Արտեմի Ռալյո Լոմբարտե

Վիքիպեդիայից՝ ազատ հանրագիտարանից
Jump to navigation Jump to search
Արտեմի Ռալյո Լոմբարտե
Artemi Rallo Lombarte
(Artemi Rallo) Sesión control 12.09.2018.jpg
Դրոշ
Իսպանիայի Կորտեսի պատգամավոր
 հունվարի 4, 2016
 
Կուսակցություն՝ Վալենսիայի սոցիալիստական կուսակցություն
Մասնագիտություն՝ քաղաքական գործիչ և փաստաբան
Ծննդյան օր օգոստոսի 9, 1965(1965-08-09) (53 տարեկան)
Ծննդավայր Կաստելյոն դե լա Պլանա, Վալենսիա, Իսպանիա
Քաղաքացիություն Իսպանիա Իսպանիա

Արտեմի Ռալյո Լոմբարտե (իսպ.՝ Artemi Rallo Lombarte, օգոստոսի 9, 1965(1965-08-09), Կաստելյոն դե լա Պլանա, Վալենսիա, Իսպանիա), իսպանացի պետական և քաղաքական գործիչ, Իսպանիայի 11-րդ և 12-րդ գումարման պատգամավորական ժողովի անդամ[1]։

Կենսագրություն[խմբագրել | խմբագրել կոդը]

Արտեմի Ռալյո Լոմբարտեն ծնվել է 1965 թվականի օգոստոսի 9-ին Կաստելյոն դե լա Պլանայում։ 1988 թվականին ավարտել է իրավաբանական կրթությունը, իսկ 1990 թվականին դարձել է Վալենսիայի համալսարանի ասպիրանտ։ Դրանից հետո կրթությունը շարունակել է Ֆրանսիայում և Իտալիայում՝ սովորելով Ստրասբուրգի համալսարանի մարդու իրավունքների միջազգային ինստիտուտում, Հռոմի համալսարանի տեսության ֆակուլտետում, ինչպես նաև Սորբոնի համալսարանում[2]։

1984-1987 թվականներին, որպես զինծառայող աշխատել է Վալենսիայի երիտասարդական սոցիալիստական կուսակցությունում[3]։ Միաժամանակ եղել է նաև Վալենսիայի սոցիալիստական կուսակցության քարտուղարը։ Այս կուսակցության շարքերում էլ 1987 և 1995 թվականներին մասնակցել է Վալենսիայի տարածաշրջանային ընտրություններին։ Արդյունքում՝ դարձել է ներքին գործերի հանձնաժողովի քարտուղար և տեղական ինքնակառավարման և առողջապահական մարմինների սպառողական հարցերի հանձնաժողովի փոխնախագահ (1987-1991)։ Ղեկավարել է Վալենսիայի համայնքային խորհուրդը 1985-1987 թվականներին։

1995 թվականի ընտրությունների ձախողումից հետո շարունակել է իր ակադեմիական գործունեությունը[4]։ 1993-1998 թվականներին՝ Կաստելյոն դե լա Պլանա քաղաքի Խայմե I-ի անվան համալսարանի հանրային իրավունքի բաժնի տնօրեն։ 2004-2007 թվականներին եղել է Իսպանիայի արդարադատության նախարարության իրավագիտության կենտրոնի գլխավոր տնօրենը: 2007-2001 թվականներին՝ Իսպանիայի տվյալների պաշտպանության գործակալության տնօրենը[5]: Ներկայումս հանդիսանում է Խայմե I-ի համալսարանի սահմանադրական իրավունքի պրոֆեսոր[6]։

2015-2016 թվականների ընդհանուր ընտրությունների արդյունքում դարձել է Իսպանիայի Թագավորության խորհրդարանի՝ կորտեսի պատգամավոր։

Աշխատություն[խմբագրել | խմբագրել կոդը]

  • Օրենսդրական նախաձեռնությունը տարածաշրջանային օրենքում (իսպ.՝ La iniciativa legislativa en el derecho autonómico, 1993 թվական)
  • Սահմանադրություն և ընտրական երաշխիքներ (իսպ.՝ Garantías electorales y Constitución, 1997 թվական)
  • Բազմակարծություն և սահմանադրություն (իսպ.՝ Pluralismo informativo y constitución, 2000 թվական)
  • Սահմանադրության անկախ վարչակազմերը (իսպ.՝ La constitucionalidad de las administraciones independientes, 2002 թվական)

Ծանոթագրություններ[խմբագրել | խմբագրել կոդը]

  1. «Ficha del Congreso de los Diputados»։ Consultado el 4 de julio de 2017. 
  2. «Currículum a la Fundació Fide»։ FIDE (իսպաներեն)։ Վերցված է 2017-07-22 
  3. «Corts Valencianes - Fitxa del diputat/ada»։ www.cortsvalencianes.es (ca-valencia)։ Վերցված է 2017-07-22 
  4. «Corts Valencianes - Fitxa del diputat/ada»։ www.cortsvalencianes.es (ca-valencia)։ Վերցված է 2017-07-22 
  5. «Noticia del nombramiento»։ Consultado el 4 de julio de 2017 
  6. «Horari de classes»։ al web de la Universitat Jaume I, consultado el 3 de junio de 2015 

Արտաքին հղումներ[խմբագրել | խմբագրել կոդը]