Արսաուլ
| Գյուղ | |
|---|---|
| Արսաուլ | |
| վրաց.՝ არსაული | |
| Երկիր |  Աբխազիա |
| Մունիցիպալիտետ | Գուդաութայի մունիցիպալիտետ |
| ԲԾՄ | 80 մ |
| Բնակչություն | 903 մարդ (1989) |
| Ազգային կազմ | Հայեր |
Արսաուլ ( վրաց.` არსაული, նախկինում` Պրիմորսկոյե, մինչ 1948 թվականը` Գոգիրդծղալի (გოგირდწყალი կամ მესამე ქარხანა - Մեսամե (Երրորդ) Քարխանա), գյուղ և երկաթուղային կայարան Աբխազիայի Գուդաութայի շրջանում, Գուդաութայից 10 կմ հարավ-արևելք: Գտնվում է ծովի մակարդակից 80 մ բարձրության վրա:
Բնակչությունը[խմբագրել | խմբագրել կոդը]
1959 թվականին գյուղն ուներ 214 բնակիչ, հիմնականում հայեր[1], իսկ 1989 թվականին, գյուղում ապրում էր 903 մարդ[2][3]` հիմնականում կրկին հայեր:
Բնակիչներն զբաղվում են ծխախոտի և արևադարձային կուլտուրաների մշակությամբ, անասնապահությամբ, մեղվաբուծությամբ և շերամապահությամբ: Գյուղն ուներ միջնակարգ դպրոց, գրադարան, ակումբ, բուժկայան և մանկապարտեզ: Խորհրդային տարիներին, գյուղում գործում էր ճանապարհանորոգման ու ծովափի ամրացման վարչությունը:
Հայերը ներգաղթել են 1920 թվականին, Սամսունից և նրա շրջակայքի գյուղերից:
Ծանոթագրություններ[խմբագրել | խմբագրել կոդը]
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ 
|
