Աֆրիկյան կորեկ

Վիքիպեդիայից՝ ազատ հանրագիտարանից
Աֆրիկյան կորեկ
Աֆրիկյան կորեկ
Աֆրիկյան կորեկ
Դասակարգում
Թագավորություն  Բույսեր (Plantae)
Ենթատիպ Սերմնավոր բույսեր (Spermatophytes)
Կարգ Հացածաղկավորներ (Poales)
Ընտանիք Հացազգիներ (Poaceae)
Ենթաընտանիք Կորեկայիններ (Panicoideae)
Տրիբա Paniceae
Ցեղ Cenchrus
Տեսակ Աֆրիկյան կորեկ (C. americanus)
Միջազգային անվանում
Cenchrus americanus

Աֆրիկյան կորեկ, նեգրական կորեկ, մարգարտակորեկ (լատին․՝ Pennisetum thyphoieum Rich), հացազգիների ընտանիքի միամյա բույս, 1-3 մ բարձրությամբ։ Արտաքին տեսքով նման է եգիպտացորենին և սորգոյին։ Ցողունը լավ տերևավորված է, տերևները (50-80 սմ երկարությամբ, 4-5 սմ լայնությամբ) խիստ կախված են, ծաղկաբույլը՝ ամուր, հասկանման։ Արմատային համակարգը մազարմատային է (մինչև 150 արմատ), 2-3 մ թափանցում է հողի մեջ։ Հայրենիքը Աֆրիկան է։ Տարածված է Աֆրիկայի, Ասիայի երաշտի ենթակա շրջաններում։ Հեռանկարային է Ուկրաինայի, Հյուսիսային Կովկասի, Մերձվոլգայի, Միջին Ասիայի համար։ Աֆրիկյան կորեկի հատիկը հարուստ է սպիտակուցներով և ճարպերով, դրանից պատրաստում են ալյուր, ձավար, խմիչք (գարեջուր հիշեցնող), ստանում սպիրտ, օսլա։ Խոտը և կանաչ զանգվածը լավ կեր է։ Բերքատու է, հատիկի բերքը՝ 8-10 ց/հա, երբեմն՝ 40 ց/հա, կանաչ զանգվածինը՝ 80-200 ց/հա, չոր խոտինը՝ 30-60ց/հա։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 2, էջ 181