Արտավազդ Ավագյան

Ավագյան Արտավազդ Արշակի հայ․՝ Արտավազդ Արշակի Ավագյան
Ծնվել է	հուլիսի 8 (21), 1907
Ծննդավայր	Ռուսական Կայսրություն, Ելիզավետպոլի գուբերնիա, Նորաշեն
Մահացել է	նոյեմբերի 16, 1966(1966-11-16) (59 տարեկանում)
Մահվան վայր	Գորկի Լենինսկիե, Լենինսկի շրջան, Մոսկվայի մարզ, ՌԽՖՍՀ, ԽՍՀՄ
Քաղաքացիություն	Ռուսական կայսրություն  ԽՍՀՄ
Ազգություն	հայ
Կրոն	Հայ Առաքելական Եկեղեցի
Կրթություն	Հայաստանի ազգային ագրարային համալսարան
Գիտական աստիճան	գյուղատնտեսական գիտությունների դոկտոր
Մասնագիտություն	կենսաբան
Աշխատավայր	Institute of Plant Industry
Պարգևներ և մրցանակներ	Ստալինյան մրցանակ Լենինի շքանշան և «Պատվո նշան» շքանշան
Անդամություն	ԽՍՀՄ գիտությունների ակադեմիա

Արտավազդ Արշակի Ավագյան (հուլիսի 8 (21), 1907, Նորաշեն, Kazakhsky Uyezd, Ելիզավետպոլի նահանգ, Ռուսական կայսրություն - նոյեմբերի 16, 1966(1966-11-16), Գորկի Լենինսկիե, Լենինսկի շրջան, Մոսկվայի մարզ, ՌԽՖՍՀ, ԽՍՀՄ), հայ խորհրդային կենսաբան և ծագումնաբան։ ԽՍՀՄ ԳԱ թղթակից անդամ 1946 թվականից։

Կենսագրություն

Արտավազդ Ավագյանը ծնվել է 1907 թվականի հուլիսի 8-ին ՀՀ Տավուշի մարզի Նորաշեն գյուղում։ 1926 թ-ին ավարտել է Թբիլիսիի թիվ 72 աշխատանքային դպրոցը, 1931 թվականին՝ Հայկական գյուղատնտեսական ինստիտուտը։ 1932 թ-ին ընդունվում է բուսաբուծության համամիութենական ինստիտուտի ասպիրանտուրան (Լենինգրադ), որտեղ աշակերտում է հանրահռչակ ֆիզիոլոգ ակադեմիկոս Մաքսիմովին։ Ասպիրանտուրան ավարտելուց հետո պաշտպանում է թեկնածուական դիսերտացիա և աշխատանքի անցնում համամիութենական սելեկցիոն-գենետիկական ինստիտուտում (Օդեսա), ղեկավարելով գենետիկայի լաբորատորիան։ Այդ ժամանակաշրջանի նրա ուսումնասիրությունները նվիրված են բամբակենու ծերատման, բույսերի զարգացման, տրամախաչման, կարտոֆիլի տնկանյութի այլասերման և որակի բարելավման կարևոր հարցերին։ 1939 թ-ից մինչև իր կյանքի վերջ Արտավազդ Ավագյանն աշխատել է ԽՍՀՄ ԳԱ գենետիկայի ինստիտուտի «Գորկի Լենինսկիե» փորձարարական կայանում որպես գենետիկայի բաժնի վարիչ։ Մահացել է 1966 թվականի դեկտեմբերի 16-ին Մոսկվայում։ Թաղված է ծննդավայրում։

Գործունեություն

Արտավազդ Ավագյանը ուսումնասիրում էր բույսերի զարգացումը։ Արտավազդ Ավագյանի հետազոտությունները նվիրված են բուսական օրգանիզմների աճման ու զարգացման նպատակադիր ղեկավարման խնդիրներին, բույսերի բեղմնավորման երևույթների բացահայտմանը, ստադիականության տեսությանը, վեգետատիվ հիբրիդացմանը։ Տվել է բուսական օրգանիզմների երիտասարդացման երևույթի նոր մեկնաբանություն։

Պարգևներ

• Լենինի շքանշան (1949)
• Պետական մրցանակի կրկնակի դափնեկիր (1941, 1951)

Տես նաև

• Նորաշեն
• Տավուշի մարզ

Արտաքին հղումներ

• АВАКЯН Артавазд Аршакович (Ռուսերեն)