Բալրամ Ջակհար

Վիքիպեդիայից՝ ազատ հանրագիտարանից
Բալրամ Ջակհար
 
Կուսակցություն՝ Հնդկական ազգային կոնգրես
Կրթություն՝ Ֆորմանի քրիստոնեական քոլեջ (1945)
Մասնագիտություն՝ քաղաքական գործիչ, հասարակական գործիչ և գյուղատնտես
Ծննդյան օր օգոստոսի 23, 1923(1923-08-23)
Ծննդավայր Pankosi, Firozpur district, Փանջաբ, Բրիտանական Հնդկաստան, Բրիտանական կայսրություն
Վախճանի օր փետրվարի 3, 2016(2016-02-03)[1] (92 տարեկան)
Վախճանի վայր Դելի, Դելիի ազգային մայրաքաղաքային տարածք, Հնդկաստան
Քաղաքացիություն  Բրիտանական Հնդկաստան,  Հնդկաստան և  Հնդկաստանի տիրապետություն
Զավակներ Sunil Jakhar?[2]

Բալրամ Ջակհար (հինդի՝ बलराम जाखड़, անգլ.՝ Balram, օգոստոսի 23, 1923(1923-08-23), Pankosi, Firozpur district, Փանջաբ, Բրիտանական Հնդկաստան, Բրիտանական կայսրություն - փետրվարի 3, 2016(2016-02-03)[1], Դելի, Դելիի ազգային մայրաքաղաքային տարածք, Հնդկաստան), հնդիկ պետական և քաղաքական գործիչ։ Եղել է Հնդկական ազգային կոնգրես կուսակցության ականավոր ներակայցուցիչ, Հնդկաստանի խորհրդարանի ստորին պալատի՝ Լոկ սաբհայի չորս համագումարների պատգամավոր[3][4][5][6], 1980-1989 թվականներին Լոկ սաբհայի խոսնակ[7], 1991-1996 թվականներին Հնդկաստանի գյուղատնտեսության նախարար և 2004-2009 թվականներին Մադհյա Պրադեշի նահանգապետ։ 2004 թվականի հուլիսի 2-24-ը եղել է Գուջարաթի նահանգապետի ժամանակավոր պաշտոնակատարը[8][9]։

Կենսագրություն[խմբագրել | խմբագրել կոդը]

Բալրամ Ջակհարը ծնվել է 1923 թվականի օգոստոսի 23-ին Պանջոկսիում, Բրիտանական Հնդկաստան՝ Չաուդրահի Ռաջարամ Ջակհարի և նրա կին Պատոդևիի ընտանիքում։ 1945 թվականին ավարտել է Լահորի Ֆորմանի քրիստոնեական քոլեջը՝ ստանալով լեզվագիտության դիպոլմ սանսկրիտում մասնագիտացմամբ։ Դրան համատեղ տիրապետել է փանջաբին, հինդիին, ուրդուին և անգլերենին։ Բարձրագությունից կրթություն ստանալուց և տուն վերադառնալուց հետո մի քանի տասնամյակների ընթացքում զբաղվել է բուսաբուծությամբ։ Եղել է առաջին մարդը, որը Աբոհար շրջանում սկսել է աճեցնել խաղող և կիննաու մանդարին[10]։ 1975 թվականին արժանացել է ազգային մակարդակի Հնդկաստանի նախագահի Udyan Pandit մրցանակին բուսաբուծությունում ներդրումի համար։

Խորհրդարանական կարիերան սկսել է 1972 թվականին՝ Փենջաբի օրենսդրական խորհրդի մեջ ընտրվելով։ 1977 թվականին վերընտրվել է՝ դառնալով ընդդիմադիր խմբի առաջնորդ։

1980 թվականին Ֆիրոզպուր շրջանից դարձել է Հնդկաստանի խորհրդարանի ստորին պալատի՝ Լոկ սաբհայի 7-րդ համագումարի պատգամավոր՝ դառնալով պալատի խոսնակ, իսկ 1984 թվականին վերընտրվել է Սիկար շրջանից՝ պահպանելով իր պաշտոնը։ Դրանով Ջակհարը մնում է հնդկական խորհրդարանի խոսնակ 1980 թվականից մինչև 1989 թվականը։

Զբաղեցնելով Լոկ սաբհայի բարձրագույն պաշտոնը՝ Բալրամ Ջակհարն ակտիվ զբաղվել է խորհրդարանական աշխատանքի զարգացմամբ, հիմնականում, հիմնադրել է խորհրդարանական թանագարանը, զարգացրել է խորհրդարանի գրադարանը, նրա փաստաթղթերի ծրագիրը և տեղեկատվա-ռեֆերատային ծառայությունները, ավտոմատացրել է քվեարկությունների համակարգը։ Որպես հնդկական օրենսդրական ժողովի նախագահ մասնակցել է Բրիտանական Ընկերության խորհրդարանական ասամբլեայի աշխատանքում, իսկ 1984 թվականից մինչև 1987 թվականը գլխավորել է այն՝ դառնալով այդ պաշտոնում Ասիայի առաջին ներկայացուցիչը[11][12]։

1991 թվականից մինչև 1996 թվականը զբաղեցրել է Հնդկաստանի գյուղատնտեսության նախարարի պաշտոնը։ 2004 թվականից մինչև 2009 թվականը եղել է Մադհյա Պրադեշի նահանգապետը։ Այդ պաշտոնը զբաղեցնելու սկզբնական շրջանում նաև եղել է Գուջարաթի նահանգապետի ժամանակավոր պաշտոնակատարը։

Բալրամ Ջակհարը մահացել է 2016 թվականի փետրվարի 3-ին ինսուլտից Դելիում՝ 92 տարեկան հասակում[13]։

Ծանոթագրություններ[խմբագրել | խմբագրել կոդը]

  1. 1,0 1,1 1,2 http://www.thestatesman.com/news/india/ex-ls-speaker-balram-jakhar-passes-away/120924.html
  2. https://timesofindia.indiatimes.com/entertainment/hindi/bollywood/news/wouldnt-have-allowed-sunny-to-contest-from-gurdaspur-had-i-known-sunil-jakhar-was-his-opponent-dharmendra/articleshow/69301414.cms
  3. «Eighth Lok Sabha, Party Wise Details: Congress (I)» (անգլերեն). Parliament of India: Lok Sabha, House of the People. Վերցված է 2016 թ․ փետրվարի 4-ին.
  4. «Seventh Lok Sabha, All Members: J» (անգլերեն). Parliament of India: Lok Sabha, House of the People. Վերցված է 2016 թ․ փետրվարի 4-ին.
  5. «Tenth Lok Sabha, Party Wise Details: Indian National Congress» (անգլերեն). Parliament of India: Lok Sabha, House of the People. Արխիվացված է օրիգինալից 2016 թ․ մարտի 8-ին. Վերցված է 2016 թ․ փետրվարի 4-ին.
  6. «Twelfth Lok Sabha, Party Wise Details: Indian National Congress» (անգլերեն). Parliament of India: Lok Sabha, House of the People. Արխիվացված է օրիգինալից 2016 թ․ մարտի 8-ին. Վերցված է 2016 թ․ փետրվարի 4-ին.
  7. «Former Speakers: Bal Ram Jakhar» (անգլերեն). The Office of Speaker, Lok Sabha. Արխիվացված է օրիգինալից 2013 թ․ հունվարի 8-ին. Վերցված է 2016 թ․ փետրվարի 4-ին.
  8. T.R. Ramachandran (2004 թ․ հուլիսի 2). «Kalam sacks Governors of Haryana, UP, Gujarat, Goa» (անգլերեն). The Tribune. Վերցված է 2016 թ․ փետրվարի 4-ին.
  9. Vinay Kumar (2004 թ․ հուլիսի 3). «4 Governors dismissed» (անգլերեն). The Hindu. Վերցված է 2016 թ․ փետրվարի 4-ին.
  10. Anirudh Chaudhry (2016 թ․ փետրվարի 3). «Obit: Balram Jakhar, a leader who always looked out for farmers» (անգլերեն). Business Standard. Վերցված է 2016 թ․ փետրվարի 4-ին.
  11. «Former Chairpersons» (անգլերեն). Commonwealth Parliamentary Association. Արխիվացված է օրիգինալից 2016 թ․ մարտի 21-ին. Վերցված է 2016 թ․ փետրվարի 28-ին.
  12. «Former Lok Sabha Speaker Balram Jakhar passes away» (անգլերեն). Government of Punjab. 2016 թ․ փետրվարի 3. Արխիվացված է օրիգինալից 2016 թ․ մարտի 7-ին. Վերցված է 2016 թ․ փետրվարի 29-ին.
  13. «Former Lok Sabha Speaker Balram Jakhar is Dead» (անգլերեն). Vishwa Gujarat. 2016 թ․ փետրվարի 3. Արխիվացված է օրիգինալից 2016 թ․ փետրվարի 4-ին. Վերցված է 2016 թ․ փետրվարի 4-ին.

Լրացուցիչ հղումներ և գրականություն[խմբագրել | խմբագրել կոդը]