Արցախյան դրամ
- Այս հոդվածը Արցախի ազգային արժույթի մասին է։ Չշփոթե՛լ Հայկական դրամի հետ։
| Արցախյան դրամ | |||
|---|---|---|---|
| |||
| ISO 4217 կոդ | դրամ | ||
| Երկիր |  Արցախ
| ||
| Կազմված է | 100 լումայից | ||
| Մետաղադրամներ | 50 լումա, 1, 5 դրամ | ||
| Թղթադրամներ | 2, 10 դրամ | ||
| Կենտրոնական բանկ | ԼՂՀ ֆինանսների նախարարություն | ||
| Վեբ-կայք | minfin-nkr.am | ||
| Փոխանակման կուրս (2017-05-28[1][2][3] դրությամբ) | |||
| 1 USD | = 481.77 դրամ | ||
| 1 EUR | = 540.26 դրամ | ||
| 1 GBP | = 619.89 դրամ | ||
| 1 RUB | = 8.50 դրամ | ||
Արցախյան դրամը Արցախի ազգային արժույթն է։ Արցախյան դրամը Հայաստանում ևս ծառայում է, որպես վճարման միջոց։
Արցախյան մեկ դրամը հավասարազոր է հարյուր լումայի և հայկական մեկ դրամի։ Արցախի Հանրապետության առանձին դրամը ներկայումս կիրառության մեջ չէ և չի օգտագործվում առևտրա-արդյունաբերական նկատառումներով։
Արցախյան դրամը հիմնականում օգտագործվում է, որպես դեկորատիվ տարր կամ դրամական հավաքածուների զարդ։ Արցախի Հանրապետության դրամական միջոցը նույն հայկական դրամն է, որը այս երկրում անվանվում է արցախյան դրամ։
Միակ դրամահատարանը, որը թողարկում է արցախյան դրամ (խոսքը 1, 2, 5 և 10 արցախյան դրամների մասին է, որոնք դուրս են եկել կիրառությունից), Ավստրիայի դրամահատարանն է։
Պատմություն[խմբագրել | խմբագրել կոդը]
1991 թվականի սեպտեմբերի 2-ին Ստեփանակերտում տեղի ունեցած պատգամավորների մարզային և Շահումյանի շրջանային խորհրդի համատեղ նստաշրջանում Լեռնային Ղարաբաղի Հանրապետությունը հռչակվեց անկախ պետություն։
Ընդունվեցին անկախ պետության ազգային խորհրդանիշները՝ դրոշը, զինանշանը և ազատության օրհներգը։ Կարևոր նվաճում էր նաև որպես արժույթ ռուբլու վերացումը երկրում։
1994 թվականից դրամը Արցախում դարձավ միակ պաշտոնական արժույթը։ 2004 թվականին վաճառքի ուղղիչ նպատակներով Արցախում թողարկվել են մետաղադրամներ և թղթադրամներ։ 2005 թվականին Լեռնային Ղարաբաղում արցախյան դրամը (1-ից 5 դրամանոցներ) շրջանառության մեջ դրվեցին՝ որպես վճարման միջոց։
Մետաղադրամների դարձերեսին պատկերված է Արցախի Հանրապետության զինանշանը։
Թղթադրամներ[խմբագրել | խմբագրել կոդը]
2005 թվականից շրջանառության մեջ է դրված հեռևյալ թղթադրամները[4]՝
| 2004 թվականի սերիա | |||||||
|---|---|---|---|---|---|---|---|
| Պատկեր | Գնահատական (դրամով) |
Չափեր (մմ) |
Հիմնական գույն |
Նկարագրություն | Թողարկման տարեթիվ | ||
| Դիմերես | Դարձերես | Դիմերես | Դարձերես | ||||
|
|
2 | 150×80 | կարմրա- շագանակագույն |
ԼՂՀ զինանշան, Գանձասարի վանք Գրիգոր Լուսավորիչ |
Հովհաննես Մկրտիչ և Հիսուս Քրիստոս, Խաչելություն, ԼՂՀ զինանշան |
2004 |
|
|
10 | 165×90 | կապտա- կանաչավուն |
ԼՂՀ զինանշան, Հիսուսը Հրեշտակապետի հետ Դադիվանք |
Խուդաֆերինի կամուրջ, գինու տակառներ, արցախյան գորգ, ԼՂՀ զինանշան |
2004 |
| Պատկերի մասշտաբ՝ 1,0 փիքսել միլիմետրում։ | |||||||
Ծանոթագրություններ[խմբագրել | խմբագրել կոդը]
- ↑ Փոխարժեք; ԱՀ ՖՆ կայք /վերցված է 2017-05-28/
- ↑ Փոխարժեքների արխիվ; ՀՀ ԿԲ կայք /վերցված է 2017-05-28/
- ↑ AMD - Armenian Dram; currency.wiki(չաշխատող հղում) (անգլ.) /վերցված է 2017-05-28/
- ↑ «Արցախի Հանրապետության ֆինանսների նախարարություն». minfin-nkr.am. Վերցված է 2018 թ․ հուլիսի 27-ին.
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Արցախյան դրամ կատեգորիայում։ |
| |||||||||||||||||
| ||||||||||||||||
