Բաթլերյան համալսարան

Վիքիպեդիայից՝ ազատ հանրագիտարանից
Jump to navigation Jump to search
Բաթլերյան համալսարան
Butler University
Butler University logo.svg
800px-Butler University seal.svg.png
Տեսակմասնավոր համալսարան և մասնավոր ոչ առևտրային կրթական հաստատություն
ԿարգախոսEducation, Research, Service
Հիմնադրված է1855
Տիպմասնավոր
ՆախագահՋեյմս Դանկո
Բակալավրիատ4 481
Մագիստրատուրա541
Դասախոսներ328
ԱնդամակցությունBig East Conference?
Կամպուսքաղաքային (120 հա)
Գույներ         
ԵրկիրԱՄՆ
ՏեղագրությունԻնդիանապոլիս
Հասցե4600 Sunset Ave, Indianapolis, IN, 46208[1]
Կայքwww.butler.edu
##Բաթլերյան համալսարան (ԱՄՆ)
Red pog.png
Բաթլերյան համալսարան, ԱՄՆ
Butler University Վիքիպահեստում

Բաթլերյան համալսարան կամ Բաթլերի համալսարան, մասնավոր համալսարան ԱՄՆ-ում, գտնվում է Ինդիանապոլիսում, Ինդիանա նահանգում։

Հիմնադրվել է 1855 թվականին և անվանվել նրա հիմնադիր Օվիդ Բաթլերի պատվին։ Համալսարանը առաջարկում է 55 կրթական ծրագիր բակալավրի և 18 մագիստրոսականի համար այնպիսի ոլորտներում, ինչպիսիք են` բիզնես, հեռահաղորդակցություն, մանկավարժություն, հումանիտար և բնական գիտություններ, բժշկական գիտություններ և արվեստ։ Համալսարանը ներառում է 6 քոլեջ։ Կամպուսը գտնվում է Ինդիանապոլիսի կենտրոնից 11 կմ հեռավորության վրա, տարածքը 1,2 կմ² (290 ակր) է[2]։

Ուսման արժեքը 2010/11 ուսումնական տարում կազմել է 29 740 դոլար[2]։

Պատմություն[խմբագրել | խմբագրել կոդը]

Բաթլերի համալսարանը հիմնադրվում է 1855 թվականի նոյեմբերի 1-ին` որպես Հյուսիսարևմտյան քրիստոնեական համալսարան, այն ժամանակ քաղաքի արևելյան ծայրամասի հյուսիսային մասում, որն այժմ հայտնի է որպես «Օլդ Նորթսայդ» Պատմական շրջան, որի հողը տրամադրում է փաստաբան և հիմնադիր Օվիդ Բաթլերը[3]։

1930 թվականին համալսարանը միավորվում է Ինդիանապոլիսի մանկավարժական քոլեջի հետ, որը հիմնադրել Է Էլիզա Բլեքերը` դրանով իսկ ստեղծելով համալսարանի երկրորդ քոլեջը։ Երրորդը բիզնեսի կառավարման քոլեջն է, որը ստեղծվել է 1937 թվականին։ 1945 թվականին հայտնվում է դեղագործության և բժշկական գիտությունների քոլեջը։ Ջորդանի գեղարվեստի քոլեջը համալսարանում հինգերորդ տեղն Էր զբաղեցնում` 1951 թվականին Արթուր Ջորդանի կոնսերվատորիայի հետ միաձուլման արդյունքում։ 1924 թվականին հիմնադրվում է Բաթլերի կրոնական դպրոցը, որն անկախանում է 1958 թվականին և այժմ հայտնի է որպես Քրիստոնեական հոգևոր ճեմարան[3]։

Բաթլերի համալսարանը հիմնադրել են «Քրիստոսի եկեղեցու աշակերտներ» կրոնական խմբի անդամները, չնայած այն երբեք չի վերահսկվել եկեղեցու կողմից։ Համալսարանի կանոնադրությունը կոչ էր անում ստեղծել ոչ կրոնական հաստատություն` զերծ ստրկությունից, որն առաջարկում է ազատական ուսուցում մասնագիտական կրթության յուրաքանչյուր ոլորտում։ Այն դառնում Է Ինդիանայի առաջին համալսարանը և ԱՄՆ-ում երրորդը, որը ճանաչում էր տղամարդկանց և կանանց կրթության հավասարությունը, ինչպես նաև ԱՄՆ-ի հետ դառնում է առաջինը, որը 1869 թվականին հաստատում է կնոջ թեկնածությունը նախագահի պաշտոնում։ Բացի այդ Բաթլերի համալսարանում ստեղծվում է նահանգի անգլիական գրականության պրոֆեսորի առաջին պաշտոնը[3]։

Կամպուս[խմբագրել | խմբագրել կոդը]

Ռոբերտսոն-Հոլլ` շրջանավարտների և պաշտոնական պատվիրակությունների հանդիպման վայրը

Սկզբնապես գտնվում էր Ինդիանապոլիսի 13-րդ փողոցի և Քոլեջ-Ավենյուի խաչմերուկում։ 1875 թվականին համալսարանը վերանվանվել է ի պատիվ Օվիդ Բաթլերի` ի նշան Օվիդ Բաթլերի ոգեշնչող հայացքի ճանաչման, վճռական առաջնորդության և ֆինանսական աջակցության։ Այդ ժամանակ էլ այն տեղափոխվում է Իրվինգթոնի նոր կամպուս, Ինդիանա նահանգ, որը զբաղեցնում էր 10 հա տարածք։ Կամպուսը բաղկացած էր մի քանի շենքերից, այդ թվում աստղադիտարանից, գրեթե բոլորն էլ քանդվել են 1939 թվականին։ Բոն Թոմփսոնի գրադարանը և Բենտոնի տունը հին մասնաշենքի միակ փրկված շենքերն են[3]։

ՈՒսանողների աճող թվով պայմանավորված անհրաժեշտություն կար նոր, ավելի մեծ կամպուսի։ Այն ստեղծվեց քաղաքի հյուսիս-արևմտյան մասում գտնվող նախկին զվարճանքների զբոսայգու տեղում[3]։

Նոր կամպուսի առաջին մասնաշենքը Արթուր Ջորդանի հուշահամալիրն է, որը նախագծվել է Ռոբերտ Ֆրոստի և Թոմաս Հիբբենի կողմից։ Գոթական ոճի ճարտարապետություն` ստեղծված ճարտարապետ Ուիլյամ Թինսլիի նախագծով, որը օգտագործվել էր նաև Իրվինգթոնի նախորդ կամպուսում։ Այն շուք հաղորդեց նաև հետագա շենքերին, որոնք կառուցվեցին կամպուսի տարածքում հետագա երեք տասնամյակների ընթացքում։ 1928 թվականին բացվում է Բաթլեր Ֆիլդհաուսի փակ մարզադահլիճը (ավելի ուշ` Հինկլ Ֆիլդհաուս), որը ստեղծվեց Ֆերմոր Քենոնի նախագծով։ 1942 թվականին կառուցվում է մատուռը։ 1966 թվականին այդ շենքերը վերակառուցվում են[3]։

Հոլքոմբի աստղադիտարան` Ինդիանա նահանգի խոշորագույն աստղադիտակով

Երկրորդ համաշխարհային պատերազմից հետո սկսվում է ուսանողական կենտրոնի շինարարությունը։ 1955 թվականին բացվում է Հոլքոմբի աստղադիտարանը` պլանետարիով, որն այժմ նահանգի խոշորագույն աստղադիտակն է։ Հայտնի ճարտարապետ Մինորու Յամասակին, որը նախագծել է համաշխարհային առևտրի կենտրոնը, աշխատում է Իրվայնի գրադարանի վրա, որը բացվում է 1963 թվականին և այժմ հանդիսանում է համալսարանի գլխավոր գրադարանը։ 1960-ական թվականներին կառուցվում են շենքեր` Արթուր Ջորդանի կոնսերվատորիան այստեղ տեղափոխելու համար[3]։

Բնակելի քոլեջը («ResCo») դառնում է համալսարանի վերջին խոշոր նախագիծը 20-րդ դարում։ Նրա շինարարությունը ավարտվել է 1990 թվականին, այստեղ է գտնվում ճաշարանը և հանրակացարանը[3]։ 2001 թվականին բացվում է հաղորդակցության և տեխնոլոգիաների կենտրոնը, որտեղ տեղափոխվում են զանգվածային լրատվության միջոցների և արվեստի քոլեջները։ Բացի այդ այնտեղ է գտնվում նաև երկու բազմաֆունկցիոնալ ստուդիա տեսանյութերի և հեռուստահաղորդումների համար, ինչպես նաև ձայնագրման երեք մասնագիտական ստուդիա։ 2004 թվականի սկզբին Ռոբերտսոն-Հոլլում մենահամերգների համար 140 տեղանոց դահլիճ է բացվում[4]։

2005 թվականին կառուցվում է մարզաառողջարանական համալիր` 7900 մ² տարածքով (85 հազար ֆուտ²)։ Ունի վազքուղիներ, մարզադահլիճներ, լողավազան, մարզասրահ, ֆիտնես, մերսման սենյակ, երկու բազմաֆունկցիոնալ դահլիճ և հանդերձարան։

Կամպուսի կարևոր օբյեկտների թվում են նաև Հոլքոմբի այգիները (81 հազ. մ²)` Պերսեփոնեի արձաններով, լճակը և ջրանցքը։

Հայտնի շրջանավարտներ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. IPEDS
  2. 2,0 2,1 «At a Glance» (անգլերեն)։ Butler University։ Արխիվացված է օրիգինալից 2011-09-26-ին։ Վերցված է 2011-09-29 
  3. 3,0 3,1 3,2 3,3 3,4 3,5 3,6 3,7 Bodenhamer D. J., Barrows R. G. Butler University Architecture // The Encyclopedia of Indianapolis. — Bloomington, Indiana: Indiana University Press, 1994.
  4. «Eidson-Duckwall Recital Hall» (անգլերեն)։ Butler University։ Արխիվացված է օրիգինալից 2010-06-02-ին։ Վերցված է 2011-09-29 

Արտաքին հղումներ[խմբագրել | խմբագրել կոդը]