Բանանալ էկոլոգիական կայան
Տեսակ | էկոլոգիական կայան |
---|---|
Կազմված է | Անտլանտյան անտառ |
Երկիր | Բրազիլիա |
Վարչատարածք | Սան Պաուլու |
Հիմնվել է | 1964 |
Մակերես | 885 հեկտար |
Կառավարում | պետություն |
Բանանալ էկոլոգիական կայան (պորտ.՝ Estação Ecológica de Bananal), էկոլոգիական կայան Բրազիլիայի Սան Պաուլու նահանգում։
Տեղագրություն[խմբագրել | խմբագրել կոդը]
Բանանալ էկոլոգիական կայանը գտնվում է Սան Պաուլու նահանգի Բանանալ մունիցիպալիտետում։ Ունի 884 հա տարածք[1]։ Այն գտնվում է Սեռա դա Բոկաինայի շրջանում՝ կտրուկ արտահայտված ռելիեֆով։ Բարձրությունները տատանվում են 1200-1900 մետր[1]։ Այն 221,754 հա Բոկաինա Մոզաիկի մի մասն է, որը ստեղծվել է 2006 թվականին[2]։ Այցելուները պետք է թույլտվություն ստանան կայանի ղեկավարությունից, որը որպես խորհրդատու կնշանակի մի աշխատողի։ Կա 300 մետր երկարությամբ արահետ մինչև Սետի Կեդաս ջրվեժի վերջին անկումը, ինչը գեղատեսիլ տեսարժան վայր է[3]։
Շրջակա միջավայր[խմբագրել | խմբագրել կոդը]
Կլիման խոնավ մերձարևադարձային է։ Տարվա մեջ երեք ամիս շոգ է։ Տարեկան տեղումների միջին քանակը 1250-1500 մմ է։ Տարեկան միջին ջերմաստիճանը 20-ից 33 °C է։ Առավելագույն միջին ջերմաստիճանը 36-ից մինչև 38 °C է, իսկ նվազագույն միջին ջերմաստիճանը 0-4 °C է։ Էկոլոգիական կայանն ընդգրկում է Ատլանտյան անտառի մնացուկները[1]։ Բուսականությունը ներառում է մշուշոտ անտառը և խիտ լեռնային ու նախալեռնային անտառը։ Բրոմելների երկու նոր տեսակ հայտնաբերվել է միայն կայանում (Neoregelia pontuali և Wittrockia corallina)[1]։
Պատմություն[խմբագրել | խմբագրել կոդը]
Բանանալ պետական անտառային արգելոցը ստեղծվել է 1964 թվականի ապրիլի 3-ի 43.193 պետական հրամանագրով՝ անտառը և բուսական ու կենդանական աշխարհը պահպանելու համար։ 1987 թվականի մարտի 12-ին նահանգապետ Անդրե Ֆրանկո Մոնտորոն փոխեց կատեգորիան՝ ստեղծելով Բանանալ էկոլոգիական կայանը[1]։ Կայանը ֆինանսավորվում է Սան Պաուլուի շրջակա միջավայրի քարտուղարության և գերմանական KfW բանկի համագործակցությամբ[1]։
Ծանոթագրություններ[խմբագրել | խմբագրել կոդը]
Աղբյուրներ[խմբագրել | խմբագրել կոդը]
- ESEC de Bananal (Portuguese), ISA: Instituto Socioambiental, Վերցված է 2016-09-22-ին
{{citation}}
: CS1 սպաս․ չճանաչված լեզու (link) - Estação Ecológica de Bananal (Portuguese), State of São Paulo, Արխիվացված է օրիգինալից 2016-09-23-ին, Վերցված է 2016-09-22-ին
{{citation}}
: CS1 սպաս․ չճանաչված լեզու (link) - Mosaico de Unidades de Conservação da Bocaina - SP e RJ (PDF) (Portuguese), RBMA, Արխիվացված է օրիգինալից (PDF) 2016-10-11-ին, Վերցված է 2016-09-22-ին
{{citation}}
: CS1 սպաս․ չճանաչված լեզու (link)