Աֆղանո-պակիստանական սահմանային հակամարտություն

Վիքիպեդիայից՝ ազատ հանրագիտարանից
Jump to navigation Jump to search
Աֆղանա-պակիստանական սահմանային հակամարտություն
Դյուրանդի գիծ
Աֆղան-պակիստանական սահմանը
Թվական 2007 թվականի մայիսի 13ից — մինչև հիմա
Վայր Դյուրանդի գիծ
Արդյունք հակամարտությունը շարունակվում է
Հակառակորդներ
Աֆղանստան Աֆղանստան Պակիստան Պակիստան
Հրամանատարներ
Աֆղանստան Բիսմիլլա Խան
Պակիստան Պակիստան Աշֆաք Քայանի
Կողմերի ուժեր
Աֆղանստան Աֆզանստանի ԶՈՒ Պակիստան Պակիստանի ԶՈՒ
Ռազմական կորուստներ
6-7 սպանված զինվոր (պակիստանական տվյալներով),
զոհված 2 երեխա և մեկ ոտիկան (աֆղանական տվյալներով)[1]
8 սպանված զինվոր (աֆղանական տվյալներով),
3 վիրավոր (պակիստանական տվյալներով)[1]

Աֆղանա-պակիստանական սահմանային հակամարտություն (անգլ.՝ Afghanistan–Pakistan Border Conflict)՝ զինված հակամարտություն ասիական երկու երկրների՝ Աֆղանստանի և Պակիստանի միջև:

Հակամարտության ընթացքը[խմբագրել | խմբագրել կոդը]

Աֆղանա-պակիստանական սահման:

2007 թվականի մայիսի 13-ին տեղի ունեցավ ռազմական հակամարտություն աֆղանական և պակիստանական զորքերի միջև, այն բանից հետո, երբ պակիստանական զինվորները փորձեցին տեղադրել ֆորպոստ Աֆղանստանի արևմուտքում: Գնդապետ Զահիր Ազիմին, աֆղանական պաշտպանության նախարարության ներկայացուցիչը, պատմեց մամուլի ասուլիսի ժամանակ, որ Պակիստանի հարձակման պատճառով աֆղանները ստիպված նահանջեցին:

Աֆղանական բանակի դիրքերին հարվածելու համար Պակիստանը օգտագործեց հրետանի: Երկու երեխաներ զոհվեցին, ևս երեքը վիրավորվեցին, այն բանից հետո ինչ արկերից մեկը ընկավ Պակտիա նահանգի դպրոցի վրա: Ինչպես նաև Պակտիա նահանգի ոստիկանապետը հայտարարեց, որ սպանվել է մեկ ոստիկան և երեքը վիրավորվել են հրետակոծությունից: Գավառի տեղի բնակիչները պատմեցին, որ պակիստանցիները կորցրել են ուղղաթիռ Աֆղանստանի կողմից պատասխան կրակի ժամանակ[1]:

Սակայն, պակիստանցի գնդապետ Վահիդ Արշադը հերքեց վերոնշյալը: Նա հայտարարեց, որ կողմերից ոչ մեկը չի հատել պետական սահմանը և ասաց, որ խոցված ուղղաթիռի մասին հաղորդագրությունը չի համապատասխանում իրականությանը: Պակիստանական կողմի տարբերակով փոխհրաձգությունը տեղի է ունեցել երկուշաբթի առավոտ սահմանի մոտ Կուրրամ շրջանի վրա[1]:

Կողմերը դադարեցրեցին զինված գործողությունները ԱՄՆ-ի դիվանագիտական միջամտությունից հետո[1]:

Կողմերի կորուստները[խմբագրել | խմբագրել կոդը]

Փոխհրաձգությունից հետո հակասություն հայտնվեց երկու կողմերի զոհերի մասին:

Աֆղանստանի ներքին գործերի նախարարը պատմեց իր հայտարարության մասին, որ սպանվեց ութ պակիստանցի զինվոր և նրանց դիերը մնացել են կռվի դաշտում[1]:

Պակիստանական բանակի ներկայացուցիչ, գնդապետ-մայոր Վահիդ Արշադը, հայտարարեց հարևան երկրի հարձակման արդյունքում վիրավորված երեք պակիստանցի զինվորների մասին: Աֆղանական զինվորները կորցրել են վեց և կամ յոթ զինվոր[1]:

2011 թվական[խմբագրել | խմբագրել կոդը]

2011 թվականի ապրիլի 28-ին տեղի ունեցավ ևս մեկ սահմանային բախում երկու հանրապետությունների միջև պակիստանական Անգուր-Ադա քաղաքի մոտ: Աֆղանստանի զինված ուժերի 12 զինվոր և մեկ Պակիստանի սահմանապահ զոհվեցին մարտերի ընթացքում: Երեք պակիստանցի սահմանապահներ և Անգուր-Ադի քաղաքի ութ խաղաղ բնակիչներ վիրավորվեցին[2]:

2011 թվականի հուլիսի 20-ին աֆղանական զորքերը կրկին կրակ բացեցին պակիստանական Հարավային Վազիրիստան շրջանի վրա: Հարձակման հետևանքով չորս պակիստանցի զինվորներ զոհվեցին և երկուսը վիրավորվեցին[3]:

2011 թվականի օգոստոսի 27-ին գրեթե 300 աֆղանական գրոհայիններ Պակիստանի հյուսիս-արևմուտքում հարձակվեցին ոստիկանական անցակետի վրա: Զոհվեց 25 պակիստանցի զինվոր և գրեթե 20 գրոհայիններ[4]:

2011 թվականի հոկտեմբերի 10 գրեթե 200 աֆղանական գրոհայիններ փորձեցին հատել Պակիստանի հետ սահմանը: Զոհվեց 1 պակիստանցի զինվոր և գրեթե 30 աֆղաններ: Միևնույն ժամանակ աֆղանական պաշտոնական դեմքերը պնդեցին, որ Պակիստանը հասցրեց հրթիռային հարված Աֆղանստանի տարածքին[5]:

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 1,5 1,6 «Heavy clash between Pakistan, Afghan forces on border» (անգլերեն)։ Արխիվացված օրիգինալից-ից 2012-07-12-ին։ Վերցված է 2011-01-25 
  2. Pak-Afghan relations: Border clash mars peace overtures — The Express Tribune
  3. «Cross-Border Attack: Afghan shelling kills 4 Pakistani soldiers» (անգլերեն)։ Արխիվացված օրիգինալից-ից 2012-07-12-ին։ Վերցված է 2011-08-02 
  4. «Dozens killed in Pakistan border attack»։ Aljazeera.net։ 27 августа 2011 года 
  5. «30 Afghan militants killed after cross-border raid»։ http://tribune.com.pk։ 10 октября 2011 года