Բաբկեն Ներսիսյանի հուշասյուն

Բաբկեն Ներսիսյանի հուշասյուն
Բաբկեն Ներսիսյանի հուշասյուն
	; Բաբկեն Ներսիսյանի հուշասյուն
	Ընդհանուր տեղեկություններ
Համայնք	Կենտրոն
Գտնվում է	Աբովյան փողոց 21
Քանդակագործ(ներ)	Տիգրան Արզումանյան
Ճարտարապետ(ներ)	Լևոն Իգիթյան
Նյութ	բրոնզ, բազալտ
Շինարարության ավարտ	2018
Ներկա վիճակ	կանգուն ;

Բաբկեն Ներսիսյանի հուշասյուն, բրոնզե դիմաքանդակով բազալտե հուշասյունը գտնվում է Երևանի Կենտրոն համայնքում՝ Աբովյան փողոցի թիվ 21 հասցեում (այդ շենքում է ապրել Բաբկեն Ներսիսյանը)^[1]։

Պատմություն[խմբագրել | խմբագրել կոդը]

Հուշասյունը բացվել է 2018 թվականին ապրիլի 7-ին՝ ԽՍՀՄ ժողովրդական արտիստ Բաբկեն Ներսիսյանի ծննդյան 100-ամյա հոբելյանի առիթով^[2]։ Հուշասյան գաղափարն իրականություն է դարձել ՀՀ մշակույթի նախարարության, «Բաբկեն Ներսիսյան» մշակութային-բարեգործական հիմնադրամի^[3] և Երևանի քաղաքապետարանի համատեղ ջանքերով^[4]։ Հուշասյան բացմանը ներկա են գտնվել ՀՀ մշակույթի նախարար Արմեն Ամիրյանը, բեմադրիչ Երվանդ Ղազանչյանը, ռեժիսոր Արմեն Էլբակյանը, Բաբկեն Ներսիսյանի որդին՝ Տիգրան Ներսիսյանը և հարսը՝ Նելլի Խերանյանը^[5]։

Հեղինակներ[խմբագրել | խմբագրել կոդը]

Մեծ սիրով եմ իրականացրել այս աշխատանքը, որովհետև իմ սերնդակիցները շատ լավ հիշում են Բաբկեն Ներսիսյանին և շատ ոգևորված էին այս գաղափարով։ 1960-1980-ականների այդ ծաղկաբույլի մեջ նա իր ուրույն տեղն ուներ այնպիսի հզոր դերասանների կողքին, ինչպիսիք էին Վահրամ Փափազյանը, Հրաչյա Ներսիսյանը…^[6]

- Տիգրան Արզումանյան