Բաթումի դելֆինարիում

Բաթումի դելֆինարիում; վրաց.՝ ბათუმის დელფინარიუმი
Տեսակ	դելֆինարիում
Երկիր	Վրաստան
Բացվել է	1975 թվական

Բաթումի դելֆինարիում (վրաց.՝ ბათუმის დელფინარიუმი), դելֆինարիում, որը գտնվում է Վրաստանի Աջարիա երկրամասի Բաթում նավահանգստային քաղաքում։ Համարվում է առաջին դելֆինարիումը խորհրդային հանրապետությունների շարքում։

Պատմություն[խմբագրել | խմբագրել կոդը]

Բաթումի քաղաքային դելֆինարիումը բացվել է 1975 թվականին՝ Վրաստանի ԽՍՀ-ում։ Այն առաջին դելֆինարիումն էր խորհրդային պետությունների շարքում և խոշորագույններից մեկն աշխարհում։ 1990-ական թվականներին երկրում տիրող քաղաքական և տնտեսական ծանր դրության պատճառով դելֆինարիումի գործունեությունը որոշ ժամանակահատվածով կասեցվել է։

Այն վերաբացվել է միայն քսան տարի անց՝ 2011 թվականի մայիսի 6-ին՝ Բաթումի քաղաքապետարանի և բարեգործական ընկերությունների աջակցությամբ։ Նոր դելֆինարիումը գրեթե ամբողջությամբ տարբեր էր նախորդից^[1]։

Դելֆինարիումի ամֆիթատրոնի դիզայնով զբաղվել են վրացական բարձրակարգ ընկերություններ։ Ամֆիթատրոնը բաղկացած է 4 ոլորտներից և տեղավորում է ավելի քան 795 հանդիսական։ Ամֆիթատրոնների կենտրոնում ցուցադրությունների համար նախատեսված լողավազաններն են։ Դելֆինարիումը ունի հատուկ հարմարանքներ՝ սայլակներ և վերելակներ, հաշմանդամություն ունեցող անձանց համար^[2]։