Բալակլավա (գլխարկ)
Բալակլավա (անգլ.՝ balaclava Բալակլավա քաղաքի անունից) կամ լեռնադահուկորդի դիմակ, կտորի գլխարկի մի ձև, որը գրկում է ողջ գլուխը։ Հաճախ բաց են մնում միայն աչքերն ու բերանը, կամ միայն աչքերը։ Ավանդաբար կարվել է բրդից, այժմ օգտագործվում է նաև սինթեթիկ տրիկոտաժ։ Անունը գալիս է ուկրաինական Բալակլավա քաղաքի անունից։
Պատմություն
[խմբագրել | խմբագրել կոդը]Ըստ լեգենդի 1854-1855 թվականների սաստիկ ձմռանը, Ղրիմի պատերազմի ժամանակ բրիտանական զինվորները սաստիկ ցրտից պաշտպանվելու համար հնարեցին բրդից գործած գլխարկներ, որոնք ծածկում էին ողջ գլուխը[1]։
Գլխարկը 19-րդ դարում հայտնի էր նաև ուլանի կամ տեմպլիերի գլխարկ անունով[2]։
Այժմ գլխարկը օգտագործվում է զինված ուժերում սաղավարտի տակից, որպես պաշտպանական միջոց։
Գործածություն
[խմբագրել | խմբագրել կոդը]Տարածված է լեռնադահուկորդների և սնոուբորդիստների մոտ, ովքեր կրում են այն սաղավարտի տակից։ Բալակլավան տաք է պահում դեմքն ու վիզը, պաշտպանում է դիմահար քամուց։ Լինում է տարբեր հումքից, տարբեր գույների տակդիրով և առանց։ Հրակայուն նյութերց պատրաստված բալակլավան պաշտպանում է բոցից։ Կան հատուկ տարբերակներ հրշեջների, տանկիստների, արշավորդների համար։ Շատ երկրների հատուկջոկատայիններ գործողությունների ժամանակ բալակլավա են կրում։
Վեր ոլորած բալակլավան կարելի է կրել սովորական գործած գլխարկի նման։
Ծանոթագրություններ
[խմբագրել | խմբագրել կոդը]- ↑ John Shepherd, The Crimean Doctors: A History of the British Medical Services in the Crimean War, Volume 1, Liverpool University Press 1991, pages 296—306.
- ↑ Richard Rutt, A History of Handknitting, London 1987, pages 134–5.
|
Սա անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ Այս նշումը հարկավոր է փոխարինել համապատասխան թեմատիկ նշումով։ |