Արևի լույս (ֆիլմ)

From Վիքիպեդիա
Jump to navigation Jump to search
Picto infobox cinema.png
Արևի լույս
Sunshine
ԵրկիրFlag of Austria.svg Ավստրիա
Flag of Germany.svg Գերմանիա
Flag of Hungary.svg Հունգարիա
Flag of Canada.svg Կանադա
Ժանրդրամա[1], ռազմական ֆիլմ և պատմական ֆիլմ
ԹեմաԵրկրորդ համաշխարհային պատերազմ և Հոլոքոստ
Թվական1999 և հունվարի 27, 2000[2]
Լեզուֆրանսերեն[1] և անգլերեն
ՌեժիսորԻշտվան Սաբո[1]
ՊրոդյուսերՌոբերտ Լանտոս
Սցենարի հեղինակԻշտվան Սաբո և Իսրայել Խորովից[3]
ԴերակատարներՌեյֆ Ֆայնս[4][5], Ռոզմարի Հարիս[4][5], Ռեյչել Ուայզ[4][5], Ջենիֆեր Էլ[4][5], Դոբորա Կարա Անգեր[4], Մոլի Փարքեր[4][5], Ջեյմս Ֆրեյն[4], John Neville[4][5], Միրիամ Մարգուլիս[4][5], Rüdiger Vogler?[4], Մարկ Ստրոնգ[4], Trevor Peacock?[4], Ուիլյամ Հերթ[4], Բիլլ Պատերսոն[4], Flóra Kádár?[4], Hanns Zischler?[3], Mari Törőcsik?[3], Katja Studt?[3], Պետեր Անդորաի[3], Péter Halász?[3], Jácint Juhász?[3], Joachim Bißmeier?[3], Zoltán Gera?[3], Lajos Kovács?[3], Sándor Simó?[3], Լասլո Գալֆֆի[3], Frigyes Hollósi?[3], Իսրայել Խորովից[3], Buddy Elias?[3], Վիլհելմ Կեյտել[3], Ռուդոլֆ Հեսս[3] և Wilhelm Frick?[3]
ՕպերատորԼայոշ Կոտաի
ԵրաժշտությունՄորիս Ժառ
ՄոնտաժՄիշել Արկանդ
Պատմվածքի վայրԱվստրիա
Նկարահանման վայրԲուդապեշտ
ԿինոընկերությունSerendipity Point Films?[6], Alliance Atlantis?[6], ISL Film?[6], Studiocanal?[6] և Dor Film?[6]
Տևողություն173 րոպե
Շահույթ$7.6 միլիոն[7]

Արևի լույս (անգլ.՝ Sunshine, հունգ.՝ A napfény íze, գերմ.՝ Sunshine — Ein Hauch von Sonnenschein), 1999 թվականի պատմական դրամա՝ նկարահանված ռեժիսոր և սցենարիստ Իշտվան Սաբոյի կողմից[8][9]։

Սյուժե[edit | edit source]

Ֆիլմում պատկերված է հրեական Զոնենշտայն ընտանիքի երեք սերունդների ճակատագիրը։ Ընտանիքի նախապապը՝ Էմանուելը, հոր զոհվելուց հետո տեղափոխվում է քաղաք, որտեղ դառնում է գինու գործարանի սեփականատեր թրմելու «Արևի լույս» բաղադրատոմսի շնորհիվ։ Նրա որդին՝ Իգնացը, ով դառնում է իրավաբան, հանուն կարիերայի փոխում է ազգանունը՝ վերցնելով Շորշ ազգանունը (հունգ.՝ ճակատագիր)։ Իգնացի որդին՝ Ադամը, հանուն կարիերայի փոխում է իր հայրերի հավատն ու մկրտվում։ 1936 թվականին Ադամը դառնում է սուսերամարտի օլիմպիական չեմպիոն, սակայն մեռնում է համակենտրոնացման ճամբարում (նրա կյանքի շատ մանրամասներ հիշեցնում են հրեկան ծագմամբ հունգարացի մարզիկներ Աթիլա Պեչուերի ու Էնդրե Կաբոշի կենսագրությունները)։

Իվանը՝ զոհված չեմպիոնի որդին, ծառայության է ընդունվում պետանվտանգությունում, որպեսզի հոր մահվան համար վրեժ լուծի Միկլոշ Հորթիի վարչակարգի ակտիվիստներից (նրա ավագ գործընկեր Անդոր Կնորը շատ բանով հիշեցնում է իրական անձնավորության՝ պետանվտանգության նախարար Լասլո Ռայկին)։ Ճակատագրի հեգնանքով Իվանը հետաքննության ենթակա անձանց մեղադրում է այն բանում, ինչի համար մեղավոր է զգում իրեն․ Իվանը նրանց մեղադրում է վախկոտություն ցուցաբեելու և չարին չընդդիմանալու համար։ Կնորն Իվան Շորշին համոզում է, որ խղճի հետ գործարքը տվյալ դեպքում անհրաժեշտ է գործի հաջողության համար։ Միաժամանակ Իվանը սիրավեպ է սկսում Կարոլի՝ ամուսնացած մի կնոջ հետ, ով պետանվտանգության մայոր է ու ազդեցիկ պետական պաշտոնյայի կին։ Շուտով Իվանն սկսում է հարցաքննել Կնորին, որովհետև սկսվել էր պայքար «սիոնիզմի» դեմ, իսկ գեներալը՝ նրա ղեկավարը, բարկացած հայտարարում է, թե «համակենտրոնացման ճամբարներից ավելի շատ հրեա է վերադարձել, քան ուղարկել էին այնտեղ»։ Իվանը, այնուամենայնիվ, հրաժարվում է հավատալ Կնորի մեղավորությանը, և նրա կարիերան հայտնվում է վտանգի տակ։ Բեկումնային պահ է դառնում անմեղ հայտարարված Կնորի վերահուղարկավորումը, երբ Իվանն իր ելույթում մեղադրում է տիրող վարչակարգին։ Դրանից անմիջապես հետո նա ազատվում է պաշտոնից և շուտով մասնակցում Հունգարական հեղափոխությանը։ Հեղափոխության ճնշումից հետո Իվանը ձերբակալվում է և բանտարկվում։ Ազատվելուց հետո Իվանը վերադառնում է ապրելու իր տատի՝ Վալերիի մոտ։ Ֆիլմի ավարտին նա որոշում է վերադարձնել իր իսկական ազգանունը՝ Զոնենշտեյն։

Դերերում[edit | edit source]

  • Ռեյֆ ՖայնսԻգնաց Զոնենշտայն / Ադամ Շորշ / Իվան Շորշ
  • Ռոզմարի Հարիս – Վալերի Շորշ
  • Ռեյչել Ուայզ– Գրետա
  • Ջենիֆեր Էլ – Վալերի Զոնենշտայն
  • Դեբորա Կառա Անգեր – Կառոլա Կովաչ, մայոր
  • Մոլի Փարքեր – Հաննա Ուիպլեր
  • Ջեյմս Ֆրեյն – Գուստավ Զոնենշտայն
  • Դավիդ դե Կեյզեր – Էմանուել Զոնենշտայն
  • Ֆլորա Կադար – Հաքլևա/ Հաքլի կինը (Hacklné/Mrs. Hackl)

Մրցանակներ և անվանակարգեր[edit | edit source]

Եվրոպական կինոակադեմիայի մրցանակ
  • Տղամարդու լավագույն դերակատարում (Ռեյֆ Ֆայնս, հաղթանակ)
  • Լավագույն ֆիլմ (անվանակարգ)
  • Սցենարիստի լավագույն աշխատանք (Իշտվան Սաբո, Իզրաել Խորովից, հաղթանակ)
Ջինի
  • Տղամարդու լավագույն դերակատարում (Ռեյֆ Ֆայնս, անվանակարգ)
  • Կնոջ լավագույն դերակատարում (Ջենիֆեր Էլ, անվանակարգ)
  • Կնոջ լավագույն դերակատարում (Ռոզմարի Հարիս, անվանակարգ)
  • Բեմադրող նկարիչի լավագույն աշխատանք (Աթիլա Ֆ․ Կովաչ, անվանակարգ)
  • Հագուստի լավագույն դիզայն (Գիորգի Սակաչ, անվանակարգ)
  • Լավագույն ձայն (Փիթեր Քելլի, Դանիել Պելերեն, Գլեն Գոթյե, Քեյթ Էլիոթ, հաղթանակ)
  • Ձայնի լավագույն մոնտաժ (Էնդի Մալքոլմ, Ջեյն Տատերսոլ, Դրիդ ՄաքՔալում, Դինա Իտոն, Ֆրեդ Բրենան, հաղթանակ)
  • Լավագույն ֆիլմ (հաղթանակ)
Ոսկե գլոբուս
  • Լավագույն ֆիլմ-դրամա (անվանակարգ)
  • Լավագույն ռեժիսոր (Իշտվան Սաբո, անվանակարգ)
  • Ֆիլմի լավագույն երաժշտություն (Մորիս Ժար, անվանակարգ)
Արբանյակ
  • Կնոջ լավագույն դերակատարում (Ջենիֆեր Էլ, հաղթանակ)
  • Կնոջ լավագույն դերակատարում (Ռոզմարի Հարիս, հաղթանակ)

Փաստեր[edit | edit source]

  • Դերասան Ռեյֆ Ֆայնսը մարմնավորում է Զոնենշտեյն ընտանիքի երեք սերունդների ներիկայացուցիչների՝ Իգնացին, Ադամին ու Իվանին։

Ծանոթագրություններ[edit | edit source]

Արտաքին հղումներ[edit | edit source]