվաթերեն | |
| Բնակչություն | 2,775 մարդ (2011) | |
| Ժամային գոտի | UTC+1, ամառը UTC+2 | |
| Փոստային դասիչ | 21320[1] | |
| Պաշտոնական կայք | պաշտոնական կայք | |
| ||
Բաշկա Վոդա (խորվ.՝ Baška Voda, արտասանություն: [bâʃkaː vɔ̌da]) կամ Պորտո Բեստոնիո (իտալ.՝ Porto Bestonio), առողջարանային և զբոսաշրջային գյուղ Խորվաթիայի հարավում՝ Սպլիտսկո Դալմատինսկայի ժուպանությունում[2]։
Փոքրիկ այս գյուղը գտնվում է Խորվաթիա ժամանած զբոսաշրջիկների ուշադրության կենտրոնում։
Աշխարհագրություն
[խմբագրել | խմբագրել կոդը]Բաշկա Վոդա գյուղը գտնվում է Բալկանյան թերակղզու վրա գտնվող Խորվաթիա պետության հարավային նեղ անդրծովյան հատվածում՝ Դալմաթիայի պատմական երկրամասում։ Բնակավայրի ափերը ողողում է Ադրիատիկ ծովի ջրերը։
Կլիման միջերկրածովային է և ծովի ազդեցությունը կարևոր դեր ունի գյուղի կլիմայի ձևավորման գործում։ Տարվա ամենատաք եղանակը հուլիս-օգոստոսն է։ Օգոստոսյան միջին ջերմաստիճանը գերազանցում է 25 °C-ը։
Առողջարանային այս գյուղը հայտնի է իր կարմիր կտուրներ ունեցող ցածրահարկ շենքերով։
Բնակչություն
[խմբագրել | խմբագրել կոդը]Ըստ 2001 թվականին Խորվաթիայի Հանրապետությունում ազգային վիճակագրական ծառայության կողմից կազմակերպած մարդահամարի տվյալների՝ Բաշկա Վոդա գյուղի բնակչությունը կազմում է 2,924 մարդ։
Գյուղի բնակչության ճնշող մեծամասնությունը տեղաբնիկ խորվաթներն են, որոնց բնակչության թվի տոկոսային հարաբերությունը ամբողջ բնակչության մեջ կազմում է 95,5 %։
Գյուղում բնակվող խորվաթները խոսում են խորվաթերենով և դավանում կաթոլիկություն։ Բաշկա Վոդայի տարածքում բնակվում են նաև մեծ քանակությամբ սերբեր, որոնք խորվաթներից հետո համարվում են երկրորդ խոշոր ազգությունը։
Կան նաև որոշակի քանակությամբ բոսնիացիներ և ալբանացիներ։
Անվան ծագումնաբանություն և պատմություն
[խմբագրել | խմբագրել կոդը]Բաշկա Վոդա բնակավայրի մասին առաջին հիշատակումը եղել է 1688 թվականին։ Առաջին անգամ քարտեզի վրա այն հիշատակվել է Բասկա (իտալ.՝ Basca) անունով։
Այն հայտնի էր, որպես գյուղատնտեսական և ձկնորսական փոքրիկ գյուղ։ «Բաշկա Վոդա» անվանումը կապված է հին հունական դիցարանի ռազմի աստված Արեսի և ջրերի աստվածուհի Կալլիոպեի որդու՝ Բիստոնի հետ[3]։
Բաշկա Վոդայի տարածքում կատարված հնագիտական հետազոտությունները ցույց են տվել, որ այս վայրրը բնակեցված է եղել դեռևս Հռոմեական կայսրության գոյության ժամանակահատվածում։
Այստեղից հայտնաբերվել են ոսկերչական իրեր, տապանաքարեր և Ալեքսանդր Մակեդոնացու պատկերով մետաղադրամներ։
Տես նաև
[խմբագրել | խմբագրել կոդը]Պատկերասրահ
[խմբագրել | խմբագրել կոդը]-
«Կարմիր կտուրներ» Բաշկա Վոդայում -
Գիշերային Բաշկա Վոդան -
Սուրբ Նիկոլայի եկեղեցին գյուղում -
Ադրիատիկ ծովի համայնապատկեր
Ծանոթագրություններ
[խմբագրել | խմբագրել կոդը]- ↑ List of Croatian settlements and delivery post offices — 2022.
- ↑ «Բաշկա Վոդա` Սպլիտսկո Դալմատինսկայի ժուպանություն». dalmacija.hr (խորվաթերեն). Սպլիտսկո Դալմատինսկա. Վերցված է 2015 թ․ օգոստոսի 25-ին.
- ↑ Շիմունովիչ, Պյոտր (մարտ, 2014). «Բնակավայրի անվան ծագումնաբանություն» [Նախապատմական, հռոմեական դարաշրջանի Խորվաթիա] (PDF). Folia onomastica Croatica (խորվաթերեն). Զագրեբ: Խորվաթիայի գիտությունների և արվեստի ակադեմիա (22): 161. Վերցված է 2016 թ․ հունվարի 18-ին.
Արտաքին հղումներ
[խմբագրել | խմբագրել կոդը] | Վիքիպահեստն ունի նյութեր, որոնք վերաբերում են «Բաշկա Վոդա» հոդվածին։ |
| ||||||
