Արտաքին գովազդ

Վիքիպեդիայից՝ ազատ հանրագիտարանից
Գովազդային էկրան շինության վրա

Արտաքին գովազդ, գրաֆիկական, տեքստային կամ գովազդային բնույթի այլ տեղեկատվություն, որը տեղադրվում է բաց տարածության մեջ գտնվող ժամանակավոր կամ մշտական հատուկ կառույցների վրա: Կարող է տեղադրվել նաև շինությունների արտաքին մակերեսին, փողոցային սարքավորումների տարրերի վրա, ճանապարհներին, ավտոլցակայաններում:

Երբեմն արտաքին գովազդի թվին են դասում նաև գովազդային այն հաղորդագրությունները, որոնք տեղադրվում են խանութների, սուպերմարկետների ներսում, թեև ավելի հաճախ այն համարվում է ներքին գովազդ (indoor-реклама): Արտաքին և ներքին գովազդները միավորվում են Out Of Home (OOH) գովազդի մեջ, որն էլ իր հերթին ներառված է ATL գովազդի կազմում:

Արտաքին գովազդի միջոցներ[խմբագրել | խմբագրել կոդը]

Արտաքին գովազդի տեղադրում Սեվերոդվինսկ քաղաքում

Արտաքին գովազդամիջոցները տարատեսակ են. դրանք կարող են լինել գովազդային հաղորդագրություն պարունակող տարբեր կրիչներ, որոնք տեղադրվում են տեսանելի վայրում:

Արտաքին գովազդի միջոցները կարող են լինել մշտական և ժամանակավոր: Երկու դեպքում էլ դրանք պարտադիր պետք է գրանցել: Գովազդի մշտական միջոցներն ունեն տեղադրման հաստատուն վայր: Դրանք իրենց հերթին կարող են տեղադրվել որևէ հաստատության վրա կամ առանձին հատկացված վայրում: Ժամանակավոր միջոցները տեղադրվում են որոշակի ժամանակահատվածով` ըստ անհրաժեշտության:

Արտաքին գովազդի հիմնական միջոցը մեծամասշտաբ պաստառն է: Այն հիմնականում տեղադրվում է մայրուղիների վրա կամ մարդաշատ վայրերում և հիշեցնում է որոշակի արտադրանքների կամ ծառայությունների, դրանց գտնվելու վայրերի մասին: Հաճախակի կիրառվում է նաև էլեկտրոնային ցուցատախտակը, որն ունի մի շարք հնարավորություններ: Դրանց հիմնական առավելությունն այն է, որ պատկերների փոփոխությունը, դինամիկան և գույները հնարավորություն են տալիս ավելի մեծ հուզական ազդեցություն թողնել դիտողի վրա: Հաղորդագրությունը կարող է փոխվել` կախված օրվա ժամից, շաբաթվա օրվանից, եղանակից: Հիմնական գովազդին հաճախ ավելացնում են նաև տեղական նորություններ և տեղեկատվություն:

Առավելություններ և թերություններ[խմբագրել | խմբագրել կոդը]

Առավելություններ

  • արտաքին գովազդը հնարավոր չէ անջատել/փոխել,
  • գովազդային հաղորդագրությունների հաշվառման համար հարկավոր չեն լրացուցիչ սարքավորումներ,
  • լսարանը մեծանում է բնակչության և ավտոմեքենաների աճին զուգընթաց,
  • համեմատաբար էժան է,
  • հարմար է առևտրի կետերի, ծառայություններ մատուցող օբյեկտների գովազդի համար:

Թերություններ

  • տեղադրման դժվարություն,
  • գովազդային պատկերի հաստատունություն (բացառությամբ էկրանների) և ձայնի բացակայություն (բացառությամբ մեդիաէկրանների),
  • հանրության կողմից ընկալման ոչ միանշանակություն:

Արտաքին գովազդի օբյեկտների դասակարգում[խմբագրել | խմբագրել կոդը]

Կարող են լինել ցանցային և տեղական:

Փողոցային գովազդ[խմբագրել | խմբագրել կոդը]

  • պրոմոկայան,
  • թրոլներ (անգլ.՝ troll),
  • բիլբորդներ (անգլ.՝ billboard) - գովազդային վահանակներ պաստառներով` 6×3 մետր, 8×4 մետր,
  • սուպերկայքեր - առանձին վահանակներ գովազդային պաստառներով, որպես կանոն` 12×4 մետր կամ 15х5 մետր,
  • բրանդմաուեր - շինության պատին փակցված հսկայական պաստառ կամ վահանակ,
  • սթրիթլայն (անգլ.՝ streetline) - տեղադրվում է մայթին,
  • բիզնես-քարտ (անգլ.՝ business cards) - կիրառվում է առևտրի կենտրոններում, կինոթատրոններում, տարբեր ցանցերում,
  • պրիզմատրոն,
  • տեղեկատվական ցուցիչ,
  • մեդիաֆասադ:

Տրանզիտային (գովազդ տրանսպորտում)[խմբագրել | խմբագրել կոդը]

  • գովազդ ավտոմեքենաներում,
  • գովազդ հասարակական տրանսպորտի մեջ,
  • գովազդ մետրոյում,
  • գովազդ տաքսիներում[1]
  • գովազդ նստարանների վրա,
  • գովազդ ասֆալտի վրա,
  • գովազդ ավտոկայանատեղիներում (Parking-реклама):

Գովազդային պատկերի չափը (բարձրություն և երկարություն) կոչվում է գովազդային մակերեսի ֆորմատ: Կարող է ունենալ տարբեր չափեր.

  • 6 × 3 մետր
  • 1,2 × 1,8 մետր
  • 1,4 × 3 մետր
  • 3,7 × 2,7 մետր
  • 4 × 12, 5 × 15 մետր
  • 12,5 × 40 մետր

Գովազդային կրիչները առանձնացնում են նաև ըստ տիպերի, որոնց անվանումները երբեմն համընկնում են ֆորմատների անվանումների հետ:

Իրավական կարգավորում[խմբագրել | խմբագրել կոդը]

Որպես կանոն՝ արտաքին գովազդի տեղադրումը կարգավորվում է գովազդի մասին օրենքներով: Օրինակ՝ ՌԴ-ում գործում է օրենք «Գովազդի մասին»[2][3]:

Ծանոթագրություններ[խմբագրել | խմբագրել կոդը]

Տես նաև[խմբագրել | խմբագրել կոդը]

Գրականություն[խմբագրել | խմբագրել կոդը]

  • Джон Р. Росситер, Ларри Перси. Реклама и продвижение товаров = Advertizing communications & promotion management. — 2-е изд. — СПб.: Питер, 2002. — 656 с. — ISBN 5-272-00241-5.
  • Ромат Е. В. Реклама. — 5-е изд. — СПб.: Питер, 2002. — 544 с. — (Учебники для вузов). — ISBN 5-94723-211-1.
  • Джон Филип Джоунс. Рекламный бизнес: деятельность рекламных агентств, создание рекламы, медиа-планирование, интегрированные коммуникации = The Advertising Business: Operations, Creativity, Media Planning, Integrated Communications. — М.: Вильямс, 2005. — 784 с. — ISBN 0-7619-1239-8.