Արտակ Ալեքսանյան (լրագրող)

Անվան այլ կիրառումների համար տե՛ս՝ Արտակ Ալեքսանյան (այլ կիրառումներ)

Վիքիպեդիայում կան հոդվածներ Ալեքսանյան ազգանունով այլ մարդկանց մասին։

Արտակ Ավետիքի Ալեքսանյան
Ծնվել է	հունվարի 25, 1978(1978-01-25) (46 տարեկան)
Ծննդավայր	Երևան, Հայկական ԽՍՀ, ԽՍՀՄ
Կրթություն	Հայկական պետական մանկավարժական համալսարան (1998), ՀԱՀ (2005) և Յուտայի համալսարան
Մասնագիտություն	լրագրող և հեռուստահաղորդավար
Աշխատավայր	Հայաստանի Հանրային Հեռուստաընկերություն, Հայկական երկրորդ հեռուստաալիք, 168 ժամ և Newmag հրատարակչություն
Պարգևներ և մրցանակներ

Արտակ Ավետիքի Ալեքսանյան (հունվարի 25, 1978(1978-01-25), Երևան, Հայկական ԽՍՀ, ԽՍՀՄ), հայ լրագրող և հաղորդավար, «Բանաձև» ընկերության հիմնադիր, Արմնյուզ լրատվական հեռուստաալիքի գործադիր տնօրեն (2012-2015), Արմենիա հեռուստաընկերության լրատվական դեպարտամենտի ղեկավար։

Կենսագրություն

Արտակ Ալեքսանյանը ծնվել է 1978 թվականի հունվարի 25-ին Երևանում։ 1998 թվականին ավարտել է Հայկական պետական մանկավարժական համալսարանի պատմության ֆակուլտետը։ 2005 թվականին քաղաքագիտության և միջազգային հարաբերություններ է ուսումնասիրել Հայաստանի ամերիկյան համալսարանում, այնուհետև ԱՄՆ Յուտայի համալսարանում ստացել հաղորդակցության մագիստրոսի աստիճանի։

Սովորելու տարիներին սյունակագիր է եղել «168 ժամ» պարբերականին, լուսաբանել է ԱՄՆ-ի և ամերիկահայ համայնքի կյանքը։

Աշխատանքային գործունեություն

Լրագրողական գործունեությունը սկսել է Հայաստանի Հանրային հեռուստատեսությունում` որպես «Նորք» հեռուստաալիքի «Լուրեր» լրատվական ծառայության թղթակից։

1999-2000 թվականներին որպես լրագրղ աշխատել է «Պրոմեթևս» հեռուստաընկերության «Լրաբեր» ծրագրում" 2002-2003 թվականներին եղել է «Ինտերնյուզ» կազմակերպության հայաստանյան գրասենյակի էլեկտրոնային հրատարակության գլխավոր խմբագիր։ Մասնակցել է միջազգային աշխատանքային մի շարք հանդիպումների և վարպետության դասերի լրագրողական հետաքննության, բախումների կարգավորման, ընտրությունների դիտարկման բնագավառներում։ Բազմաթիվ հոդվածների և հրապարակումների հեղինակ է։

2000-2011 թվականներին եղել է Հայաստանի Հանրային հեռուստաընկերության «Հայլուր» լրատվական ծրագրի մեկնաբան, թոք-շոուների հաղորդավար, ապա՝ լրատվական ծառայության գործադիր պրոդյուսեր։ Հիմնել է փաստագրական ֆիլմերի, հեռուստածրագրերի և շոուների արտադրության «Բանաձև» ընկերությունը, , որը իրականացրել է «Հատուկ ռեպորտաժ», «Ականատես» «Ինտերակտիվ», «Բրիֆինգ » և այլ նախագծեր։

2011-2015 թվականներին ղեկավարել է «Արմնյուզ» հեռուստաընկերությունը։

2015-2023 թվականներին ղեկավարել է «Արմենիա» հեռուստաընկերության լրատվական դեպարտամենտը։

2011 թվականին հիմնել է է Newmag ընկերությունը։ Մինչև 2017 թվականը ընկերությունը հրատարակել է համանուն ամսագիրը։ 2018 թվականից Newmag-ը դարձել է հրատարակչություն։

Մրցանակներ

Արտակ Ալեքսանյանն արժանացել է մի շարք մրցանակների, այդ թվում՝ Երևանի մամուլի ակումբի «Լավագույն հեռուստալրագրող», ԵԱՀԿ գրասենյակի «Բնապահպանական հիմնախնդիրներ լուսաբանող լավագույն հեռուստալրագրող», Բրիտանական խորհրդի Հարավային Կովկասի լավագույն մեդիադեմք մրցանակի։

2017 թվականին արժանացել է Մովսես Խորենացու մեդալի։

Արտաքին հղումներ

• Արտակ Ալեքսանյանի հոդվածները Արխիվացված 2013-06-27 Wayback Machine Հայկական ժամանակ պարբերականում
• Բլոգը Արխիվացված 2011-09-17 Wayback Machine Բանաձև.com կայքում