Արտա Դադե
| Արտա Դադե ալբ․՝ Arta Dade | |||
_-_July_2016_(cropped).jpg)
| |||
| |||
|---|---|---|---|
| 12 սեպտեմբերի, 2001 - 31 հուլիսի, 2002 | |||
| Նախորդող | Պասկալ Միլյո | ||
| Հաջորդող | Իլիր Մետա | ||
| Կուսակցություն՝ | Ալբանիայի սոցիալիստական կուսակցություն | ||
| Կրթություն՝ | Տիրանայի համալսարան | ||
| Մասնագիտություն՝ | քաղաքական գործիչ, համալսարանի դասախոս և թարգմանիչ | ||
| Ծննդյան օր | մարտի 15, 1953 (69 տարեկան) | ||
| Ծննդավայր | Տիրանա, Ալբանիա | ||
| Քաղաքացիություն |  Ալբանիա
| ||
Արտա Դադե (ալբ․՝ Arta Dade, մարտի 15, 1953, Տիրանա, Ալբանիա), ալբանացի մանկավարժ և քաղաքական գործիչ։ Ալբանիայի սոցիալիստական կուսակցության անդամ[1]։ Ալբանիայի մշակույթի նախարար (1997-1998), արտաքին գործերի նախարար (2001-2002)։
Կենսագրություն[խմբագրել | խմբագրել կոդը]
Արտա Դադեն ծնվել է 1953 թվականի մարտի 15-ին Տիրանայում։ 1972 թվականից մինչև 1975 թվականը սովորել է Տիրանայի համալսարանի օտար լեզուների ֆակուլտետի անգլերենի բաժնում։ Համալսարանն ավարտելուց հետո որպես ուսուցիչ աշխատել է Տիրանայում՝ օտար լեզուների խորացված ուսուցմամբ Asim Vokshi միջնակարգ դպրոցում։ 1985 թվականին Արտա Դադեն աշխատանքի է անցել Տիրանայի համալսարանում, որտեղ դասավանդել է օտար լեզուների ֆակուլտետի անգլերենի բաժնում մինչև 1997 թվականը[2]։ 1992 թվականին ավարտել է ուսումը ասպիրանտուրայում Մեծ Բրիտանիայում։
1991 թվականին Արտա Դադեն անդամակցել է Ալբանիայի սոցիալիստական կուսակցությանը, իսկ մեկ տարի անց ընտրվել կուսակցության խորհրդի անդամ։ Նշանակալի դեր է կատարել կուսակցությունում 1997 թվականին Ալբանիայում տեղի ունեցած անկարգությունների ժամանակ[3]։ 1998 թվականին Արտա Դադեն դարձել է Ալբանիայի սոցիալիստական կուսակցության քարտուղար միջազգային հարաբերությունների գծով (մի քանի անգամ վերընտրվել է այդ պաշտոնում)։
1997 թվականին Արտա Դադեն առաջին անգամ ստացել է Ալբանիայի Ազգային ժողովի պատգամավորի մանդատ (ներկայացրել է Ֆիերի մարզը)։ 2001 և 2005 թվականներին վերընտրվել է որպես պատգամավոր՝ Ազգային ժողովում մնալով մինչև 2009 թվականը։
1997-1998 թվականներին Արտա Դադեն եղել է Ալբանիայի մշակույթի, երիտասարդության ու սպորտի նախարարը, իսկ 2001-2002 թվականներին՝ Ալբանիայի արտաքին գործերի նախարար և վարչապետի տեղակալ։ Նա նաև եղել է Եվրախորհրդի պառլամենտական ասամբլեային մասնակցած ալբանական պատվիրակության փոխնախագահը։
2013 թվականին Արտա Դադեն եղել է Ալբանիայի արտաքին քաղաքականության հանձնաժողովի նախագահը[4][5]։ 2016 թվականից ԵԱՀԿ պառլամենտական ասամբլեայի Մոլդովայի հարցերով խմբի նախագահն է[6]։
Արտա Դադեն հեղինակել է մի շարք հոդվածներ քաղաքական ու սոցիալ-տնտեսական թեմաներով[2]։
Արտա Դադեն ամուսնալուծված է, ունի երկու երեխա։
Ծանոթագրություններ[խմբագրել | խմբագրել կոդը]
- ↑ «PACE Member File»։ Assembly.coe.int։ Արխիվացված է օրիգինալից 2017-02-11-ին։ Վերցված է 2016-11-18
- ↑ 2,0 2,1 Arta Dade Archived 2017-04-06 at the Wayback Machine. // Partisë Socialiste të Shqipërisë
- ↑ Historical Dictionary of Albania
- ↑ «Albanian Parlament - Chairwoman of Foreign Policy Committee, Mrs. Arta Dade receives the Minister for Dialogue of the Republic of Kosovo, Mrs. Edita Tahiri and the delegation accompanying her»։ Parlament.al։ 2016-11-14։ Արխիվացված է օրիգինալից 2020-03-21-ին։ Վերցված է 2016-11-18
- ↑ «Արխիվացված պատճենը»։ Արխիվացված է օրիգինալից 2016-04-18-ին։ Վերցված է 2017-04-07
- ↑ Эмиссар ОБСЕ — в парламенте
Գրականություն[խմբագրել | խմբագրել կոդը]
- Alan Day: A political and economic dictionary of Eastern Europe. Routledge: 2002, s. 163. ISBN 9781857430639.
- Robert Elsie: Historical Dictionary of Albania. Scarecrow Press: 2010, s. 96-97. ISBN 9780810861886.
Արտաքին հղումներ[խմբագրել | խմբագրել կոդը]
- Արտա Դադեն Ալբանիայի սոցիալիստական կուսակցության կայքում Archived 2017-04-06 at the Wayback Machine.
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Արտա Դադե կատեգորիայում։ |