Արցախի Հանրապետության մշտական ներկայացչություն

Արցախի Հանրապետության մշտական ներկայացչություն, Արցախի Հանրապետության դիվանագիտական մարմին այլ երկրներում։

Պատմություն

Սահմանվել է 1992 թվականի ապրիլին՝ ԼՂՀ նախագահի հրամանագրով։ Ղեկավարում է ԼՂՀ նախագահի հրամանագրով նշանակված մշտական ներկայացուցիչը։

Նպատակներ

Հիմնական խնդիրներն են՝ արտերկրում ներկայացնել ԼՂՀ, նրա վարած արտաքին և ներքին քաղաքականությունը, խրախուսել ու ամրապնդել բարեկամական կապերը և համագործակցությունը տվյալ երկրում ապրող ժողովուրդների, պետական և ոչ պետական կառույցների ու այդ երկրների հայկական համայնքների հետ, պաշտպանել ԼՂՀ քաղաքացիների իրավունքներն ու շահերն օտարերկրյա պետություններում։

Ներկայացչություններ արտասահմանյան երկրներում

2003 թվականի հունվարի 1-ի դրությամբ՝ ներկայացուցչություններ գործում են՝

• Հայաստանի Հանրապետությունում (1992-ի ապրիլից, նստավայրը՝ Երևան, ներկայացուցիչ՝ Ա. Մելիքյան (2003 թվականից)
• Ռուսաստանում (1993 թվականի փետրվարից, Մոսկվա, Ա. Թավաղյան)
• ԱՄՆ-ում (1997 թվականի հոկտեմբերից, Վաշինգտոն. Վ․ Բարսեղյան (1999 թվականից)
• Ֆրանսիայում (1993 թվականի օգոստոսից, Փարիզ, Հ. Գևորգյան (2002 թվականից))
• Ավստրալիայում (1999 թվականի սեպտեմբերից, Սիդնեյ Վ. Իսկենտերյան)
• Մերձավոր Արևելքի երկրներում (1999 թվականի սեպտեմբերից, Բեյրութ, Կ. Քաբաբջյան)։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Ղարաբաղյան ազատագրական պատերազմ (1988—1994) հանրագիտարանից, որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո ։