Բանշի (Marvel Comics)

Վիքիպեդիայից՝ ազատ հանրագիտարանից
Jump to navigation Jump to search
Բանշի
Հրատարակման պատմություն
ՀեղինակRoy Thomas?
Դերակատար / ՁայնԿալեբ Լենդրի Ջոնս
ԱշխարհMarvel Universe
Անձնական տվյալներ
Ի ծնե անունանգլ.՝ Sean Cassidy
Տեսակկոմիքսների կերպար, Սուպերհերոս, մուտանտ, անիմացիոն կերպար և կինոհերոս
ԾննդավայրՄեյո
Սեռարական
ՔաղաքացիությունFlag of Ireland.svg Իռլանդիա
Կրոնկաթոլիկություն
ԶբաղմունքԴասղեկ, barker, հանցագործ, դետեկտիվ և Սուպերհերոս
ԵրեխաներSiryn?
Թիմեր և կազմակերպություններ
Իքս մարդիկ, X-Corps?, Generation X?, Factor Three?, Նյու Յորք քաղաքի ոստիկանության դեպարտամենտ և Ինտերպոլ
Հատուկ ուժեր և ունակություններ
sonic scream?

Բանշի (անգլ.՝ Banshee), իրական անուն՝ Շոն Քեսիդի (անգլ.՝ Sean Cassidy), Marvel Comics կոմիքսների ընկերության հորինված սուպերհերոս, Իքս մարդիկ թիմի անդամներից: Ստեղծել են գրող Ռոյ Թոմասը և նկարիչ Վերներ Ռոթը, Բանշին առաջին անգամ հայտնվել է X-Men vol. 1 #28 կոմիքսում (1967 թվականի հունվար):

Ծնունդով Իռլանդիայից է։ Բանշի մուտանտն ունի ցանկացած երկարության գերձայնային ալիքներ արձակելու ունակություն, որոնք շատ ժամանակ անորսալի են մարդկային ականջի համար: Իր անունը ստացել է բանշի կախարդի անունից, որն իռլանդական դիցաբանության կերպար է և տիրապետում է շատ հզոր ճիչի:

Ինտերպոլի և Նյու Յորքի ոստիկանության նախկին գործակալ է: Բանշին տարիքով շատ ավելի մեծ է Իքս մարդկանց անդամների մեծմասնությունից և եղել է թիմի առաջին անդամներից մեկը, իսկ 90-ականների ընթացքում եղել է Իքս դարաշրջան պատանեկան թիմի մարզիչ:

Կենսագրություն[խմբագրել | խմբագրել կոդը]

Շոն Քեսիդին ծնվել է Իռլանդիայում և դարձել է ոչ մեծ հարստության և Քեսիդի Կիպում գտնվող ամրոցի ժառանգորդ: Երիտասարդ հասակում նա ամուսնացել է Մեյվ Ռուրկի հետ և Իտերպոլում ստացել է տեսուչի աշխատանք: Շոնի առաջադրանքներից մեկի ժամանակ նրա կինը հասկանում է, որ հղի է և դուստր է ծննդաբերում՝ Թերեզա Քեսիդիին: Շուտով Մեյվը մահանում է ռմբակոծության արդյունքում, իսկ Շոնի եղբայր Թոմը, նրա հետ կապվելու միջոց չգտնելով, Թերեզային վերցնում է իր խնամքի տակ: Վերադառնալով Շոնը իմանում է կնոջ մահվան մասին և մինչև նրա եղբայրը կհասցներ ասել նրան դստեր մասին, Շոնը հարվածում է Թոմին ճիչի ուժեղագույն ձայնային ալիքով՝ մեղադրելով նրան Մեյվի մասին բավականաչափ չհոգալու մեջ: Դրանից հետո Շոնը զայրացած թռչում է, իսկ Թոմը երդվում է պատասխան տալ նրան և երբեք չասել Թերեզային իր իրական հոր մասին:

Քեսիդին լքում է Ինտերպոլը և դառնում է ոչ նահանգային դետեկտիվ: Քևին Սիդնի անունով չարագործը հանդիպում է Շոնին և առաջարկում է նրան ընդունվել Ֆակտոր երեք անունով կազմակերպություն, բայց իմանալով Սիդնիի իրական նպատակների մասին՝ Շոնը հրաժարվում է: Բացի այդ Ֆակտոր երեքին հաջողվում Շոնին գերի վերցնել և ստիպել նրան ենթարկվել իրենց հրամաններին և կատարել իրենց առաքելությունները: Հենց այդ ժամանակ էլ Շոնը վերցնում է Բանշի մականունը՝ իռլանադական դիցաբանության կախարդներից մեկի անվան համաբանությամբ: Ֆակտոր երեքի առաքելություններից մեկի ժամանակ Նյու Յորքում Շոնը հանդիպում է մուտանտ սուպերհերոսների թիմի՝ Իքս մարդկանց հետ: Պրոֆեսոր Իքսը կարողանում է ազատել Շոնին և նրանց օգնությամբ Շոնը կարողանում է հաղթել Ֆակտոր երեքին և միանալ թիմին[1]:

Մի քանի տարի անց Քսավյերը առաջարկում է Բանշիին միանալ մուտանտների երկրորդ խմբին[2]: Նա համաձայնվում է և Պրոֆեսոր Իքսի Կիկլոպի, Փոթորկի, Կուղխի, Գիշերային օձի, Արևային կրակի և Մրրկահավի հետ դառնում է Նոր Իքս մարդիկ թիմի անդամ: Բանշին մասնակցում է թիմի շատ առաքելությունների և սյուժեի բանալի տեսարաններին, այդ թվում՝ Փյունիկի և Շի’արի առաջին անգամ հայտնվելու ժամանակ: Այդ ժամանակ էլ Բանշին հանդիպում է Իքս մարդկանց կողմնակիցներից մեկին՝ Մոյրա Մաքթագերթին և սիրահարվում նրան[3]: Դրա հետ մեկտեղ Շոնը հաճախ է վեճերի մեջ լինում եղբոր՝ Թոմի և չարագործ Ջագերնաութի հետ[4]:

Բանշին կարճ ժամանակով կորցնում է իր գերբարձր ձայներ արձակելու ունակությունը, քանի որ մարտերից մեկի ժամանակ վնասել էր ձայնալարերը և որոշում է լքել Իքս մարդկանց, որպեսզի մնա Մոյրա Մաքթագերթի հետ, բայց ուժերը վերականգնելուց հետո վերադառնում է թիմ[5]: Երկար ժամանակ Էմմա Ֆրոսթի հետ եղել է Իքս սերունդ թիմի երիտասարդ մուտանտների մարզիչ և ուսուցիչ:

Փորձելով փրկել ինքնաթիռը Հրաբխի հարձակումից՝ Բանշին բարձրանում է օդ և ձայնային ալիքների օդային հոսանքների շնորհիվ փորձում է փոխել ինքնաթիռի հետագիծը, բայց նրա ուժերը այդքան էլ բավարար չեն լինում, քանի որ նրա կոկորդը մինչև վերջ դեռ չէր բուժվել վնասվածքից հետո: Ինքնաթիռը թռչում է ուղիղ դեպի Շոնը և բախվում են իրար[6]: Հետո Կուղխը և Գիշերային օձը գտնում են Բանշիի անկենդան մարմինը ջարդված ինքնաթիռի բեկորների մեջ և գալիս են այն եզրահանգման, որ նա և բոլոր ուղևորները մահացել են[7]:

Հետո Բանշին մի քանի անգամ հայտնվում է սյուժետային գծերում. վիրուսի արդյունքում վերակենդանացած մուտանտների մեջ, «Քաոսի պատերազմ» սյուժետային գծում և «Խավարի կառավարում» սյուժեում[8][9][10]:

Ուժեր և ունակություններ[խմբագրել | խմբագրել կոդը]

Բանշիի տարբերվող ունակությունը ուժեղ՝ թոքերը, կոկորդը և ձայնալարերն են, որոնք ունակ են ստեղծելու տարբեր հաճախականության ձայնային ալիքներ: Դրանց օգնությամբ նա կարող է խլացնել հակառակորդին նույնիսկ պաշտպանիչ ականջակալների միջով, առաջացնել սրտխառնոց, հակակողմնորոշում կամ գիտակցության կորուստ: Նաև նա կարող է ստեղծել հարվածային ձայնային ալիքներ, որն ունակ է ոչնչացնելու պինդ առարկաներ: Օգտագործելով իր կողմից ուսումնասիրված առաձգական ալիքները՝ նա կարողանում է կատարել էխոլոտ գործողություն և շարքից հանել հակառակորդի լոկացիոն սարքերը կամ ռադարները:

Շոնի մարմնի ի ծնե յուրահատկությունները նրան թույլ են տալիս պաշտպանվել ձայնային ալիքների վտանգավոր ազդեցությունից, սակայն նրա մարմինը խոցելի է սովորական վնասվածքների համար այն դեպքերում, երբ օգտագործում է ձայնային վահանը: Լսողության յուրահատկությունները նրան թույլ են տալիս կենտրոնանալ միջավայրում կոնկրետ ձայնի վրա, խլացնել այն կամ ուժեղացնել, կամ էլ ընդհանրապես լռեցնել: Բանշին կարողանում է թռչել ձայնի արագությամբ, ինչպես նաև իր հետ ուղևորներ վերցնել: Շոնը և նրա զարմիկ Թոմասը, որը հայտնի է նաև «Սև Թոմ» անունով, ունեն միմյանց նկատմամբ դիմադրողականություն, բացի Թոմի այն հնարավորություններից, որը նրանք հետո է ստացել՝ արհեստական ճանապարհով:

Բացի գերունակություններից՝ Բանշին տիրապետում է նաև ռազմավարական-օպերատիվ գործունեության և լրտեսության հմտություններով, լավ է տիրապետում զենքին և մարտական շարժումներին, որոնք նա սովորել է Ինտերպոլում աշխատելու ժամանակ: Հրաշալի ուսուցիչ, ռազմավար և կազմակերպիչ է, նաև քանթրի երաժշտության և դաշնամուրային երաժշտության երկրպագու:

Որպես Բանշի՝ Շոնը կրել է սինթետիկ հագուստ, որոնք նրան թույլ էր տալիս խուսափել օդի հետ շփումից, նրա վրա ամրացված էին թևեր, որոնց շնորհիվ նա կարողացել է թռչել օդային հոսանքներով, որոնք առաջանում էին սեփական ձայնային ալիքներից:

Կոմիքսներից դուրս[խմբագրել | խմբագրել կոդը]

Հեռուստատեսություն[խմբագրել | խմբագրել կոդը]

  • Բանշին հայտնվել է Իքս մարդիկ մուլտիպլիկացիոն սերիալում, որտեղ նրան հնչյունավորել է Ջերեմի Ռեչֆորդը: Ըստ սյուժեի նա պայքարում է Սև Թոմ Քեսիդիի դեմ և հարաբերությունների մեջ է Մոյրա Մաքթագերթի հետ:

Կինո[խմբագրել | խմբագրել կոդը]

  • Դերասան Ջերեմի Ռեչֆորդը կատարել է Բանշիի դերը 1996 թվականի «Իքս սերունդ» ֆիլմում: Ըստ սյուժեի նա Էմմա Ֆրոսթի հետ աշխատում է Քսավյերի շնորհալի երիտասարդների համար դպրոցում: Ֆիլմում նրա ունակությունները նման են բնօրինակին: Նա կարող է ստեղծել ձայնային ալիքներ, որոնք կարող են խլացնել մարդկանց:
  • «Իքս մարդիկ 2» ֆիլմում նրա և նրա աղջկա անունը կարելի է տեսնել Սթրայքերի համակարգչում, երբ Միստիկը կրկնօրինակում է Ցերեբրոյի և Մագնետոյի մասին ֆայլերը: Նրա դուստրը՝ Սիրենան, հայտնվում է երկրորդ և երրորդ ֆիլմերում:
  • Բանշին 2011 թվականի «Իքս մարդիկ: Առաջին դաս» ֆիլմի գլխավոր կերպարներից է: Նրա դերը կատարել է դերասան Կալեբ Լենդրի Ջոնսը[11]։
  • Համաձայն Իքս մարդիկ: Անցած ապագայի օրերը» ֆիլմի՝ 1973 թվականին Բանշին արդեն սպանվել էր Բոլիվեր Թրասքի մարդկանց կողմից[12][13][14]:

Վիդեոխաղեր[խմբագրել | խմբագրել կոդը]

Բանշին հայտնվել է որպես ոչ խաղային կերպար «X-Men Legends II: Rise of Apocalypse» խաղում, և նրան հնչյունավորել է դերասան Քուինտոն Ֆլինը:

Հիշատակում փոփ մշակույթում[խմբագրել | խմբագրել կոդը]

  • Բանշին հայտնվել է 2003 թվականի ամերիկյան The Juggernaut Bitch!! համացանցային մեմում, որը հանդիսանում է My Way անունով թատերական խմբի կողմից Իքս մարդկանց թշնամու՝ Ջագերնաութի ծաղրանամանակումը[15]: Տեսահոլովակը այնքան հանրաճանաչ դարձավ համացանցում, որ նրա գիծը կարելի է նկատել «Իքս մարդիկ: Վերջին մարտը» ֆիլմում՝ Քիթի Փրայդի և Ջագերնաութի կռվի ժամանակ: Ծաղրանմանակման պաշտոնական տարբերակում բոլորը բացականչությունները արձակում է Բանշին՝ ծաղրանմանակելով «Իքս մարդիկ» մուլտսերիալի «Փյունիկի սագա, մաս 3: Բանշիի լացը» հատվածներում իր բարձր ճիչ արձակելու ունակությունը, նաև ասում է, որ նրա «յամայկայական գույները» (հերթականությամբ՝ կանաչ, դեղին, սև գծեր) պաշտպանում են նրան վտանգից:
  • Հայտնվել է խաղալիքների երկու շարքերում՝ երկու անգամ՝ Marvel Toys-ում և Marvel Legends-ում, որոնք իրենցից ներկայացնում են կոմիքսների հայտնի կերպարների ֆիգուրաներ[16][17][18], նաև Marvel Comics կերպարների հավաքական խաղալիքների ամսագրի 100-րդ հորիզոնականում:

Ծանոթագրություններ[խմբագրել | խմբագրել կոդը]

  1. X-Men vol. 1 #28
  2. Giant-Size X-Men #1
  3. X-Men vol. 1 #96
  4. X-Men vol. 1 #101-103
  5. Uncanny X-Men #129
  6. X-Men: Deadly Genesis #2
  7. X-Men: Deadly Genesis #3
  8. Incredible Hercules #129
  9. X-Force vol. 3 #21
  10. Chaos War #2
  11. Beast and Banshee Cast for X-Men: First Class Superhero Hype!. 2010-07-08(անգլ.)
  12. #XMen #DOFP viral site ties mutant with JFK assassination; Angel & Azazel…DEAD! Archived 2013-11-28 at the Wayback Machine.
  13. [1]
  14. 11 questions about X-Men Days Of Future Past answered | Den of Geek
  15. Covering The Louisiana State University Community (LSU) — Tigerweekly.com
  16. Action Figures: Banshee 1 Archived 2014-03-22 at the Wayback Machine.
  17. Action Figures: Banshee 2
  18. Action Figures: Banshee 3

Արտաքին հղումներ[խմբագրել | խմբագրել կոդը]